Fréttir

Þorrablótsnefndin á Raufarhöfn vill koma þeim upplýsingum á framfæri að Þorrablótið 2011 verður haldið laugardaginn 5. febrúar í félagsheimilinu Hnitbjörgum.

Skíðalyftan í Skálamel er opin í dag til kl. 19:00.  Einnig verður lyftan opin á morgun ef veður leyfir.

Fyrir skömmu birti Menningarmiðstöð Þingeyinga á vef sínum http://www.husmus.is/nokkrar myndir af óþekktum einstaklingum með ósk um ábendingar um hverjir væru á myndunum.

Skrifstofur Norðurþings verða opnar frá kl. 10 til 14 virka daga milli jóla og nýárs. Lokað er á aðfangadag og gamlársdag.

Auglýst er eftir tilboðum í rekstur ferðaþjónustu í Lundi, Öxarfirði. Umræddar húseignir eru: Heimavist með 8 herbergjum.  Fullbúið eldhús ásamt matsal, þremur skólastofum og tjaldsvæði fylgja með yfir sumartímann. Lundur er staðsettur í næsta nágrenni við Þjóðgarðinn í Jökulsárgljúfrum og Ásbyrgi.  Í Lundi er rekin sundlaug á vegum sveitarfélagsins Norðurþing. Tilboðsfrestur er til og með 20. desember 2010

Rafmagnslaust verður í eftirtöldum götum föstudaginn 3.des. kl. 13:00 í u.þ.b. 5 mínútur  vegna vinnu í spennistöð við Baughól. Stórhóll Baughóll frá nr 2 og 17 og upp úr. Uppsalavegur frá nr 14 og upp úr Holtagerði Heiðargerði Háagerði Litlagerði RARIK Norðurlandi    

Búið er að troða brautir í brekkum Skálamels og verður skíðalyftan opnuð kl. 15  í dag. Einnig er búið að troða skíðagöngubraut á fótboltavellinum.  

Fjölskyldu- og styrktarsjóðurinn Samhljómur heldur sína árlegu styrktartónleika,  sunnudaginn 12. desember n.k. kl. 16:00 í   Félagsheimili Húsavíkur (Fosshótelinu Húsavík) Þar verður að venju boðið verður upp á fjölbreytta tónlist, glens, pakka fyrir heppna gesti og önnur skemmtiatriði. Karlaklúbburinn Sófía verður með kaffisölu á staðnum, innkoma rennur að sjálfsögðu til Samhljóms.

Á Ljósmyndasafni Þingeyinga hefur á undanförnum árum mikil vinna verið lögð í að skrá þær myndir sem hafa borist safninu. Sumum myndum sem safninu berast fylgja engar upplýsingar. Upplýsingar um myndirnar auka verulega á gildi þeirra, hverjir eru á myndunum, hvar og hvenær voru þær teknar og hver var ljósmyndarinn. Safnahúsið hefur nú tekið upp þá nýbreytni að birta reglulega myndir, sem upplýsingar vantar um, á vef sínum http://www.husmus.is/.

Laugardaginn 27. nóvember 2010 verður haldinn markaðsdagur í versluninni Búðin og sölum stjórnsýsluhússins á Kópaskeri. Dagskráin hefst kl. 13:00 og áætluð lok um kl. 17:00.

  Tendrað verður á jólatrénu á Húsavík laugardaginn 27.nóvember 2010 og hefst dagskráin kl. 16.00. Barnakór Borgarhólsskóla syngur jólalög undir stjórn Hólmfríðar Benediktsdóttur, sveitarstjóri Norðurþings flytur ávarp, séra Sighvatur Karlsson flytur hugvekju og síðast en ekki síst mæta jólasveinar  á staðinn með glaðning í poka handa þeim yngstu og þægustu. Soroptimistaklúbburinn verður á staðnum og selur kaffi, kakó  og kleinur.   Sunddeild Völsungs.

  Samfélagsáhrif  stórframkvæmda á Austurlandi - lærdómur fyrir okkur Sérfræðingar Rannsókna- og þróunarmiðstöðvar Háskólans á  Akureyri munu gera grein fyrir niðurstöðum rannsókna á samfélagsáhrifum stórframkvæmdanna á Austurlandi. Hver eru þau? Hvað gekk vel og hvað síður? Hvað getum við lært af reynslu austfirðinga?