Byggðarráð Norðurþings

Byggðarráð ítrekar fyrri bókanir sínar um mikilvægi þess að reglulegt áætlunarflug um Húsavíkurflugvöll í Aðaldal haldi áfram. Flugið skipar mikilvægan sess í atvinnuuppbyggingu í Þingeyjarsýslum sem framundan er með tilkomu Grænna Iðngarða á Bakka, tvöföldun Þeistareykjavirkjunar, landeldi á svæðinu og ferðaþjónustu sem er ein stærsta atvinnugreinin á svæðinu. Enn fremur er flugið mikilvægt fyrir íbúa sem þurfa að sækja þjónustu á höfuðborgarsvæðið, s.s. heilbrigðisþjónustu og vegna atvinnusóknar.

Byggðarráð skorar á ríkisstjórn Íslands að veita tímabundinn styrk svo að áætlunarflug til Húsavíkur leggist ekki niður.

Hálfsársuppgjör Norðurþings 2023, tekið fyrir í byggðarráði þann 14.09.2023

Þetta er í fyrsta skipti í nokkurn tíma sem gert er formlegt 6 mánaða uppgjör fyrir Norðurþing og því eru ekki til staðar samanburðartölur í rekstri fyrir sama tímabil á fyrra ári og eru samanburðarfjárhæðir í rekstri því fyrir allt árið 2022.
Árshlutareikningurinn fyrir tímabilið 1. janúar til 30. júní 2023 er óendurskoðaður og ókannaður.
Árshlutareikningurinn sýnir að fjárhagsstaða Norðurþings byggir á traustum grunni en óhagstætt verðbólguumhverfi og mikil hækkun lífeyrisskuldbindinga litar niðurstöðuna.
Halli af rekstri A hluta á tímabilinu nam 229,3 milljónum króna en fjárhagsáætlun gerði ráð fyrir 50,3 milljóna króna halla.
Halli af rekstri samstæðunnar nam 376,3 milljónum en fjárhagsáætlun gerði ráð fyrir 79,6 milljóna króna halla.
Heildareignir samstæðunnar nema í lok tímabilsins 10.048 milljónum króna og eigið fé samstæðunnar nemur 2.065 milljónum króna.
Veltufé frá rekstri A hluta nemur 190 milljónum króna eða um 7,9% af tekjum og veltufé frá rekstri samstæðunnar í heild nemur 245,9 milljónum króna eða um 8,8% af tekjum.

Fjárhagsrammar 2024 fyrir stofnanir og svið Norðurþings verða lagðir fyrir ráðið að nýju á næsta fundi þann 5. október nk.

Byggðarráð samþykkir fyrirliggjandi viðauka að fjárhæð 7.786.000 kr. og vísar honum til staðfestingar í sveitarstjórn.

Byggðarráð samþykkir fyrirliggjandi viðauka af fræðslusviði, samtals að fjárhæð 23.505.000 kr., og vísar þeim til staðfestingar í sveitarstjórn.

Byggðarráð þakkar Unni M. Þorvaldsdóttir frá Landsvirkjun fyrir komuna á fundinn og góða kynningu á rannsóknarverkefni þeirra á vindauðlindinni í landi Norðurþings.

Byggðarráð felur sveitarstjóra að kynna drög að þjónustustefnu Norðurþings í gegnum íbúasamráð.

Lagt fram til kynningar.

Byggðarráð felur sveitarstjóra að setja af stað vinnu sveitarfélagsins um gerð og mótun málstefnu Norðurþings í samræmi við 130. gr sveitarstjórnarlaga.

Byggðarráð felur Katrínu Sigurjónsdóttir sveitarstjóra setu á fundinum og Bergþór Bjarnason fjármálastjóra til vara.

Byggðarráð felur sveitarstjóra að kanna hvort sveitarfélagið eigi erindi til umsóknar í þessari úthlutun.