Fréttir

Frístundakortin eru komin í sölu fyrir næsta ár og gilda frá 1. febrúar 2013 til 31. janúar 2014.  Verðið er óbreytt frá fyrra ári en kortið kostar 3.000.- kr. fyrir fyrsta barn, 2.000.- krónur fyrir annað barn og frítt fyrir næstu börn í fjölskyldu. 

Bæjarstjórn Norðurþings auglýsir hér með til almennrar kynningar tillögu að deiliskipulagi Dettifossvegar (nr. 862) frá Dettifossafleggjara norður á Norðausturveg (nr. 85) í Kelduhverfi ásamt tilheyrandi umhverfisskýrslu með vísan til 7. gr. laga um umhverfismat áætlana nr. 105/2006 og 41. gr. skipulagslaga nr. 123/2010.

Í sameiginlegu verkefni Byggðastofnunar, Norðurþings, Atvinnuþróunarfélags Þingeyinga og Háskólans á Akureyri, um þróun byggðar á Raufarhöfn er lögð áhersla á aðkomu íbúa.  Haldnir hafa verið tveir fundir með íbúum og um næstu helgi, 26. – 27. janúar verður haldið íbúaþing í Grunnskólanum. 

Bæjarstjórn Norðurþings samþykkti á fundi sínum 14. desember s.l. að auglýsa skipulagslýsingu, sbr. 40. gr. laga nr. 123/2010 vegna deiliskipulagsvinnu sem er að hefjast fyrir urðunarsvæði fyrir sorp á gamla flugvellinum við Kópasker.

Atvinnuþróunarfélag Þingeyinga boðar til vinnufundar vegna gerðar sóknaraætlunar Eyþings þriðjudaginn 15. janúar kl. 16:00 í Skúlagarði í Kelduhverfi. Áætlað er að fundinum ljúki eigi síðar en kl. 19:00.  

Skíðalyftan í Skálamel verður lokuð í dag vegna viðgerða.  Stefnt er að opnun á morgun.

Nýjungar verða í almenningssamgöngum á Norður- og Norðausturlandi frá og með 2. janúar 2013, þegar Strætó mun hefja akstur á  svæðinu. Þessi nýjung mun leiða til fleiri ferða og aukinnar þjónustu á svæðinu. Þrjár leiðir verða í boði: Siglufjörður – Akureyri, Egilsstaðir- Akureyri og Þórshöfn - Akureyri í gegnum Húsavík.

Fiskistofa auglýsir eftir umsóknum um byggðakvóta til fiskiskipa fyrir eftirtalin byggðarlög skv. Ákvæðum reglugerðar nr. 628/2012 um úthlutun byggðakvóta til fiskiskipa á fiskveiðiárinu 2012/2013.

Vegna óhagstæðrar vindaspár fyrir sunnudaginn 6.janúar hefur verið ákveðið að færa þrettándabrennuna sem vera átti í Breiðuláginni á brennustæðið ofan við hesthúsabyggðina.

Skrifstofur Norðurþings á Húsavík, Raufarhöfn og Kópaskeri verða lokaðar fimmtudaginn 27. desember og mánudaginn 31. desember. Opið verður milli kl. 10 og 14 föstudaginn 28. desember.

Strætó bs fyrirhugar að hefja þjónustu í almenningssamgöngum á Norður- og Norðausturlandi frá og með 2. janúar 2013.  Hægt er nálgast upplýsingar um þjónustuna hér fyrir neðan.

Boðað er til kynningar- og upplýsingafundar með hagsmunaaðilum í sjávarútvegi vegna umsóknar Norðurþings um byggðakvóta fyrir fiskveiðiárið 2012/2013.