Fjölskylduráð

Brynja Rún Benediktsdóttir launafulltrúi Norðurþings gerði grein fyrir vinnu og verkferlum á bak við jafnlaunavottun sem Norðurþing fékk nú á dögunum. Ráðið lýsir yfir ánægju með jafnlaunavottunina og lítur á hana sem áskorun til að halda áfram á þessari braut. Ráðið þakkar Brynju fyrir góða kynningu.


Upplýsingar um jafnlaunavottun má finna á vef Stjórnarráðs Íslands - https://www.stjornarradid.is/verkefni/mannrettindi-og-jafnretti/jafnretti/jafnlaunavottun/

Fjölmenningarfulltrúi kynnti fyrir ráðinu auglýsingu vegna umsókna í Lista-og menningarsjóð Norðurþings. Umsóknir eru afgreiddar á reglulegum fundum fjölskylduráðs.

Fjölskylduráð samþykkir að styrkja Stúlknakór Húsavíkur um upphæð 50.000 kr. vegna ferðar til Svíðþjóðar í vor.

Fjölskylduráð samþykkir að styrkja Tónasmiðjuna um upphæð 50.000 kr. úr Lista- og menningarsjóði Norðurþings vegna tónleikasýningarinnar HETJUR.

Berglind Hauksdóttir sat hjá við afgreiðslu málsins.

Félagsmálastjóri kynnti ráðinu nýtt skipurit Félagsþjónustu Norðurþings.

Félagsmálastjóri kynnti starfsemi þjálfunarheimilisins Sólbrekku og skammtímadvalar.

Fræðslufulltrúi kynnti fyrir ráðinu minnisblað frá Matartímanum ehf. varðandi rekstur skólamötuneyta á Húsavík. Ráðið felur fræðslufulltrúa að vinna málið áfram í samráði við Matartímann og skólastjórnendur.

Fjölskylduráð felur fræðslufulltrúa og íþrótta- og tómstundafulltrúa að útfæra fyrirkomulag útivistardagsins í samráði við skólastjórnendur í Öxarfjarðaskóla og Grunnskóla Raufarhafnar.

Fjölskylduráð felur íþrótta- og tómstundafulltrúi að uppfæra reglur Afreks- og viðurkenningarsjóð Norðurþings í samræmi við nafnabreytingar samkvæmt samþykktum Norðurþings.

Ráðið felur íþrótta- og tómstundafulltrúi að auglýsa eftir umsóknum í sjóðinn með fyrirvara um staðfestingu á uppfærðum reglum í sveitarstjórn.

Fjölskylduráð samþykkir fyrirliggjandi drög að könnun og felur íþrótta- og tómstundafulltrúa að ganga frá henni og senda foreldrum og/eða forráðarmönnum barna í Frístund á Húsavík.