Ársreikningur Norðurþings 2024

Byggðarráð samþykkir meðfylgjandi tillögu að vinnuferli og fyrirkomulagi funda vegna skila á ársreikningi Norðurþings 2024 og leggur eftirfarandi til við sveitarstjórn.

Tillaga:
27. mars fyrri umræða hjá byggðarráði.
3. apríl fyrri umræða hjá sveitarstjórn.
30. apríl seinni umræða hjá byggðarráði.
8. maí seinni umræða hjá sveitarstjórn.

Til máls tók: Helena.

Helena leggur fram eftirfarandi breytingatillögu fyrir hönd B og D lista:
Vegna afgreiðslu ársreikninga Norðurþings vegna ársins 2024 sem samþykkja þarf í sveitarstjórn og skila inn til kauphallar fyrir 15. maí er lagt til sveitarstjórn samþykki tillögu byggðarráðs um fundartíma í apríl og maí. Að auki er lagt til að febrúarfundi sveitarstjórnar verði seinkað frá 20. febrúar til 27. febrúar og að marsfundur sveitarstjórnar verði felldur niður.
Fundir sveitarstjórnar verði því sem hér segir:
27. febrúar kl. 13:00
3. apríl kl. 13:00
8. maí kl. 13:00


Breytingartillagan er samþykkt samhljóða.

Lagt fram til kynningar.

Byggðarráð þakkar Hólmgrími frá Deloitte fyrir ítarlega og góða yfirferð á ársreikningi 2024.

Byggðarráð vísar ársreikningnum til fyrri umræðu í sveitarstjórn.

Til máls tók: Katrín.

Sveitarstjórn samþykkir samhljóða að vísa ársreikningi fyrir árið 2024 til síðari umræðu í sveitarstjórn.

Lagt fram til kynningar.

Byggðarráð þakkar Níelsi Guðmundssyni fyrir góða og ítarlega yfirferð á ársreikningi 2024 og vísar honum til seinni umræðu og staðfestingar í sveitarstjórn.

Til máls tóku: Katrín, Helena, Benóný og Hjálmar.

Sveitarstjórn leggur fram eftirfarandi bókun:

Niðurstöður ársreiknings Norðurþings vegna ársins 2024 sýna þegar á heildina er litið að reksturinn gekk vel, er í ágætu jafnvægi og fjárhagsstaðan er góð. Engin ný lán voru tekin á árinu en vegna framkvæmda og fjárfestinga var gengið á handbært fé.
Fjárhagsstaða sveitarfélagsins hefur á undanförnum árum farið batnandi sem skilar sér í aukinni getu til að bæta innviði, viðhalda og bæta þjónustu, lækka álögur á íbúa og fyrirtæki án þess að það hafi veruleg áhrif á rekstur sveitarfélagsins. Á árinu var fjárfest fyrir 857,6 mkr. Í A og B hluta, þar af námu fjárfestingar eignasjóðs 489,6 mkr. Fjárfestingar eignasjóðs voru án lántöku og jafnframt tókst að lækka skuldir A og B hluta í 5% verðbólgu um 172,2 mkr.
Skuldahlutfall skv. reglum um fjárhagslegt viðmið lækkar úr 65% í 63% hjá samstæðunni.
Fyrir utan gatna- og gangstéttaframkvæmdir á liðnu ári var aðstöðuhús á tjaldsvæði á Húsavík endurnýjað, hönnun og undirbúningur félagsmiðstöðvar og frístundarhúsnæðis, framkvæmdir við skólahúsið á Kópaskeri, Öxarfjarðarskóla og Grunnskóla Raufarhafnar. Áhersla í fjárfestingum og viðhaldi er að færast í auknum mæli á þá innviði sem börn og barnafjölskyldur sveitarfélagsins nýta mest og má sjá það m.a. í framkvæmdaáætlun ársins 2025 þar sem unnið verður að byggingu félagsmiðstöðvar og frístundar og endurnýjunar á gervigrasi.
Hjá Hafnasjóði var fjárfest í flotbryggjum og stálþili á Þvergarði og í veitukerfum og búnaði hjá Orkuveitu Húsavíkur. Nettó söluhagnaður eigna á árinu nam rúmlega 50 mkr.
Þó ársreikningur ársins 2024 sýni góða niðurstöðu, þá er ýmislegt í umhverfi okkar sem hvetur til varfærni í útgjöldum og stöðugrar rýni á framkvæmd þjónustu með tilliti til gæða, skilvirkni og kostnaðar. Nægir þar að nefna stöðu efnahagsmála, heimsmála og nýlega kjarasamninga og blikur á lofti í atvinnumálum.
Undirliggjandi markmið sveitarstjórnar eru alltaf að leitast við að fara betur með fjármuni íbúa við rekstur sveitarfélagsins og útfæra þjónstu með betri hætti.


Ársreikningur Norðurþings fyrir árið 2024 er samþykktur samhljóða.