Fræðslu- og menningarnefnd Norðurþings

Fulltrúar leikskólans Grænuvalla, Sigríður Valdís Sæbjörnsdóttir leikskólastjóri, Aðalbjörg Friðbjarnardóttir aðstoðarleikskólastjóri, Sólveig Guðmundsdóttir fulltrúi starfsmanna og Guðrún Sigríður Geirsdóttir fulltrúi foreldra mættu á fundinn.

Fyrir fundinum liggur greinargerð leikskólastjóra vegna kastala á lóð leikskólans. Kastalinn uppfyllir ekki öryggiskröfur vegna barna yngri en 3ja ára. Ákveðið var á fundi nefndarinnar 10. september 2014 að kanna möguleika á að skipta kastalanum út fyrir önnur leiktæki sem til væru í bænum. Ekki eru til leiktæki sem að henta í staðinn, eigi að skipta kastalanum út verður að kaupa nýjan.

Fyrir fundinum liggja niðurstöður úr starfsmannakönnun Skólapúlsins.

Erindinu og tillögu að reglum Grænuvalla var vísað aftur til fræðslu- og menningarnefndar af bæjarstjórn með eftirfarandi bókun.
"Eftir að vinna við nýjar inntökureglur hófst á vegum fræðslu-og menningarnefndar hafa komið fram fyrirspurnir frá einstaklingum sem hafa áhuga á bjóða dagforeldraþjónustu á Húsavík í samstarfi við Norðurþing. Bæjarstjórn vísar erindinu aftur til menningar- og fræðslunefndar til umfjöllunar á ný m.a. með hliðsjón af þessu. Þannig verði reynt að ná utan um alla kosti í dagvistun barna frá 6 mánaða aldri."

Leikskólastjóri og fræðslu- og menningarfulltrúi fóru yfir stöðu mála á biðlista og mögulega kosti í stöðunni.

Sigríður Hauksdóttir, fulltrúi Menningarfélagsins úti á Túni mætti á fundinn. Fyrir nefndinni liggur skýrsla um starfsemi í verbúðunum árið 2014 og áætlun um starfsemi yfirstandandi árs.

Málinu var vísað til fræðslu- og menningarnefndar af framkvæmda- og hafnarnefnd. Óskað er eftir aðstöðu fyrir starfsemi fyrirtækisins í húsnæði á vegum sveitarfélagsins.

Fyrir fundinum liggur tillaga að reglum um skammtímaleyfi í skólum Norðurþings. Reglurnar eru unnar í samstarfi skólastjórnenda og fræðslu- og menningarfulltrúa.