Framkvæmdanefnd

Fyrir framkvæmdanefnd liggur að taka afstöðu til hækkunar húsaleigu leiguíbúða í eigu sveitarfélagsins og hvaða leið sé vænlegast að fara til að ákvarða hækkunina.

Ítekað hafa girðingar legið niðri og hross sloppið af því svæði sem skilgreint er í samningi "Leigusamningur (A) v/ Saltvík ehf kt.500605-0220; 43,0 ha".
Erindi með athugasemdum hafa verið send á leigutaka og honum gefinn kostur á að bæta ástand girðinga ásamt því að leggja fram þá áætlun um áburðardreifingu sem farið er fram á í leigusamning, en engin viðbrögð hafa fengist við þeim.
Vegna endurtekinna brota á fyrrgreindum leigusamningi, þrátt fyrir kröfur um úrbætur er honum vísað til meðferðar í framkvæmdanefnd.

Fyrir liggur að skipuleggja umgjörð á leigu beitarhólfa á landi í eigu Norðurþings og koma þeim málum í fastar skorður sem auðvelt verður fyrir sveitarfélagið að hafa umsjón með.

Sel ehf og Norðurþing áttu fund fyrir skemmstu þar sem rædd voru sorphirðumál austursvæðis til framtíðar. Á fundi framkvæmdanefndar verða kynnt þau mál sem rædd voru á fundinum.
Smári Jónas Lúðvíksson ræðir helstu mál og næstu skref varðandi sorpmál sveitarfélagsins.

Fyrir framkvæmdanefnd liggur að taka afstöðu til endanlegs útlits á nýrri slökkvistöð.

Norðurþingi hefur borist erindi frá veiðifélögum við Laxá, Reykjadalsá og Mýrarkvísl þar sem þess er farið á leit að sveitarfélagið afturkalli útgefin veiðileyfi til netaveiði nærri ósum fyrrgreinds vatnasviðs.
Fyrir framkvæmdanefnd liggur að taka afstöðu til málsins.

Vegagerðin óskar eftir framkvæmdaleyfi til Norðurþings fyrir gerð gangbrautar á Héðinsbraut norðan Auðbrekku.

Fyrir framkvæmdanefnd liggur að taka afstöðu til beiðni um að Norðurþing leggi til eignir á SR lóð, Soðhús og Lýsishús, undir sýninguna Þorpið sem er hönnuð af Þórarni Blöndal og Finn Arnari í samvinnu við Daníel Hansen. Norðurþing mun eiga húsið og leita leiða til að koma þessari sýningu upp í samvinnu við hönnuði og framkvæmdaaðila. Samvinnan yrði í þá veru að gerður yrði samningur við framkvæmdaraðila um afnot af húsinu og jafnvel einhvers konar aðkomu að uppbyggingu hússins.

Verkefnið var kynnt af undirrituðum inn í framkvæmdanefnd og sveitarstjórn árið 2016 og var mikill áhugi fyrir hendi að koma að styðja við verkefnið. Stuðningur við þetta verkefni er í takt við þá stefnu Norðurþings að gera upp SR lóðina og er vilji íbúa einnig á bakvið þetta verkefni skv. umræðum á íbúafundum.

Hönnunargögn eru að detta í hús vegna þeirra gatnaframkvæmda sem fyrirhugaðar eru í ár. Vegna þess hversu seint þessi gögn eru að skila sér til okkar, þá er óvíst hvort malbikunarframkvæmdir sem tengjast þeim verkefnum náist fyrir veturinn. Því er spurning hvort þeim fjármunum sem áætlaðir voru í nýlagnir malbiks sé betur varið í viðgerðir og yfirlagningu þ.a. þeir fjármunir nýtist á þessu ári, frekar en að færa þessa fjármuni yfir á næsta ár.
Til stendur að setja eins mikið af malbiksviðgerðum og kostur er inn á framkvæmdaáætlun 2018 til þess að nýta þá aðstöðu sem Hlaðbær Colas hefur sett upp hér á staðnum. Allt gatnaviðhald sem framkvæmt yrði í ár myndi því dragast frá þeim verkefnun sem þyrfti að framkvæma á næsta ári.
Fyrir framkvæmdanefnd liggur að taka ákvörðun um hvaða leið skuli valin í þessu máli.

Fela þarf skipulags- og bygginganefnd að koma breyttum vegtengingum við íþróttavelli og tjaldsvæði í skipulagsferli.
Um er að ræsða lokun vegtenginga frá þjóðvegi 85 að tjaldsvæði annar vegar og að vallarhúsi hins vegar. Staðsetja þarf vegtengingu frá Auðbrekku að tjaldsvæði og nýtt bílastæði sunnan við kirkjugarðinn.