Skipulags- og umhverfisnefnd
Dagskrá
1.Aðgengi að íþróttavelli og tjaldstæði á Húsavík
Málsnúmer 201606068Vakta málsnúmer
Á fundi sínum þann 23. ágúst s.l. óskaði framkvæmdanefnd eftir því við skipulags- og umhverfisnefnd að breyttar vegtengingar við íþróttavelli og tjaldsvæði verði sett í skipulagsferli. Þar er horft til þess að aðgengi verði um Auðbrekku og vegtenging að tjaldstæði frá þjóðvegi verði lokað.
Skipulags- og umhverfisnefnd felur skipulags- og byggingarfulltrúa að láta vinna drög að skipulagslýsingu vegna deiliskipulags fyrir tjaldstæði og íþróttavelli.
2.Gestahus cottages.is óskar eftir breytingu á lóðarmörkum á milli Kaldbaks og Kaldbaks Skógarkots.
Málsnúmer 201708070Vakta málsnúmer
Óskað er eftir breytingu á lóðarmörkum milli Kaldbaks (lnr. 150.866) og Kaldbaks Skógarkots (lnr. 218.152). Breytingin felur í sér að markalína lóðanna hliðrast til þannig að lóð Kaldbaks Skógarkots stækkar en lóð Kaldbaks minnkar.
Meðfylgjandi umsókn er teikning sem sýnir breytinguna.
Meðfylgjandi umsókn er teikning sem sýnir breytinguna.
Skipulags- og umhverfisnefnd leggur til við sveitarstjórn að erindið verði samþykkt.
3.Tilkynning um utanhússklæðningu á Höfða 20.
Málsnúmer 201708045Vakta málsnúmer
Trésmiðjan Rein ehf, f.h. húseigenda tilkynnti með tölvupósti dags. 17. ágúst s.l. að til standi að húseignin að Höfða 20 verði einangruð og klædd að utan með bárustáli.
Erindi kynnt.
4.PCC Bakki óskar eftir takmörkuðu byggingarleyfi fyrir gæsluhliði.
Málsnúmer 201708096Vakta málsnúmer
Óskað er eftir leyfi til að reisa 14,8 m² aðstöðuhús við gæsluhlið á vesturjaðri lóðar. Byggingarfulltrúi kynnti athugasemdir sem fram hafa komið vegna byggingarinnar.
Skipulags- og umhverfisnefnd telur að byggingin sé í samræmi við deiliskipulag og heimilar byggingarfulltrúa að gefa út byggingarleyfi þegar fullnægjandi gögn hafa borist.
5.Faglausn f.h. Garðvíkur ehf. sækir um byggingarleyfi fyrir viðbyggingu, breytingar á innra skipulagi og stækkun lóðar.
Málsnúmer 201709049Vakta málsnúmer
Óskað er eftir leyfi til innri breytinga á núverandi húsi og uppbyggingar viðbyggingar að Kringlumýri 2. Ennfremur er óskað lóðarstækkunar til austurs og norðurs. Með erindi fylgja teikningar unnar af Faglausn.
Skipulags- og umhverfisnefnd felur skipulags- og byggingarfulltrúa að afgreiða þann hluta erindis sem snýr að innri breytingum í núverandi húsnæði. Varðandi lóðarstækkun og fyrirhugaða viðbyggingu telur nefndin að vinna þurfi deiliskipulag af svæðinu áður en afstaða er tekin.
Skipulags- og byggingarfulltrúa er falið að undirbúa vinnu að deiliskipulagi.
Skipulags- og byggingarfulltrúa er falið að undirbúa vinnu að deiliskipulagi.
6.Umhverfisstefna Norðurþings.
Málsnúmer 201707063Vakta málsnúmer
Smári Jónas Lúðvíksson mætti til fundarins undir þessum lið. Smári og Sif kynntu drög að umhverfisstefnu sem þau hafa unnið.
Tillaga rædd og formanni og garðyrkjustjóra falið að vinna drögin áfram til samræmis við umræður á fundinum.
7.Erindisbréf skipulags- og umhverfisnefndar
Málsnúmer 201610043Vakta málsnúmer
Sif kynnti drög að erindisbréfi fyrir nefndina.
Smári Jónas Lúðvíksson sat fundinn við umfjöllun þessa máls.
Smári Jónas Lúðvíksson sat fundinn við umfjöllun þessa máls.
Tillaga rædd og formanni falið að vinna drögin áfram til samræmis við umræður á fundinum.
8.Fjárhagsáætlun 2018 Skipulags- og byggingarmál
Málsnúmer 201709073Vakta málsnúmer
Byggðaráð Norðurþings hefur samþykkt fjárhagsramma vegna fjárhagsáætlunar fyrir árið 2018. Skipulags- og byggingarfulltrúi kynnti rammann og fyrirhugað vinnuferli við afgreiðslu fjárhagsáætlunarinnar.
Skipulags- og umhverfisnefnd felur skipulags- og byggingarfulltrúa að gera tillögu að fjárhagsáætlun fyrir skipulags- og byggingarmál.
Fundi slitið - kl. 18:10.