Fréttir

Norðurþing auglýsir til leigu íbúðarhúsið Skúlagarð í Kelduhverfi. Áhugasamir hafi samband við Svein Hreinsson umboðsmann fasteigna Norðurþings sveinnhr@nordurthing.is /892-8533

Íþrótta- og Ólympíusamband Íslands stendur fyrir fræðslu- og hvatningarverkefninu Lífshlaupinu sem verður ræst í annað sinn miðvikudaginn 4. febrúar.   Um 7700 manns tóku þátt í Lífshlaupinu á síðasta ári.  Lífshlaupið höfðar til allra landsmanna og er hægt að skrá þátttöku á vefsíðu Lífshlaupsins http://www.lifshlaupid.is/ .  

Menningarfulltrúi Eyþings verður með viðveru  í Norðurþingi  vegna úthlutunar á verkefnastyrkjum til menningarstarfs fyrir árið 2009 Húsavík 26. janúar kl. 9-11 í Safnahúsinu á Húsavík/ Menningarmiðstöð Þingeyinga Kópaskeri 26. janúar kl. 14-15 á Skrifstofu Norðurþings Raufarhöfn 28. janúar kl. 13-14 á skrifstofu Norðurþings Viðtalstímar á öðrum tímum eftir samkomulagi.  

Menningarráð Eyþings auglýsir til umsóknar verkefnastyrki til menningarstarfs á Norðausturlandi 2009 Menningarráð Eyþings auglýsir eftir umsóknum um styrki á grundvelli samnings menntamálaráðuneytisins og iðnaðarráðneytisins við Eyþing frá 27. apríl 2007. Tilgangur styrkjanna er að efla menningarstarfsemi og menningartengda ferðaþjónustu á Norðausturlandi. Menningarráðið leggur jafnan áherslu á að þau verkefni sem hljóta styrki efli á einhvern hátt samstarf og/eða samvinnu í menningarmálum á Norðausturlandi eða dragi fram menningarleg sérkenni svæðisins.

Sif Jóhannesdóttir, verkefnisstjóri hjá Atvinnuþróunarfélagi Þingeyinga verður á ferðinni þriðjudaginn 20. janúar, á Raufarhöfn frá 10:00-13:00 og Kópaskeri frá 14:00-16:00. Minnt er á að umsóknarfrestur um styrki Ferðamálastofu til úrbóta á ferðamannastöðum rennur út 31. janúar.

Skíðalyftan verður opin á morgun, föstudag frá kl. 11:00-19 ef veður leyfir. Stefnd er að því að lyftan verði annars opin frá 14:00-19:00 virku dagana. 12:00-17 :00 um helgar. Opnunin verður háð snjóalögum og veðri. Forstöðumaður

Nú er unnið að undirbúningi fyrir fyrstu opnun vetrarins á skíðasvæði Húsvíkinga í Skálamel.  Verið er að troða brautir og ætti skíðafæri að vera með ágætum.  Ekki er alveg hægt að tímasetja opnunina nákvæmlega en stefnan er sett á það verði um kl. 15:00 í dag.

Námskeið í félagsmálafræðslu á Húsavík 13. janúar Námskeið í félagsmálafræðslu verður haldið á Húsavík 13.janúar. Námskeiðið hefst klukkan 18:00 og stendur til 22:00 og fer fram í félagsaðstöðu Völsungs. Námskeiðsgjald er 5000 krónur.

Þrettándabrennan verður á uppfyllingunni sunnan GPG í dag kl. 18:00.  Fyrir brennu mun 4. flokkur kvenna í knattspyrnu gangar með kyndla frá íþróttahöllinni. Fjölmennum og kveðjum jólin um leið og við yljum okkur við logana.   

Stjórnvöld hafa sett á fót upplýsingamiðstöð vegna efnahagsástandsins á Íslandi. Forsætis- og utanríkisráðuneyti unnu að undirbúningi upplýsingamiðstöðvarinnar en fleiri ráðuneyti koma að efnisöflun og símaþjónustu. Markmið hennar er að einfalda aðgengi almennings að upplýsingum um hvað eina sem viðvíkur efnahagsástandinu.

Á fundi sveitarstjórnar sem haldinn var í Skúlagarði síðast liðinn föstudag voru veitt umhverfisverðlaun Norðurþings.  Það var framkvæmda- og þjónustunefnd sem tilnefndi til verðlaunanna. 

Kveikt verður á áramótabálkesti Húsavíkur klukkan 16:00 þann 31. desember.  Kiwanisklúbburinn Skjálfandi sér um flugeldasýningu en útskriftarnemar FSH sjá um að tendra eldinn. Komum saman og kveðjum árið 2008 og fögnum því nýja!