Fréttir

Stjórn Samhljóms og meðlimum Karlaklúbbsins Sófíu var boðið í heimsókn í Norðlenska í dag. Tilefnið var að veita rausnarlegum gjöfum frá Norðlenska viðtöku sem notaðar verða til góðgerða fyrir jólin.

Sif Jóhannesdóttir verkefnisstjóri GEBRIS verkefnisins  verður til viðtals á skrifstofum Norðurþings fimmtudaginn 18. desember sem hér segir: Skrifstofa Norðurþings á Raufarhöfn, 10:00-13:00 Skrifstofa Norðurþings á Kópaskeri, 14:00-16:00 Hægt er að panta viðtal í tölvupósti sif@atthing.is eða í síma 464 0427 GEBRIS er samnorrænt verkefni sem Atvinnuþróunarfélag Þingeyinga er þátttakandi í. Verkefnið  lýtur að þróun ferðaþjónustu á svæðinu frá Jökulsá til Bakkafjarðar.

Samþykktar hafa verið nýjar reglur um hunda- og kattahald í Norðurþingi.  Talsverð breyting hefur orðið frá fyrri reglugerð svo hunda- og kattaeigendum er bent á að kynna sér vel hina nýju reglugerð sem og gjaldskrá. Sjá nánar hér fyrir neðan

Næsti fundur sveitarstjórnar Norðurþings verður haldinn  föstudaginn 19. desember n.k. í Skúlagarði. Fundurinn hefst kl. 16:00. Dagskrá fundarins verður birt síðar á heimasíðu Norðurþings.

Nú á haustönn hefur nemendum í Borgarhólsskóla gefist kostur á að starfa í unglingadeild björgunarsveitarinnar Garðars, Náttfara og fá starf sitt metið sem valfag innan skólans. Árið 1996 var stofnuð sérstök ungliðadeild innan Björgunarsveitarinnar Garðars, sem hlaut nafnið Náttfari, með það að markmiði að efla endurnýjun félaga. Náttfari starfaði í mörg ár sem öflug deild innan félagsins en undanfarin ár hefur hún verið í nokkurri lægð.

Innan sveitarfélagsins eru starfrækt mörg félög sem sinna hinum ýmsu málefnum og verður seint fullþakkað framlag þeirra til samfélagsins. Nú sem fyrr er nauðsynlegt að halda starfi þessara félaga á lofti.  Undirritaðann langar að fara þess á leit við þau félög sem eru starfrækt hér á svæðinu að þau komi til hans upplýsingum varðandi sína starfsemi og/eða hvar þær sé að finna, þannig að hægt verði að setja þær upplýsingar inn á vef Norðurþings. Með kveðju, Jóhann Rúnar Pálsson Æskulýðsfulltrúi Norðurþings joipals@nordurthing.is 4646196/4646197

Á fundi sveitarstjórnar Norðurþings 25. nóvember sl. var kynnt tillaga að stefnu og skipulagsramma fyrir miðbæ Húsavíkur sem ráðgjafarfyrirtækið Alta hefur unnið í samstarfi við skipulags- og byggingarnefnd.

Opnunartími Sundlaugar Húsavíkur um jól og áramót verður sem hér segir: AÐFANGADAGUR 24/12 10:00 - 12:30 JÓLADAGUR 25/12 Lokað ANNAR Í JÓLUM 26/12 10:00 - 13:00 Laugardagur 27/12 10:00 - 17:00 Sunnudagur 28/12 10:00 - 17:00 GAMLÁRSDAGUR 31/12 10:00 - 15:00 NÝÁRSDAGUR 1/1 LOKAÐ Aðra daga er opið eins og venjulega. Forstöðumaður

Fólki sem misst hefur vinnu sína er boðið að koma saman í Geðræktarmiðstöðinni Setrinu, Árgötu 12, 640 Húsavík, þriðjudaga, miðvikudaga og föstudaga milli kl. 10 og 12 í kaffi og spjall.  Markmiðið er að rjúfa félagslega einangrun, viðhalda virkni og fyrirbyggja slæmar afleiðingar sem atvinnuleysi getur mögulega haft í för með sér.

Laugardaginn 29. nóvember verður haldinn menningardagur á Kópaskeri.  Dagskráin fer fram í íþróttahúsinu og veður húsið opnað kl. 13:00 en dagskráin hefst kl. 13:30. Meðal efnis á dagskránni er ávarp sveitarstjóra, tónlistaratriði, afhending hvatningarverðlauna og bingó svo eitthvað sé nefnt.

Tendrað veðrur á ljósunum á jólatrénu á Húsavík föstudaginn 28. nóvember n.k. Dagskráin hefst kl. 18:00 og verður að venju margt á henni.  Má þar nefna að poppkór úr Borgarhólsskóla syngur jólalög undir stjórn Lisu McMaster, sveitarstjóri Norðurþings, Bergur Elías Ágústsson, flytur ávarp, séra Sighvatur Karlsson flytur hugvekju og að sjálfssögðu mæta jólasveinar á staðinn með óvæntan glaðning. Að auki verður Soroptimistaklúbburinn með kleinu- og kakósölu. Það er sunddeild Völsungs sem hefur veg og vanda að dagskránni.

26. fundur sveitarstjórnar Norðurþings verður haldinn í stjórnsýsluhúsi Norðurþings, þriðjudaginn 25. nóvember og hefst kl. 16:00. Nánar um dagskrá fundarins hér að neðan.