Tómstunda- og æskulýðsnefnd Norðurþings

Fyrir fundinum liggur erindi frá UMFÍ þar sem bent er á ályktun frá ráðstefnunni Ungt fólk og lýðræði haldin á Ísafirði 9.-10.apríl 2014.Ráðstefnan m.a. skorar á stjórnvöld, jafnt ríki sem sveitarfélög að leita meira til ungmenna og taka tillit til þeirra skoðanna á málefnum samfélagsins, einkum þeim er varða ungmennin sjálf. Tómstunda- og æskulýðsnefnd þakkar fyrir erindið.

Tómstunda- og æskulýðsfulltrúi kynnti fyrstu drög að samningi milli Sveitarfélagsins Norðurþings og Golfklúbbs Húsavíkur.Golfklúbbur Húsavíkur kemur fram með hugmyndir að aðkomu sveitarfélagsins vegna reksturs klúbbsins á Katlavelli við Húsavík. Nefndin fór yfir samninginn og hugmyndir GH og bendir á að frekari þarfagreiningu þarf vegna notkunar tækja.Tómstunda- og æskulýðsnefnd felur tómstunda- og æskulýðsfulltrúa að vinna saminginn áfram í samræmi við fjárhagsramma nefndarinnar.

Á fundi nefndarinnar 13.apríl 2014, var óskað eftir því að fá tilboð í folfvöll sem yrði staðsettur á Húsavík.
Tilboð liggur fyrir frá Frisbýgolfbúðinni.
Tómstunda- og æskulýðsnefnd samþykkir að kaupa 5 folfgrindur.

Óskað hefur verið eftir því við RARIK að kannaður verði ávinningur af því að leggja jarðstreng meðfram veglagningu upp að Höfuðreiðarmúla vegna endurnýjunar á Laxá/Kópaskerslínu að aðveitustöð á Húsavík. Skoðaðir hafa verið möguleikar á því að koma upp skíðamannvirkjum í Reyðarárbotnum/Höskuldsvatnshnjúkum ofan Húsavíkur og myndi slíkur jarðstrengur þjóna hugsanlegum mannvirkjum á þessu svæði. Tómstunda- og æskulýðsnefnd felur tómstunda- og æskulýðsfulltrúa að kanna möguleikann á því að flytja skíðamannvirkin við Húsavík upp að Reyðarárhnjúk.

Tómstunda- og æskulýðsfulltrúi fór yfir málefni Frístundaheimilisins Túns.Frístundaheimilið hefur verið rekið í Túni síðan haustið 2012 og hefur starfsemin gengið ágætlega.Sigurður Narfi Rúnarsson hefur leitt starf frístundaheimilisins í samstarfi við tómstunda- og æskulýðsfulltrúa frá upphafi.Á fundi Fræðslu- og menningarnefndar 18.05 2012 veitti nefndin heimild fyrir því að flytja Skólasel Borgarhólsskóla yfir í Tún og starfsemin skilgreind sem frístundaheimili. Var lagt til við Bæjarstjórn að heimildin gildi í eitt ár til reynslu. Ekki hefur verið formlega gengið frá því að Frístundaheimilið verði rekið með sama sniði og undangengin tvö ár.Tómstunda- og æskulýðsfulltrúi leggur til að starfsemi Frístundaheimilisins verði útvíkkuð og kannaður verði möguleiki á því að bjóða upp á þjónustu Frístundaheimilisins í ágúst. Einnig að gert verði ráð fyrir auknu fjárframlagi í fjárhagsáætlunargerð fyrir 2015.Tómstunda- og æskulýðsnefnd felur fulltrúa nefndarinnar að senda fræðslu- og menningarnefnd og Bæjarráði greinargerð þannig að hægt verði að vinna málið áfram innan Tómstunda- og æskulýðsnefndar.

Fyrir Tómstunda- og æskulýðsnefnd er erindi frá Hrannari Jónssyni, fh. brottfluttra norðanmanna, þar sem óskað er eftir aðkomu sveitarfélagsins að verkefni sem fyrirhugað er að fara af stað með og gengur undir vinnuheitinu "Trúðurinn 2014". Framkvæmda- og hafnarnefnd vísar erindinu til Tómstunda- og æskulýðsnefndar til umfjöllunar áður en ákvörðun er tekin.Tómstunda- og æskulýðsnefnd þakkar bréfritara fyrir bréfið.Nefndin fer fram á frekari kostnaðargreiningu á verkefninu og frekari upplýsingar um hátíðina.

Tómstunda- og æskulýðsnefnd leggur það til að fjölskyldudagur verði haldinn í sveitarfélaginu næstkomandi haust sem endar með fjölsk.dansleik. Starfsmanni nefndarinnar falið að vinna að málinu.

Tómstunda- og æskulýðsnefnd leggur það til við Bæjarstjórn að hafin verði vinna við það að koma upp forvarnarstefnu í sveitarfélaginu.

Tómstunda- og æskulýðsfulltrúi fór yfir stöðu mála í málaflokknum.- Dansnámskeið- Aðalfundur FÍÆT- Sumarstörf og sumarafleysingar- Vinna við móttökuáætlun nýrra íbúa í sveitarfélaginu.- Landsmót UMFÍ 50+- Vinnuskóli - Vígsla sparkvallar á Raufarhöfn- Yfirtaka Völsungs á íþróttavellinum

Tómstunda- og æskulýðsnefnd samþykkir 350.000 króna styrk til Leifs heppna.