Skipulags- og framkvæmdaráð

60. fundur 03. mars 2020 kl. 14:00 - 16:50 í stjórnsýsluhúsi Norðurþings
Nefndarmenn
  • Silja Jóhannesdóttir formaður
  • Heiðar Hrafn Halldórsson aðalmaður
  • Hjálmar Bogi Hafliðason aðalmaður
  • Guðmundur Halldór Halldórsson aðalmaður
  • Birna Ásgeirsdóttir varamaður
  • Ásta Hermannsdóttir varamaður
Starfsmenn
  • Gaukur Hjartarson skipul.- og byggingarfulltrúi
  • Gunnar Hrafn Gunnarsson framkv.- og þjónustufulltrúi
  • Þórir Örn Gunnarsson hafnarstjóri
  • Hermína Hreiðarsdóttir Ritari
  • Ketill Gauti Árnason starfsmaður í stjórnsýslu
  • Jónas Hreiðar Einarsson starfsmaður í stjórnsýslu
Fundargerð ritaði: Hermína Hreiðarsdóttir þjónustu- og skjalafulltrúi
Dagskrá
Ketill Gauti Árnason verkefnastjóri sat fundinn undir liðum 2-7.
Jónas Hreiðar Einarsson verkefnastjóri sat fundinn undir liðum 1-7.
Gunnar Hrafn Gunnarsson framkvæmda- og þjónustufulltrúi sat fundinn undir liðum 1-7.
Þórir Örn Gunnarsson hafnastjóri sat fundinn undir liðum 1-9.
Gaukur Hjartarson skipulags- og byggingarfulltrúi sat fundinn undir lið 9.

1.Ísland ljóstengt 2019

201811084

Fyrir skipulags- og framkvæmdaráði liggja upplýsingar um kostnað vegna lagningar strengs í tengslum við ljósleiðaratengingu við Höskuldarnes. Óskað er ákvörðunar skipulags- og framkvæmdaráðs um hvort ráðast skuli í þetta verkefni á árinu 2020.
Skipulags- og framkvæmdaráð samþykkir að fara í verkefnið og felur framkvæmda- og þjónustufulltrúa að sækja um styrk í Ísland ljóstengt.

2.Útigeymsla við Leikskólann í Lundi

202002091

Athuga þarf útfærslu varðandi útigeymslu fyrir leikskólann í Öxarfjarðarskóla.
Skipulags- og framkvæmdaráð felur framkvæmda- og þjónustufulltrúa að skoða möguleika á að koma til móts við þarfir leikskólans við Öxarfjarðarskóla varðandi útigeymslu.

3.Sundlaugin og íþróttahúsið í Lundi - Viðhald

202002099

Fyrir ráðinu liggur viðhaldslisti frá verkstjóra þjónustumiðstöðvar á Kópaskeri og verkefnastjóra framkvæmdasviðs.
Skipulags- og framkvæmdaráð felur framkvæmda- og þjónustufulltrúa að lagfæra girðinguna umhverfis sundlaugina við Lund í Öxarfirði.

4.Óskað eftir mati á fasteignum við Lund í Öxarfirði

202003002

Hjálmar Bogi leggur til að fasteignir og aðrar eignir við Gamla-Lund í Öxarfirði, s.s. gamli skólinn, íþróttasalur og sundlaug verði metin og ástandsskoðuð. Sömuleiðis tjaldsvæði og eignir við tjaldsvæðið við Lund.
Skipulags- og framkvæmdaráð felur framkvæmda- og þjónustufulltrúa að taka saman minnisblað um ástand fasteignanna, fasteignamat og að kostnaðargreina helstu viðhaldsþætti.

5.Ábending um verklag við snjómokstur.

202002115

Fyrirliggjandi er ábending varðandi snjómokstur á Húsavík sem óskað er eftir að verði rædd á fundi skipulags- og framkvæmdaráðs.
Skipulags- og framkvæmdaráð tekur jákvætt í erindið og felur framkvæmda- og þjónustufulltrúa að skoða tilkynningar varðandi snjómokstur.

6.Söluheimild eigna: Lindarholt 4, Raufarhöfn

202002020

Verkefnastjóri framkvæmdasviðs óskar eftir söluheimild á einbýlishúsi að Lindarholti 4, Raufarhöfn.

Skipulags- og framkvæmdaráð samþykkir að setja húsið í söluferli. Að höfðu samráði við hverfisráð Raufarhafnar er þessi ákvörðun tekin samkv. fundargerð hverfisráðsins frá 4. mars 2019.

7.Framkvæmda-, fjárhags- og viðhaldsáætlun framkvæmdasviðs 2020

201908041

Fyrir ráðinu liggur uppfærð framkvæmdaáætlun skv. ákvörðunum sem teknar voru á fundum 56.-58. hjá ráðinu.
Lagt fram til kynningar.

8.Kynning á mögulegum fyrirætlunum Iceland Pro Cruises

202002133

Fyrir skipulags- og framkvæmdaráði liggur fyrir erindi frá Iceland Pro Cruises um mögulegar fyrirætlanir vegna siglinga til Húsavíkur, og viðverutíma í höfn, á næstu árum.
Skipulags- og framkvæmdaráð tekur jákvætt í mögulegar fyrirætlanir fyrirtækisins um þátttöku í uppbyggingu ferðaþjónustu á svæðinu en telur sér ekki fært að veita afslátt af hafnagjöldum.

9.Skipulag miðhafnarsvæðis

202002134

Umræður um skipulag miðhafnarsvæðis á Húsavík.
Skipulags- og framkvæmdaráð ræddi hugmyndir að skipulagi á miðhafnarsvæði.

Fundi slitið - kl. 16:50.