Fræðslu- og menningarnefnd Norðurþings

55. fundur 25. nóvember 2015 kl. 11:00 - 13:00 í stjórnsýsluhúsi Norðurþings
Nefndarmenn
  • Olga Gísladóttir formaður
  • Stefán L Rögnvaldsson aðalmaður
  • Anný Peta Sigmundsdóttir aðalmaður
  • Erla Dögg Ásgeirsdóttir aðalmaður
  • Sigríður Hauksdóttir aðalmaður
Starfsmenn
  • Jón Höskuldsson
Fundargerð ritaði: Jón Höskuldsson Fræðslufulltrúi
Dagskrá
Formaður setti fund og bauð fundarmenn velkomna.

Snæbjörn Sigurðarson menningarfulltrúi sat fundinn undir liðum eitt til þrjú.

1.Mærudagur 2015, samningur og skýrsla

201508002

Fyrir nefndinni liggur skýrsla verkefnisstjóra vegna mærudags 2015.
Heiðar Halldórsson verkefnisstjóri mærudags 2015 fór yfir skýrsluna. Húsavíkurstofa mun ekki sjá um hátíðina á næsta ári og því spurning hvert framhaldið verður. Ýmsar hugmyndir eru reifaðar í skýrslunni og mun menningarfulltrúi ræða við hverfisstjóra um framkvæmd hátíðarinnar 2016.

2.Málaflokkur 05, menningarmál, fjárhagsstaða

201504009

Menningarfulltrúi gerði grein fyrir fjárhagsstöðu menningarsviðs fyrstu 10 mánuði 2015.

3.Málefni bókasafna Norðurþings

201506015

Menningarfulltrúi gerði grein fyrir stöðu málefna bókasafna Norðurþings.
Fjárhagsáætlun 2016 gerir ráð fyrir fimm milljón króna lækkun frá áætlun 2015. Menningarfulltrúa er falið í samstarfi við forstöðumenn safnanna að vinna að útfærslum.

4.Málaflokkur 04, fræðslumál, fjárhagsstaða

201504008

Fyrir nefndinni liggur fjárhagsstaða fræðslusviðs fyrir janúar til 20. nóvember 2015.
Lagt fram til kynningar.

5.Fjárhagsáætlun 2016

201506018

Fyrir nefndinni liggur endurskoðuð fjárhagsáætlun fræðslusviðs vegna ákvörðunar bæjarráðs um að hækka launaliði allra fjárhagsáætlana fyrir árið 2016.
Nefndin samþykkir breytingar á fjárhagsáætlun 2016.

6.Sigurborg Ö. Möller og Ásbjörn Kristinsson sækja um námsvist utan lögheimilissveitarfélags fyrir Rakel Jónu Ásbjörnsdóttur

201511012

Fyrir nefndinni liggur umsókn Sigurborgar Ö. Möller og Ásbjörns Kristinssonar um námsvist utan lögheimilissveitarfélags fyrir Rakel Jónu Ásbjörnsdóttur.
Umsókninni er synjað þar sem ekki fylgir henni rökstuðningur eins og kveðið er á um í verklagsreglum Norðurþings um námsvist utan lögheimilissveitarfélags. Þar segir:
"Umsóknum skal fylgja rökstuðningur sérfræðings skólaþjónustu, sálfræðings eða annars meðferðaraðila."

7.Viðmiðunarreglur um skólaakstur frá 2012; endurskoðun

201407032

Fyrir nefndinni liggja endurskoðaðar viðmiðunarreglur Norðurþings um skólaakstur. Tekið hefur verið tillit til umsagna skólaráða og reglurnar uppfærðar í samræmi við athugasemdir þeirra.
Nefndin samþykkir reglurnar með áorðnum breytingum.

8.Samkomulag um akstur nemenda í Grunnskóla Raufarhafnar

201411108

Fyrir nefndinni liggur aksturssamningur við Nönnu Steinu Höskuldsdóttur vegna aksturs barna hennar í Grunnskólann á Raufarhöfn.
Nefndin samþykkir fyrirliggjandi samning.

9.Tækjaleigusamningur vegna búnaðarkaupa fyrir Borgarhólsskóla

201509094

Fyrir nefndinni liggur tækjaleigusamningur sem gerður hefur verið vegna búnaðarkaupa í Borgarhólsskóla.
Lagt fram til kynningar.

Fundi slitið - kl. 13:00.