Áhrif kjarasamninga við K.Í.á fjárhag Norðurþings.

Byggðarráð vísar málinu til fjölskylduráðs sem og skipulags- og framkvæmdaráðs. Óskað er eftir tillögum frá ráðunum til hagræðingar í rekstri á sínum sviðum. Kjarasamningurinn hefur töluverð áhrif á rekstur sveitarfélagsins, kostnaðaraukinn er á bilinu 60-70 m.kr á ári. Það er því nauðsynlegt að bregðast við og leita allra leiða til hagræðingar í rekstri sveitarfélagsins.

Fjölskylduráð felur sviðsstjóra á velferðarsviði, í samstarfi við skólastjórnendur, að leggja fram kostnaðargreindar tillögur til hagræðinga fyrir næsta skólaár og leggja þær fyrir ráðið í maí.

Lagt fram til kynningar.

Fjölskylduráð heldur áfram umfjöllun um hagræðingartillögur á næsta fundi ráðsins.

Fjölskylduráð heldur umfjöllun sinni áfram á næsta fundi ráðsins.

Meirihluti fjölskylduráðs samþykkir eftirfarandi hagræðingartillögur og vísar þeim til byggðarráðs:
Frá skólaþjónustu 6.500.000 kr.
Frá Tónlistarskóla 10.700.000 kr.
Frá Grunnskóla Raufarhafnar 10.600.000 kr.
Frá Öxarfjarðarskóla 15.000.000 kr.

Ráðið samþykkir jafnframt að hagrætt verði í rekstri Grænuvalla um að lágmarki 17.000.000 kr. á ársgrundvelli í ljósi fækkunar nemenda.

Einnig að hagrætt verði í rekstri Borgarhólsskóla um að lágmarki 28.000.000 kr. á ársgrundvelli með eftirfarandi aðgerðum:
-Breytt fyrirkomulag sérkennslu
-Tilfallandi forföll kennara í 6. - 10. bekk verði ekki leyst nema í undantekningartilvikum

Eftirfarandi aðgerðir eiga við alla grunnskóla í Norðurþingi:
-Föst kennsluyfirvinna verði ekki heimil
-Hlutfall sérkennslu verði að hámarki 20% af kennslustundum viðmiðunarstundarskrár

Samtals hagræðing á velferðarsviði á ársgrundvelli er því 87.800.000 kr.

Ísak Már Aðalsteinsson, fulltrúi S-lista, óskar bókað:
Undirritaður vill koma á framfæri áhyggjum af þeim áhrifum sem fyrirhugaðar hagræðingartillögur hafa á þjónustu við íbúa sveitarfélagsins. Mikilvægt er að hlúa að menntakerfinu og þjónustu við barnafjölskyldur án skerðinga á þjónustu.

Halldór Jón Gíslason, fulltrúi V-lista og óháðra, situr hjá.

Fyrir byggðarráði liggur tillaga velferðarsviðs um hagræðingu í rekstri um 87.800.000 kr. á ársgrundvelli.

Tillagan er samþykkt með atkvæðum Hjálmars og Helenu, Benóný greiðir atkvæði á móti tillögunni.

Samkvæmt 28. gr. og 39. gr. samþykkta um stjórn og fundarsköp Norðurþings skulu byggðarráð og fastanefndir sveitarfélagsins funda eigi sjaldnar en tvisvar í mánuði. Helena og Hjálmar leggja til í hagræðingarskyni að aðeins verði fundað tvisvar í mánuði í byggðarráði og fastanefndum nema brýn þörf sé á fleiri fundum.
Með þessari breytingu er áætlað að hagræða í nefndarkostnaði sveitarfélagsins um allt að 11.700.000 kr. á ári.

Tillagan er samþykkt samhljóða.

Samtals hagræðing í rekstri sveitarfélagsins vegna aukins kostnaðar í tengslum við kjarasamninga er því 99.500.000 kr. sem er til samræmis við aukin launakostnað vegna kjarasamninganna.

Benóný óskar bókað: Undirritaður hafnar þessum hagræðingartillögum sem bitna fyrst og fremst á þjónustu við börn og ekki síst börn með sértækar stuðningsþarfir. Fjárhagur sveitarfélagsins er sterkur og undirritaður telur að það sé borð fyrir báru og að með skýrari forgangsröðun fjármuna þurfi ekki að koma til svona mikils niðurskurðar á þeirri þjónustu sem sveitarfélagið veitir börnum.
Benóný Valur Jakobsson

Áki óskar bókað: Fulltrúi M-listans styður þessar hagræðingartillögur fjölskylduráðs, enda komnar frá stofnunum sem þær ná til. Það er alltaf mikilvægt að ná hagræðingu í rekstri Norðurþings, sérstaklega þegar hækkanir eins og þessi samningur sem gerður var við kennara í febrúar sl. fól í sér.