Fjölskylduráð

Fjölskylduráð leggur til við sveitarstjórn að farin verði leið 1A úr skýrslu starfshóps um endurskoðun fyrirkomulags grunnskólaþjónustu nemenda á Raufarhöfn.
Leiðin felur í sér að auglýst verði eftir þrjú stöðugildi fagmenntaðs starfsfólks til að sinna skólastjórn og kennslu.
Ráðið leggur jafnframt til að náist ekki að ráða í auglýstar stöður og uppfylla lagalegar skyldur um mönnun fagfólks í grunnskóla verði farin leið 3, Grunnskóla Raufarhafnar lokað og nemendum ekið í Lund frá og með hausti 2024.

Ráðið felur fræðslufulltrúa að auglýsa eftir starfsfólki samkvæmt framangreindu.

Fjölskylduráð þakkar starfshópnum fyrir greinargóða skýrslu.

Áki Hauksson áheyrnarfulltrúi M lista óskar bókað:
M-Listinn harmar þá stöðu sem komin er upp í Grunnskóla Raufarhafnar.
Fulltrúinn vill hvetja meirihlutann til að auglýsa aftur eftir fagfólki og tryggja þannig barnafólki á Raufarhöfn aðgang að skólaþjónustu á Raufarhöfn.
Fulltrúinn telur ekki fullreynt að halda úti skólastarfi.

Ráðið er jákvætt fyrir því að gera samstarfssamning við Aflið.
Fjölskylduráð felur félagsmálastjóra að eiga samtal við Aflið og þau sveitarfélög sem Norðurþing þjónustar um félagsþjónustu um sameiginlegan samstarfssamning sveitarfélaganna við Aflið.

Fjölskylduráð samþykkir fyrirliggjandi reglur og vísar til staðfestingar í sveitarstjórn.

Lagt fram til kynningar.

Lagt fram til kynningar.

Ráðið telur þörf á frekari endurskoðun á reglum afreks- og viðurkenningarsjóðs samhliða áframhaldandi vinnu við stefnumótun í íþrótta- og tómstundamálum og í uppbyggingu íþrótta- og tómstundamannvirkja.

Málið verður áfram til umfjöllunar í ráðinu á næstu vikum.

Fjölskylduráð felur íþrótta- og tómstundafulltrúa að kanna viðbótarkostnað við rekstur sumarfrístundar vegna hádegisopnunar.

Lagt fram til kynningar.

Lagt fram til kynningar.

Fjölskylduráð samþykkir að styrkja Leikfélag Húsavíkur um 100.000 krónur.