Fræðslu- og menningarnefnd Norðurþings

Aðalbjörn Jóhannsson starfsmaður ungmennahússins Túns mætti á fundinn og kynnti stuttmynd sem verður framlag Norðurþings á norrænum degi í Álaborg í apríl.Fræðslu- og menningarnefnd lýsir ánægju sinni með verkefnið.Aðalbjörn vék af fundi kl. 15:20.

Fundargerðir 79. fundar framkvæmdaráðs og 80. fundar stjórnar Þekkingarnets Þingeyinga lagðar fram til kynningar.

Samkvæmt ákvörðun fræðslu- og menningarnefndar 11. febrúar verður úthlutað kr. 550.000 úr lista- og menningarsjóði. Fyrir nefndinni liggja umsóknir frá 12 aðilum, samanlagðar styrkbeiðnir þeirra sem tilgreina ákveðna upphæð sem sótt er um eru kr. 2.475.000.

Dans- og kvikmyndaverkefnið SHÄR er samstarfsverkefni ungra listamanna frá Svíþjóð, Íslandi, Ítalíu, Noregi og Ungverjalandi. Hugmynd verkefnisins er að dreifa dansi og skapandi gleði til fólks á Íslandi. Fyrirhugaðar eru vinnusmiðjur á Húsavík í lok maí. Verkefnið er styrkt af Evrópu unga fólksins. Ungmennahúsið Tún leggur verkefninu til aðstöðu fyrir vinnustofur og sýningahald auk gistiaðstöðu fyrir listamennina. Sótt er um styrk að upphæð kr. 245.000. Fræðslu- og menningarnefnd sér sér ekki fært að verða við erindinu enda nýtur verkefnið þegar umtalsverðrar fyrirgreiðslu frá sveitarfélaginu.

Fyrir nefndinni liggur umsókn um styrk vegna útgáfu á bók um íslenskan mat og matarhefðir. Fræðslu- og menningarnefnd sér sér ekki fært að verða við erindinu.

Sótt er um styrk að upphæð kr. 300.000 vegna Jónsviku, vinnuviku listamanna og listahátíðar í Kaldbak sumarið 2014. Fræðslu- og menningarnefnd samþykkir styrk að upphæð kr. 180.000.

Sótt er um styrk kr. 500.000 vegna verksins Tíðir sem sett verður upp í sýningarrýminu Bragganum við Kópasker í tengslum við Sólstöðuhátíð á Kópaskeri sumarið 2014. Verkið er samvinnuverk listakvennanna og tíunda myndlistarsýningin í Bragganum. Fræðslu- og menningarnefnd samþykkir styrk að upphæð kr. 50.000.

Sótt er um styrk kr. 50.000 til 100.000 vegna starfsemi kórsins og vorfagnaðar. Fræðslu- og menningarnefnd samþykkir styrk að upphæð kr. 50.000.

Sótt er um styrk vegna starfsemi kórsins og afmælistónleika. Fræðslu- og menningarnefnd samþykkir styrk að upphæð kr. 100.000.

Sótt er um styrk kr 150.000 vegna starfsemi Flygilvina árið 2014 og tónleikaraðarinnar "Kveður við nýjan tón á Kópaskeri." Fræðslu- og menningarnefnd samþykkri styrk að upphæð kr. 60.000.

Sótt er um styrk vegna námskeiðs og gerðar kvikmyndar sem notendur Miðjunnar vinna að og sýnd verður á hátíðinni "List án landamæra" 10. og 11. maí næst komandi. Fræðslu- og menningarnefnd samþykkir styrk að upphæð kr. 50.000.

Sótt er um styrk kr. 200.000 vegna kaupa á búnaði fyrir sumarbíó. Um er að ræða sýningar á íslenskum kvikmyndum, einkum ætlaðar ferðamönnum. Fræðslu- og menningarnefnd sér sér ekki fært að verða við erindinu.

Sótt er um styrk kr. 250.000 vegna kostnaðar við fyrirhugað kóramót kirkjukórasambands Norður- Þingeyjarsýslu á Raufarhöfn. Fræðslu - og menningarnefnd samþykkir styrk að upphæð kr. 60.000.

Sótt er um styrk kr. 100.000 vegna samstarfs- og kynningarferðar til Færeyja sumarið 2014. Fræðslu- og menningarnefnd sér sér ekki fært að verða við erindinu.

Sagnakortið er samsafn fróðleiks og gagna sem ætlað er að varpa ljósi á lífið á Íslandi fyrr á öldum. Efnið er birt á gagnvirku korti og lögð áhersla á byggðina og fólkið sem þar bjó. Vefsíðan sameinar stafræn gögn um menningu Íslendinga. Sótt er um styrk kr. 600.000 vegna innsetningar gagna frá Norðurþingi. Fræðslu- og menningarnefnd fagnar framtakinu og vísar erindinu til bæjarráðs.

Ragnheiður Jóna Ingimarsdóttir, menningarfulltrúi Eyþings mætti á fundinn og stýrði umræðum og vinnu að menningarstefnu Norðurþings.Fræðslu- og menningarfulltrúa falið að vinna áfram að stefnunni á grundvelli þeirrar vinnu sem fram fór á fundinum.Ragnheiður Jóna vék af fundi kl. 18:00.