Iðavellir 8 - húsnæðisaðstæður

Fjölskylduráð þakkar Katli Gauta, verkefnastjóra á framkvæmdasviði, fyrir yfirferðina á húsnæðisaðstæðum á Iðavöllum 8. Ráðið leggur til við skipulags- og framkvæmdaráð að myndaður verði spretthópur og að Jón Höskuldsson, sviðsstjóri velferðarsviðs, sitji í hópnum fyrir hönd fjölskylduráðs. Hlutverk hópsins yrði að koma með tillögur að úrbótum og leggja fyrir ráðið að nýju.

Alexander Gunnar Jónasson, fulltrúi M-lista, óskar bókað:
Það er miður hversu slæm staða er orðin í málefnum Leikskólans Grænuvalla. Mikilvægt er að leggja áherslu á að koma Iðavöllum 8 (húsnæði í eigu Norðurþings) í viðunandi ástand sem allra fyrst. Ég er alfarið á móti öllum hugmyndum um að færa starfsemina á leigumarkað.

Skipulags- og framkvæmdaráð felur sviðsstjóra skipulags- og umhverfissviðs, í samvinnu við sviðsstjóra velferðarsviðs, að setja saman hóp sem vinnur málið áfram og leggur fyrir ráðið að nýju.

Fjölskylduráð mun halda áfram umfjöllun sinni um Iðavelli 8 á næstu fundum ráðsins.

Lagt fram til kynningar.

Fjölskylduráð leggur til við skipulags- og framkvæmdaráð að farið verði leið 1 í tillögum starfshóps.

Bæta húsnæðisaðstæður að Iðavöllum 8 og flytja starfsemi Grænuvalla aftur inn í húsið.

Skipulags- og framkvæmdaráð samþykkir að farin verði leið 1 í tillögum starfshóps.

Húsnæðisaðstæður að Iðavöllum 8 verði bættar og starfsemi Grænuvalla flutt aftur inn í húsið að endurbótum loknum. Áætlaður kostnaður er 10 m.kr.