Fréttir

Skipulag ferða Félags- og skólaþjónustu Þingeyinga Félags- og skólaþjónusta Þingeyinga, hefur ákveðið að taka upp fasta viðtalstíma ráðgjafa í félagsþjónutu og barnavernd á starfssvæðinu. Ferðirnar eru skipulagðar með það í huga að: **Auka þjónustu við viðskiptavini á þessum svæðum og gera samstarf, meðferð og eftirfylgni samfelldari og markvissari. **Auka samstarf við starfsmenn heilsugæslu og sveitarfélaganna. **Auka samskipti og stuðning við starfsmenn FSÞ og sveitarfélaganna sem vinna við félagsþjónustu og barnavernd.

Þann 6. nóvember síðast liðinn tók nýr dreifbýlisfulltrúi fyrir Norðurþing til starfa. Hún heitir Elísabet Gunnarsdóttir og mun hafa aðsetur á skrifstofu sveitarfélagsins á Kópaskeri. Þeir sem vilja hafa samband við hana geta hringt beint til hennar í síma 464-6125 eða sent henni tölvupóst á netfangið elisabet@husavik.is.

Á fundi byggðarráðs Norðurþings í gær, 2. nóvember, óskaði Tryggvi Jóhannsson eftir að rætt yrði um  hvalveiðar og áhrif þeirra á ferðaþjónustu og var niðurstaða umræðnanna eftirfarandi:

Vegagerðin í Núpasveit gengur rólega og er nú orðin tveimur mánuðum á eftir upphaflegri áætlun og sér ekki fyrir endann á framkvæmdum ennþá. Ástæður eru víst nokkrar bæði hjá Vegagerðinni og verktaka.   Má merkilegt heita að ekki skuli vera hægt að klára þetta stuttan vegarkafla á heilu sumri. Frétt af www.dettifoss.is

Nú geta allir íbúar 18 ára og eldri, fengið sína eigin rafrænu þjónustugátt hjá sínu sveitarfélagi, Norðurþingi, Aðaldælahreppi eða Þingeyjarsveit. Hluti af torgunum krefst ekki innskráningar þannig að hinir geta vafrað um líka og skoðað hvað þar er í boði.   Skjálfandatorg veitir aðgang að rafrænum þjónustugáttum sem gera íbúum í byggðarlaginu kleift að sinna erindum sínum og sækja þjónustu til samstarfsaðilanna, sem standa að átaksverkefninu Virkjum alla – rafrænt samfélag.  

Nokkur snjókoma hefur verið síðustu daga í Norðurþingi. Víða er hált eða hálkublettir á milli þéttbýlisstaðanna. Hægt er að skoða hitatölur, færð og veðurspá í veðurboxinu á hér á síðunni. Spáð er hlýnandi veðri næstu daga. Nemendur í Borgarhólsskóla tóku snjónum fagnandi og var mikið fjör í frímínútunum. Búnar voru til allskonar fígúrur úr snjónum eins og snjókarlar og kerlingar. Einnig flugu snjóboltar um lofið og búin voru til virki eins og sjá má á myndinni.

Menningarvika 22. til 28. október Bjart er yfir Raufarhöfn 2006   Dagskrá í félagsheimilinu Hnitbjörgum   22. okt. kl. 15:00 Messa í Raufarhafnarkirkju, Séra Jón Ármann Gíslason messar. kl. 16:00  Kaffihlaðborð í Félagsheimilinu, Kvenfélagið Freyja. Menningarhátíð sett.

 Setrið er í senn athvarf og iðja fyrir einstaklinga með geðraskanir og þá sem vilja starfa markvisst að geðrækt.   Setrið er til húsa við Héðinsbraut 6 á Húsavík (á planinu hjá Shell) og verður opið frá kl. 11:00-16:00 á mánudögum, miðvikudögum og fimmtudögum. Hægt verður að kaupa léttan hádegisverð s.s. súpu og brauð á kostnaðarverði.

Á fundi Fjölskyldu- og þjónusturáð 11. október var samþykkti að veita styrki úr lista- og menningarsjóði til eftirfarandi aðliða. Hrynjandi fékk styrk að upphæð 100.000 til að efla starfsemi lúðrasveitarinnar í nýju sveitarfélagi.  Leikfélagi Húsavíkur fékk styrk að upphæð 50.000 vegna námskeiða. KFUM og KFUK Húsavík, fékk styrk að upphæð 75.000 vegna uppsetningar á aðventu- og jólaleikþætti. Að auki var samþykkt að kaupa þrenna skólatónleika af Sinfóníuhljómsveit Norðurlands á yfirstandandi skólaári og standa straum af kostnaði vegna aksturs skólabarna frá Raufarhöfn á tónleikana

Ný leiktæki hafa verið sett upp við Grunnskólann á Raufarhöfn. Þetta eru samskonar leiktæki og hafa verið sett upp fyrir nemendur á yngsta stigi við Borgarhólsskóla. Nemendur skólans hafa tekið þessum nýju leiktækjum vel. Á nýjum vef skólans má sjá myndir af nemendum í leik og starfi á skólalóðinni. Þessi vefur er í vinnslu og er einn af nýjum vefum stofnanna sveitarfélagsins.  Skoða myndir

Á fundi skólanefndar 2. október var lögð svo hljóðandi áskorun nemenda á miðstigi Borgarhólsskóla: “Við, nemendur á miðstigi Borgarhólsskóla skorum á bæjarstjórn og alla þá sem einhverju ráða um skólann okkar að setja upp leiktæki vestan við skólann sem ætluð eru fyrir miðstig. Núna er ekkert að gera úti í frímínútum nema að vera í fótbolta.         Okkur vantar meiri fjölbreytni.” Undir áskorunina rita 47 nemendur á miðstigi skólans skólaárið 2005 – 2006.           Skólanefnd vísar áskoruninni til gerðar fjárhagsáætlunar fyrir árið 2007. Skólanefnd leggur áherslu á að samráð verði haft við nemendur þegar kemur að hönnun á vesturhluta skólalóðar. Framkvæmdastjóra Fjölskyldu- og þjónustusviðs falið að gera nemendum miðstigs grein fyrir afgreiðslu skólanefndar.

Að frumkvæði Ólafs Ragnars Grímssonar forseta, hefur verið blásið til forvarnardags í grunnskólum landsins (sjá http://forvarnardagur.is). Þetta átak er m.a. unnið í samvinnu við íþrótta- og æskulýssamtök. þessi málaflokkur er því sérstaklega á dagskrá í mörgum grunnskólum í dag.