Aðgengi að íþróttavelli og tjaldstæði á Húsavík

Vegagerðin hefur óskað eftir því að leiðum að tjald- og íþróttasvæði verði lokað og því nauðsynlegt að endurskipuleggja svæðið.

Fela þarf skipulags- og bygginganefnd að koma breyttum vegtengingum við íþróttavelli og tjaldsvæði í skipulagsferli.
Um er að ræsða lokun vegtenginga frá þjóðvegi 85 að tjaldsvæði annar vegar og að vallarhúsi hins vegar. Staðsetja þarf vegtengingu frá Auðbrekku að tjaldsvæði og nýtt bílastæði sunnan við kirkjugarðinn.

Á fundi sínum þann 23. ágúst s.l. óskaði framkvæmdanefnd eftir því við skipulags- og umhverfisnefnd að breyttar vegtengingar við íþróttavelli og tjaldsvæði verði sett í skipulagsferli. Þar er horft til þess að aðgengi verði um Auðbrekku og vegtenging að tjaldstæði frá þjóðvegi verði lokað.

Kynning á stöðu skipulagsmála í kringum íþrótta- og tjaldsvæði.

Á fundi sínum þann 23. ágúst s.l. óskaði framkvæmdanefnd eftir því við skipulags- og umhverfisnefnd að breyttar vegtengingar við íþróttavelli og tjaldsvæði verði settar í skipulagsferli.
Þar er horft til þess að aðgengi verði um Auðbrekku og vegtenging að tjaldstæði frá þjóðvegi verði lokað.

Skipulags- og umhverfisnefnd svaraði erindinu á eftirfarandi hátt:
Skipulags- og umhverfisnefnd felur skipulags- og byggingarfulltrúa að láta vinna drög að skipulagslýsingu vegna deiliskipulags fyrir tjaldstæði og íþróttavelli.

Drög að skiplagslýsingu vegna deiliskipulags fyrir tjakdtæði og íþróttavelli hafa ekki borist ennþá.

Framkvæmdanefnd ítrekar fyrri beiðni um að sett verði í gang skipulagsferli vegna vegtenginga við íþróttavelli og tjaldstæði. Upphaflega var horft til tenginga um Auðbrekku, en nú er lögð á það áhersla að einnig verði aðrar mögulegar vegtengingar skoðaðar.

Á síðasta kjörtímabili var ákveðið að hefja vinnu við mótun breyttrar aðkomu að tjaldsvæði og íþróttavelli á Húsavik um Auðbrekku. S.l. vetur vaknaði hinsvegar sú hugmynd að aðkoman gæti e.t.v. áfram orðið frá þjóðvegi 85, mögulega í tengslum við vegtengingu af Húsavíkurhöfða inn á þjóðveginn.
Skipulags- og byggingarfulltrúi kynnti stöðu málsins.