Fjölskylduráð

Lagt fram til kynningar.

Lagt fram til kynningar.

Fjölskylduráð tilnefnir Jón Höskuldsson fræðslufulltrúa Norðurþings sem fulltrúa sveitarfélagsins í stjórn Þekkingarnets Þingeyinga og vísar málinu til staðfestingar í sveitarstjórn.

Fjölskylduráð samþykkir skóladagatal Grænuvalla fyrir skólaárið 2020-2021.

Skólastarf austan Húsavíkur hefur verið til umræðu í fjölskylduráði á undanförnum fundum. Ekki hvað síst hefur verið horft til þess hvernig koma megi enn betur til móts við þarfir barna á Raufarhöfn og nágrenni í ljósi þeirrar fækkunar nemenda sem þar hefur orðið. Fjölskylduráð leggur áfram ríka áherslu á mikilvægi samstarfs Öxarfjarðarskóla og Grunnskóla Raufarhafnar með það að markmiði að öll börn njóti sem mestrar fjölbreytni í skólastarfi og félagsskapar við önnur börn á svæðinu. Unnið skal áfram að eflingu samstarfsins en að öðru leyti verði skólastarf austan Húsavíkur með svipuðu sniði og verið hefur á yfirstandandi skólaári. Fjölskylduráð óskar þess að næsta skólaár verði nýtt til undirbúnings þess að stjórn skólanna beggja verði á hendi eins skólastjóra frá og með skólaárinu 2021-2022. Vinna við útfærslu verði þróuð með áframhaldandi samstarfi fjölskylduráðs, fræðslufulltrúa og skólastjórnenda beggja skólanna.

Fjölskylduráð tók umræðu um listamann Norðurþings.
Ráðið var einhuga um valið og mun setja saman minnisblað og vísa til sveitarstjórnar sem mun útnefna listamann Norðurþings á fundi sveitarstjórnar í júní.

Fjölskylduráð telur bílabíóið ekki rúmast innan fjárhagsramma sviðsins og erindinu er því hafnað.

Fjölskylduráð samþykkir eftirfarandi bókun sem vísað er til sveitarstjórnar.

Í ljósi takmarkana þeirra sem samkomubannið felur í sér leggur fjölskylduráð eftirfarandi til við sveitarstjórn. Vegna óvissu um þróun mála er snúa að heimsfaraldri kórónuveirunnar er lagt til að Norðurþing standi ekki fyrir formlegum hátíðarhöldum vegna Mærudaga sumarið 2020. Ekki verði boðið upp á formlega dagskrá í nafni hátíðarinnar, en íbúar allir engu að síður hvattir til að skreyta bæinn og gera sér glaðan dag með fjölskyldu og vinum hér á svæðinu helgina 25.-26. júlí.
Í ljósi þess verður ekki samið við verkefnastjóra um framkvæmd hátíðarinnar. Fjölmenningarfulltrúa og íþrótta- og tómstundafulltrúa falið að semja um verklok við samningsaðila.

Vegna áðurnefndra ástæðna verða engin formleg hátíðarhöld í sveitarfélaginu á 17.júní.

Íþrótta- og tómstundafulltrúa er falið að vinna drög að samningi við félagið og funda með forsvarsmönnum golfklúbbsins.
Endanleg samningsdrög verða lögð fyrir ráðið að nýju.

Fjölskylduráð fór yfir drög að starfsdagatali frístundar. Afgreiðslu málsins er frestað þangað til í ágúst áður en starfsemi frístunda hefst að nýju.

Íþrótta og tómstundasvið getur bætt við allt að 10 sumarstörfum sem hluti af atvinnuátaki ungmenna sumarið 2020.
Sótt er um viðauka við fjárhagsáætlun að upphæð 21,6 milljón vegna launakostnaðar.
Málinu er vísað til byggðarráðs.

Vinnufyrirkomulag vinnuskóla Norðurþings er samþykkt sem hér segir:
Laun eru ákveðin sem hlutfall að launaflokki 117 í kjarasamningi Framsýnar og sambands íslenskra sveitarfélaga:
9. bekkur = 977 kr/klst (50% af launaflokki 117)
8. bekkur = 782 kr/klst (40% af launaflokki 117)

2005 - fær vinnu í 5 vikur.
2006 - fær vinnu í 4 vikur.

Fyrir liggur að fá óháðan aðila til að taka út leikvelli sveitarfélagsins.
Fjölskylduráð hyggst fá niðurstöðu úr því mati áður en ákvörðun verður tekin um viðhald/uppbyggingu leikvalla.
Niðurstöðu úr matinu er að vænta á næstu vikum.

Fjölskylduráð samþykkti á 56.fundi sínum að: sumaropnun verði í byrjun maí í stað byrjun júní eins og áður hafði verið ákveðið.
Sundlaugin verður opin yfir sumarið, virka daga frá kl. 16:30-19:30 og um helgar frá kl. 14:00-17:00.

Fjölskylduráð heldur sig við fyrri ákvörðun og opið verður 16:30-19:30 og um helgar frá kl. 14:00-17:00.
Sundlaugin mun opna um leið og framkvæmdum lýkur og heimild er komin á opnun sundlauga á landsvísu.

Fjölskylduráð samþykkir eftirfarandi gjaldskrá fyrir tjaldsvæðin á Kópaskeri og Raufarhöfn og vísar til samþykktar í sveitarstjórn.

Fullorðnir: 1.200 kr. nóttin
18 ára og yngri (í fylgd með fullorðnum): frítt
Ellilífeyris og örorkuþegar: 1.000 kr.
Rafmagn: 800 kr. (nóttin)
Þvottaaðstaða: 800 kr.