Skipulags- og framkvæmdaráð

Sviðsstjóri skipulags- og umhverfissviðs kynnti fyrir ráðinu verkefni sveitarfélagsins á árinu 2026 í aðgerðaráætlun umhverfis- og loftslagsstefnu.

Fyrir ráðinu liggur tillaga frá sviðsstjóra skipulags- og umhverfissviðs varðandi samstarf við Rauða krossinn í Þingeyjarsýslum.

Fyrir skipulags- og framkvæmdaráði liggur beiðni frá stjórn félags hundaeigenda á Húsavík um fleiri almenningsruslatunnur í Norðurþingi.

Fyrr á þessu ári óskaði innviðaráðuneytið, í samstarfi við umhverfis-, orku- og loftslagsráðuneytið og Samband íslenskra sveitarfélaga, eftir upplýsingum um aðgerðir sveitarfélaganna í umhverfis- og loftslagsmálum. Beiðnin var sett fram á grundvelli aðgerðar 7 í stefnumótandi áætlun í málefnum sveitarfélaga fyrir árin 2024-2028 en markmið verkefnisins er að kortleggja aðgerðir sveitarfélaganna til að skapa grundvöll fyrir markvissari árangri á sviði umhverfis- og loftslagsmála. Alls bárust svör frá 37 sveitarfélögum.

Samantekt þessarar kortlagningar er til kynningar í skipulags- og framkvæmdaráði.

Fyrir skipulags- og framkvæmdaráði liggur erindi frá hollenska styrktarsjóðnum Open Rivers Programme. Markmið sjóðsins er að fjarlægja úreltar hindranir úr ám, bæta rennsli, efla líffræðilega fjölbreytni og styrkja vistkerfi gegn áhrifum loftslagsbreytinga.
Fyrir íslenska opinbera aðila býðst meðal annars styrkur upp á allt að 50% af kostnaði við undirbúning eða framkvæmd niðurrifs verkefna.

Fyrir skipulags- og framkvæmdaráði liggja tilkynningar frá Vegagerðinni um fyrirhugaðar og boðaðar niðurfellingar vega af vegaskrá.

Tilkynning um boðaða niðurfellingu á Laxamýrarvegi 2 nr. 8843-01 af vegaskrá.

Tilkynning niðurfellingu Núpsvegar nr. 8928-01 af vegaskrá.

Tilkynning um fyrirhugaða niðurfellingu Kaldbaksvegar nr. 8859-01 af vegaskrá.

Fyrir liggur tillaga að samkomulagi Norðurþings við Minjastofnun vegna fornleifaskráningar í Norðurþingi. Tillagan er unnin af skipulagsfulltrúa Norðurþings og Minjaverði Norðurlands eystra.

Eigandi Aðalbrautar 24a á Raufarhöfn óskar eftir að úbúinn verði nýr lóðarleigusamningur fyrir lóð hans. Húsið er byggt út úr þáverandi lóð Kaupfélags Norður Þingeyinga að Aðalbraut 24. Fyrir liggur lóðarsamningur um þá lóð frá 1949 sem rann út um aldamót. Horft er til þess að Aðalbraut 24A verði sjálfstæð lóð til samræmis við núverandi skráningu í fasteignaskrá.

Eigandi Aðalbrautar 24 á Raufarhöfn óskar eftir að úbúinn verði nýr lóðarleigusamningur fyrir lóð hans. Fyrir liggur lóðarsamningur um þá lóð frá 1949 sem rann út um aldamót. Sú lóð er ekki skýrt afmörkuð en á henni eru tvö aðskilin hús. Horft er til þess að útbúnar verði sjálfstæðar lóðir undir hvort hús, undir heitunum Aðalbraut 24 og Aðalbraut 24A.

Óskað er leyfis til að byggja 21 m² sólskála vestan við matshluta 01 að Aðalbraut 24 á Raufarhöfn. Fyrir liggur rissmynd af fyrirhugaðri uppbyggingu.

GIGA-42 óska eftir úthlutun 5 ha lóðar á Bakka fyrir fyrsta áfanga fyrirhugaðrar uppbyggingar gagnavers fyrir gervigreind, í samræmi við gildandi viljayfirlýsingu milli Norðurþings og GIGA-42. Farið er fram á að lóð verði valinn staður þannig að nægjanlegt samliggjandi land til framtíðarstækkunar sé til staðar við úthlutun. Í því samhengi verði horft til allt að 20 ha lands. Fyrirtækið hefur átt í samskiptum við Landsvirkjun um orku í samræmi við ákvæði viljayfirlýsingarinnar.