Fjölskylduráð
Dagskrá
1.Jákvæður agi í Norðurþingi
Málsnúmer 201808060Vakta málsnúmer
Helga Jónsdóttir aðstoðarleikskólastjóri á Grænuvöllum kynnir agastefnuna jákvæður agi í starfi leikskólans.
Fjölskylduráð leggur til við sveitarstjórn að Jákvæður agi og verkfæri Jákvæðs aga verði tekin upp í samskiptum á vettvangi sveitarstjórnar þar sem virðing, góðvild og festa sem eru grunnhugtökin í Jákvæðum aga verði höfð að leiðarljósi í samskiptum og samstarfi innan sveitarstjórnar Norðurþings og í störfum kjörinna fulltrúa á vegum og vettvangi sveitarstjórnar.
2.Akstur leikskólabarna í Norðurþingi
Málsnúmer 201808061Vakta málsnúmer
Fulltrúar B lista leggja til að vilji foreldra leikskólabarna í Reykjahverfi verði kannaður til að nýta þá þjónustu. Í framhaldi að semja við þjónustuaðila sem sjá um skólaakstur á leikskólabörnum annarsvegar í Reykjahverfi og hinsvegar á starfssvæði Öxarfjarðarskóla ef til kemur.
Fjölskylduráð samþykkir að fela fræðslufulltrúa að kanna vilja foreldra í Reykjahverfi til þess að nýta skólaakstur fyrir leikskólabörn.
Fjölskylduráð tekur ekki afstöðu til þess að svo stöddu hvort gerðir verði viðaukasamningar við þjónustuaðila eða skólaakstur boðinn út að nýju enda liggja niðurstöður kannana meðal foreldra á skólasvæði Öxarfjarðarskóla og í Reykjahverfi ekki fyrir.
Fjölskylduráð tekur ekki afstöðu til þess að svo stöddu hvort gerðir verði viðaukasamningar við þjónustuaðila eða skólaakstur boðinn út að nýju enda liggja niðurstöður kannana meðal foreldra á skólasvæði Öxarfjarðarskóla og í Reykjahverfi ekki fyrir.
3.Borgarhólsskóli - Morgunverður og ávaxtastund.
Málsnúmer 201806109Vakta málsnúmer
Fjölskylduráði kynntar tillögur að útfærslu á fyrirkomulagi morgunverðar og ávaxtastundar í Borgarhólsskóla.
Þórgunnur R. Vigfúsdóttir skólastjóri Borgarhólsskóla og fræðslufulltrúi kynntu tillögur um framkvæmd morgunverðar og ávaxtastundar í Borgarhólsskóla. ´
Fjölskylduráð óskar eftir því við byggðarráð að gerður verður viðauki við fjárhagsáætlun Borgarhólsskóla upp á 2 milljónir vegna ráðningar starfsmanns og hráefniskaupa.
Fjölskylduráð óskar eftir því við byggðarráð að gerður verður viðauki við fjárhagsáætlun Borgarhólsskóla upp á 2 milljónir vegna ráðningar starfsmanns og hráefniskaupa.
4.Umsókn um leyfi til að halda félagslegri íbúð tímabundið vegna námsleyfis
Málsnúmer 201808062Vakta málsnúmer
Umsókn um leyfi til að halda félagslegri íbúð tímabundið vegna námsleyfis.
Umsókninni er hafnað þar sem beiðnin samræmist ekki reglum um félagslegar leiguíbúðir í Norðurþingi.
5.Frístund - skólapúlsinn
Málsnúmer 201808022Vakta málsnúmer
Norðurþingi býðst að taka frístundarstarf í Norðurþingi inn í skólapúlsinn og fá þannig mat á gæði starfsins. Árlegur kostnaður við þátttökuna er um 90 þúsund á ári fyrir frístundina á Húsavík en 56 þús fyrir minni skóla.
Fjölskylduráð samþykkir að gæði frístundarstarfsins á Húsavík verði metin í Skólapúlsinum frá og með næstu könnun. Ráðið leggur líka áherslu á að niðurstöður Skólapúlsins verði notaðar til að auka gæði frístundastarfsins.
6.Málefni nýbúa í Norðurþingi
Málsnúmer 201808063Vakta málsnúmer
Viðburðurinn "Velkomin í Norðurþing" kynntur af fjölmenningarfulltrúa.
Fjölmenningarfulltrúi kynnti viðburðinn „Velkomin í Norðurþing“. Viðburðurinn er hugsaður sem árlegur viðburður; vettvangur til að bjóða nýja íbúa formlega velkomna og hvetja „eldri“ íbúa til að taka vel á móti nýju fólk, gefa sig á tal og deila upplýsingum. Fyrirhugað er að halda þrjá viðburði, þann fyrsta á Húsavík á Fosshóteli þann 6. september og síðar í haust sitthvorn viðburðinn á Kópaskeri og Raufarhöfn.
Fjölskylduráð þakkar fjölmenningarfulltrúa kynninguna og fagnar því starfi sem nú þegar hefur verið unnið og því sem framundan er.
Fjölskylduráð þakkar fjölmenningarfulltrúa kynninguna og fagnar því starfi sem nú þegar hefur verið unnið og því sem framundan er.
Fundi slitið - kl. 15:10.
Jón Höskuldsson fræðslufulltrúi sat fundinn undir liðum 1-3. Hróðný Lund félagsmálafulltrúi sat fundinn undir liðum 1-4. Kjartan Páll Þórarinsson íþrótta- og tómstundafulltrúi sat fundinn undir liðum 5-6. Huld Hafliðadóttir fjölmenningarfulltrúi sat fundinn undir lið 6.