Launað námsleyfi

Fjölskylduráð fjallaði um málið og felur fræðslufulltrúa að afla frekari upplýsinga um hvernig sveitarfélög standa að launuðum námsleyfum og leggja fyrir ráðið.

Fjölskylduráð telur launað námsleyfi áhugaverða leið og mun skoða útfærslu á því við gerð fjárhagsáætlunar fyrir árið 2020.

Fjölskylduráð fór yfir reglur um stuðning til fjarnáms. Tímalengd á námslotum er orðin úreld frá gildandi reglum sem settar voru 2006. Jafnframt er vilji ráðsins að fella niður aldurstakmark sem er í dag 28 ár. Fjölskylduráð felur fræðslufulltrúa að leggja uppfærðar reglur fyrir ráðið á næsta fundi.

Fjölskylduráð samþykkir uppfærðar reglur um stuðning til fjarnáms frá árinu 2006 og vísar þeim til staðfestingar í byggðarráði í sumarleyfi sveitarstjórnar.

Til máls tóku;
Silja Jóhannesdóttir, Bergur Elías Ágústsson, Hjálmar Bogi, Heiðbjört Þóra og Óli Halldórsson.
Formaður Fjölskylduráðs leggur til að málinu sé vísað aftur til fjölskylduráðs til frekari úrvinnslu.
Samþykkt samhljóða.

Fjölskylduráð samþykkir fyrirliggjandi reglur um stuðning til fjarnáms í menntavísindum fyrir Norðurþing og vísar þeim til samþykktar í sveitarstjórn.

Til máls tóku Heiðbjört Þóra og Kolbrún Ada.

Samþykkt samhljóða.