Framkvæmda- og hafnanefnd Norðurþings

Framkvæmda- og hafnanefnd kynnti sér starfsemina í Verbúðunum. Arnhildur Pálmadóttir, arkitek, leiðsagði nefndarmönnum um Verbúðirnar. Framkvæmda-og hafnanefnd frestar afgreiðslu í málinu á meðan unnið er að stefnumótun varðandi Verbúðirnar að hálfu sveitarfélagsins.

Lagt fram til kynningar.

Bæjarráð samþykkti að endurnýja búnaðinn og fól framkvæmda- og þjónustufulltrúa að vinna að málinu. Lagt fram til kynningar.

Lagt fram til kynningar.

Meirihluti f&h nefndar hafnar tillögunni en nefndin samþykkir að umferðarhraði í báðum götunum verði lækkaður úr 50 km hraða á klst. niður í 30 km hraða á klst.

Unnin hefur verið öryggishandbók fyrir Þjónustustöðvar Norðurþings. Grímur Kárason hefur tekið hana saman og á hún að hjálpa starfsmönnum við að vinna í samræmi við "Lög um aðbúnað, hollustuhætti og öryggi á vinnustöðum" nr. 46/1980, með síðari breytingum og tengdar reglugerðir. Framkvæmda- og hafnanefnd samþykkir að handbókin verði innleidd hjá Þjónustustöðvum Norðurþings. Jafnframt þakkar Grími Kárasyni fyrir framtakið.

Farið yfir úhlutaða fjárhagsramma málaflokka 07, 08, 10 og 11. Einnig rætt um mögulega eignabreytingaliði vegna næsta árs.

Í samræmi við skýrslu starfshóps þess sem bæjarstjórn samþykkti að að stofna um málefni slökkviliðanna í Norðurþingi var öllum slökkviliðsstjórum í sveitarfélaginu sagt upp frá og með síðustu mánaðamótum með samningsbundnum uppsagnarfresti. Samkvæmt skýrslunni skal ráða einn slökkviliðsstjóra fyrir allt sveitarfélagið. Framkvæmda- og hafnanefnd samþykkir að auglýsa eftir slökkviliðsstjóra og að fela Capasent umsjón ráðningarferlisins.

F&h nefnd samþykkir aðkomu Þjónustustöðvar Norðurþings að málinu.

Formaður og hafnastjóri gerðu nefndinni grein fyrir viðræðum við fulltrúa frá Eimskipi en þeir komu til Húsavíkur mánudaginn 30. september.

Núverandi leigendur Þórseyrar hafa sagt leigunni upp frá og með næst áramótum. Framkvæmda- og hafnanefnd samþykkir að landið; Þórseyri og Ytri-Bakki verði auglýst til útleigu.

Á 30. fundi framkvæmda- og hafnanefndar þann 12. júní sl. var framkvæmda- og þjónustufulltrúa falið að setja sig í samband við fulltrúa annarra sveitarfélaga í Þingeyjarsýslum til að kanna áhuga á sameiginlegum fundi á sveitarstjórnarstigi milli þeirra er málið varðar í héraðinu. Framkvæmda- og þjónustu fulltrúi gerði nefndinni grein fyrir stöðu mála.

Sigurgeir leggur til að vegurinn frá Höfða niður að Norðurgarði verði opnaður aftur fyrir bílaumferð. Ávinningurinn verði minni umferð um Laugarbrekku sem væri gott fyrir íbúa þar. Þjónustustöð verði falið að gera veginn ökuhæfan og að hindra rykmyndun. Framkvæmda- og hafnanefnd frestar afgreiðslu málsins.

Hafnarvog á Húsavík er orðin í slæmu ástandi vegna slits og tæringar og huga þarf að endurnýjun hennar. Fyrir fundinum lá tilboð í nýja bílavog sem er af nákvæmlega sömu stærð og núverandi vog. Framkvæmda- og hafnanefnd beinir þeim tilmælum að gert verði ráð fyrir endurnýjun á hafnarvog í fjárhagsáætlun 2014.