Tómstunda- og æskulýðsnefnd Norðurþings

SAMAN hópurinn sendir bréf þar sem hvatt er til samveru fjölskyldunnar í sumar. Hópurinn hvetur til þess að sveitarfélög hyggi vel að öllu skipulagi er varðar öryggi barna og ungmenna er kemur að útihátíðum á vegum sveitarfélaganna, t.d. með með því að framfylgja aldurstakmörkunum áfengislaga, lögum um útivistartíma barna og að taka mið af öðrum verndarákvæðum barnaverndarlaga.

Tómstunda- og æskulýðsnefnd þakkar fyrir ágætar ábendingar og tekur undir brýningu SAMAN hópsins á mikilvægi málefnisins.
Tómstunda- og æskulýðsfulltrúa falið að koma á framfæri rafrænum auglýsingum frá hópnum sem víðast á svæðinu.

Per Christensen mætti á fundinn og kynnti hugmyndir að deiliskipulagi íþróttasvæðis á Húsavík.Tómstunda- og æskulýðsnefnd þakkar Per fyrir greinargóða kynningu. Nefndin fagnar bættri aðstöðu fyrir notendur íþróttasvæðisins.

Farið var yfir nokkrar greinar barnasáttmálans og leggur Tómstunda- og æskulýðsnefnd það til að barnasáttmálinn verði kynntur sem víðast.Tómstunda- og æskulýðsfulltrúa falið að senda sáttmálann íþrótta- og æskulýðsfélögum innan sveitarfélagsins svo og öllum kjörnum fulltrúum sveitarfélagsins. Tómstunda- og æskulýðsnefnd samþykkir að senda málið til umræðu í Ungmennaráði Norðurþings.

Vinnueftirlitið minnir á gildandi reglugerðir um togbrautarbúnað skíðamannvirkja.Lagt fram til kynningar.

Golfklúbburinn Gljúfri sækir um styrk að upphæð 1.000.000 króna. Tómstunda- og æskulýðsnefnd samþykkir að veita styrk að upphæð 350.000 krónur og felur jafnframt tómstunda- og æskulýðsfulltrúa að senda styrkbeiðnina áfram til bæjarráðs með greinargerð.

Æskulýðsnefnd Hestamannafélagsins Grana sækir um greiðslu á áður samþykktum styrk fyrir árið 2011 að upphæð 300.000 krónur. Tómstunda- og æskulýðsnefnd samþykkir styrk að upphæð 300.000 krónur. Jafnframt er tómstunda- og æskulýðsfulltrúa falið að ganga til samninga við æskulýðsnefnd Grana um áframhaldandi styrkveitingar. Tómstunda- og æskulýðsnefnd óskar eftir því að æskulýðsnefnd Grana kynni starfsemi sína og framtíðarsýn á næsta fundi nefndarinnar.

Tómstunda- og æskulýðsnefnd ítrekar fyrri tillögu sína við Framkvæmda- og hafnarnefnd varðandi áframhaldandi uppbyggingu/endurnýjun leikvalla í sveitarfélaginu 14.02 2011. Með því móti yrði einn leikvöllur endurnýjaður ár hvert. Vísað er í ástandsskoðun leikvalla.

Tómstunda- og æskulýðsfulltrúi fór yfir sumarstarfið 2012.

Tómstunda- og æskulýðsnefnd felur starfsmanni nefndarinnar að safna saman upplýsingum um tækjaþörf íþróttamannvirkja.

Tómstunda- og æskulýðsnefnd fagnar fyrirliggjandi tillögum að Frístundaheimili í Túni.Starfssemi Skólasels Borgarhólsskóla mun með því flytjast í Tún.

Tómstunda- og æskulýðsfulltrúi fór yfir stöðu mála í málaflokknum.Bygging á gervigrasvelli.Fyrirkomulag vinnuskólans.Leikjanámskeið.Félagsmiðstöðvastarf.Starfsemi íþróttamannvirkja sveitarfélagsins.