Skipulags- og framkvæmdaráð

Erindi frá íbúum á Raufarhöfn vegna hljóðvistar og útsýnis í sundlaug Raufarhafnar.

Fyrir skipulags- og framkvæmdaráð liggur skýrsla um ástand Samkomuhússins á Húsavík, unnin af Mannviti 2016, sem sviðsstjóri kynnti fyrir ráðinu.

Á 529. fundi byggðarráðs var eftirfarandi bókað: Byggðarráð samþykkir fyrirliggjandi ramma og vísar þeim til umfjöllunar í skipulags- og framkvæmdaráði og fjölskylduráði.

Á 529. fundi byggðarráðs var eftirfarandi bókað: Byggðarráð heldur áfram vinnu sinni við þjónustustefnu Norðurþings samhliða fjárhagsáætlunargerð. Ráðið vísar þjónustustefnu einnig til umfjöllunar í skipulags- og framkvæmdaráði og fjölskylduráði. Byggðarráð stefnir að rafrænu samráði við íbúa við gerð stefnunar.

Gunnar Guðmundarson á Ærlæk II í Öxarfirði kynnir sveitarstjórnum Norðurþings, Langanesbyggðar og Tjörneshrepps tillögur sínar að vegaumbótum í Öxarfirði.

Orkuveita Húsavíkur ohf. óskar hér með eftir leyfi til að bora allt að 10 hitastigulsholur í landi Húsavíkur. Tilgangur holanna er jarðhitarannsóknir og leit að heitu vatni. Horft er til þess að holur verði 60-90 m djúpar, en þó er mögulegt að farið verði niður í allt að 200 til 400m dýpi ef tilefni telst til. Óskað er eftir að bora holur út frá minnisblöðum í viðhengi. Staðsetning holanna tekur mið af því að auðvelt verði að koma tækjum að og frá borstað.

Náttúruverndarstofnun óskar umsagnar um verkefnislýsingu fyrir endurskoðun stjórnunar- og verndaráætlunar Vatnajökulsþjóðgarðs sem nú er í kynningu til 28. október n.k. Í verkefnislýsingunni er gerð grein fyrir fyrirhugaðri endurskoðun stjórnunar- og verndaráætlunar þjóðgarðsins, helstu viðfangsefnum vinnunnar, vinnuferli og áfangaskiptingu. Þar er jafnframt fjallað um hvernig staðið verður að samráði og þátttöku hagaðila og almennings við gerð nýrrar áætlunar. Verkefnislýsingin markar ramma utan um þá vinnu sem fram undan er og þau álitaefni sem taka þarf til skoðunar.

Vopnafjarðarhreppur óskar umsagna um tillögu að nýju aðalskipulagi Vopnafjarðarhrepps sem nú er í kynningu á Skipulagsgátt. Umsagnarfrestur er til 19. nóvember n.k.

Hugo Hultin sækir um stöðuleyfi fyrir geymslugáma á Röndinni á Kópaskeri.

Syntholene óskar eftir stöðuleyfi fyrir veðurhlíf yfir rafgeymi að Hrísmóum 2. Fyrir liggja teikningar af skýlinu. Veðurhlífin yrði klædd hvítri bárujárnsklæðningu sem er í takti við nánasta umhverfi. Fyrir liggur samþykki Orkuveitu Húsavíkur sem er lóðarhafi.

Margrét Hjálmarsdóttir merkjalýsandi, f.h. Ágústu Ágústsdóttir jarðareiganda, óskar samþykkis Norðurþings fyrir stofnun lóðar úr landi Meiðavalla. Lóðin er 62.139 m² að flatarmáli. Með erindi fylgja drög að merkjalýsingu sem innifelur teikningu af fyrirhugaðri lóð og hnitsetningu lóðarmarka. Jafnframt er þess óskað að ný lóð fái heitið Meiðavellir 2.

Hermann Örn Sigurðsson að Baldursbrekku 15 óskar eftir leyfi til að útbúa nýtt bílastæði á lóð sinni að Baldurbrekku 15. Hluti þeirrar framkvæmdar væri niðurtekt á gangstétt og kanntsteini.

Nú er liðinn athugasemdafrestur vegna kynningar á vinnslutillögu deiliskipulags 3. áfanga iðnaðarsvæðis á Bakka. Umsagnir bárust frá 8 aðilum. Umsagnir Vegagerðinnar, Minjastofnunar og Náttúruverndarstofnunar fela ekki í sér ábendingar á þessu stigi vegna skipulagsvinnunnar en umsagnir Rarik, Landsnets, Náttúrufræðistofnunar, Heilbrigðiseftirlits og Landverndar innihalda ábendingar sem nýttar verða til frekari vinnslu verkefnisins.
Fyrir utan framkomnar ábendingar við kynningu skipulagstillögunnar hefur hönnunarvinna vegna fyrirhugaðs gagnavers leitt í ljós að þörf er á stærri lóð en áður var talið. Með hliðsjón af nýrri fornminjaskráningu er nú horft til þess að staðsetja lóð gagnaversins nær þjóðvegi en reiknað var með við kynningu vinnslutillögunnar.