Fréttir

Sveitarstjórn Norðurþings samþykkti á fundi sínum þann 1. desember 2020 að kynna meðfylgjandi skipulags- og matslýsingu vegna breytingar á aðalskipulagi Norðurþings 2010-2030 skv. 1. mgr. 30. gr. skipulagslaga nr. 123/2010 vegna fyrirhugaðrar uppbyggingar vindorkuvers á Hólaheiði.

Orkuveita Húsavíkur ohf. þakkar góð skil á sjálfsálestrum á síðasta ári. Viðskiptavinir OH hafa verið duglegir að skrá álestur á „mínum síðum“ og fjölgaði skráningum þar töluvert á milli ára. Álestur er nauðsynlegur við árlegt uppgjör og það er hagur notenda að áætlun sé rétt þannig að reikningar taki mið af raunnotkun.

Jólaljós tendruð á jólatrjám á Húsavík og í Lundi. Það gerðu leikskóla- og skólabörn.

1. desember er dagur reykskynjara og því gott að nota tækifærið og yfirfara reykskynjara hjá sér.

108. fundur sveitarstjórnar Norðurþings

Samtök sveitarfélaga og atvinnuþróunar á Norðausturlandi (SSNE) í samvinnu við fleiri, bjóða nú fyrirtækjum á sínu starfssvæði að taka þátt í Ratsjánni.

Eldklár er átak á vegum Húsnæðis- og mannvirkjastofnunar sem hefur það að markmiði að fræða Ísland eins og það leggur sig um brunavarnir.

Samkomutakmarkanir hafa áhrif á líf okkar þessa dagana með einum eða öðrum hætti. Jólatréssamkomur eru fastur liður víða um land og vandséð hvernig hægt er að framkvæma þær með hefðbundnum hætti þetta árið. En á tímum sem þessum eru allir lausnamiðaðir og sköpunargáfa mannfólksins brýst fram í okkur með það fyrir augum að þjappa okkur saman og gera þessa litlu hluti sem gera samfélög að þeim samheldnu einingum sem þau eru.

Vegna fárra tilnefninga vegba jólatrés Húsavíkur hefur verið ákveðið að velja tré úr skógrækt Húsavíkur í ár.

Húsavíkurstofa hefur ákveðið að endurvekja Húsavíkurgjafabréfin með því markmiði að efla verslun á svæðinu.

Lokað fyrir kalt vatn á Stórhól á Húsavík nk. föstudag kl. 10.00. Framkvæmdum á að ljúka fyrir hádegi samdægurs.

Verkefnið „bara piss, kúk og klósettpappír í klósettið“ er samvinnuverkefni Umhverfisstofnunar og Samorku í samstarfi við Samband íslenskra sveitarfélaga og heilbrigðisnefnda á landinu og er markmið þess að draga úr rusli í fráveitu og þar með álagi á umhverfið okkar.