Byggðarráð Norðurþings

Borist hefur yfirlit frá Fjársýslu ríkisins yfir frestaðar álagningar útsvars og greiddar frestanir í apríl 2021.
Jafnframt liggur fyrir yfirlit yfir endurgreiðslur sveitarfélaga vegna ofgreidds útsvars sem er þá að fullu endurgreitt í maí.

Fyrir byggðarráði liggur erindi frá Menningarmiðstöð Þingeyinga þar sem óskað er eftir viðbótarframlagi vegna aukins starfsmannakostnaðar á árinu 2021.

Fyrir byggðarráði liggja drög að húsaleigusamningi við Menningarmiðstöð Þingeyinga vegna bókasafnsins á Húsavík.

Fyrir byggðarráði liggja drög að rekstrarsamningi Norðurþings og Víkur hses. vegna íbúðakjarna við Stóragarð þar sem kemur fram að sveitarfélagið tryggi sjálfbæran rekstur vegna íbúðanna til framtíðar ef ákvörðun leiguverðs dugar ekki til.

Borist hefur bréf frá Samgöngu- og sveitarstjórnarráðuneytinu með leiðbeiningum vegna ákvörðunar vatnsgjalds.
Stjórn Orkuveitu Húsavíkur tók málið fyrir á 221. fundi sínum og vísar því til byggðarráðs.

Borist hefur erindi frá Lögeign vegna óska kaupenda að Lindarholti 8 um breytingu á greiðsluáætlun frá samþykktu kauptilboði.

Fyrir byggðarráði liggur að tilnefna fulltrúa Norðurþings í stjórn Húsavíkurstofu í stað Silju Jóhannesdóttur.

Sveitarstjóri kynnir fyrirkomulag opnunartíma í stjórnsýsluhúsa í Norðurþingi sumarið 2021.

Fyrir byggðarráði liggur fundargerð stjórnar Skúlagarðs-fasteignafélags ehf. frá 19. maí sl.

Boðað er til aðalfundar Skúlagarðs-fasteignafélags ehf. þriðjudaginn 8. júní nk. kl. 17:00.

Fyrir byggðarráði liggur til kynningar samstarfssamningur Skúlagarðs-fasteignafélags ehf. við Langanes ferðamannaþjónustu ehf. um rekstur Skúlagarðs á tímabilinu maí til september 2021.

Boðað er til orkufundar á vegum Samtaka orkusveitarfélaga í Ráðhúsi Ölfuss 28. maí nk.

Boðað er til aðalfundar Málræktarsjóðs föstudaginn 4. júní á Hilton Reykjavik Nordica.

Fyrir byggðarráði liggja fundargerðir 218. og 219. funda Heilbrigðisnefndar Norðurlandssvæðis eystra frá 3. mars og 21. maí sl.
Einnig liggur fyrir ársreikningur Heilbrigðiseftirlits Norðurlands eystra fyrir árið 2020.

Atvinnuveganefnd Alþingis óskar eftir umsögn um tillögu til þingsályktunar um aðgerðir til að auka framboð og neyslu grænkerafæðis, 612. mál.
Þess er óskað að undirrituð umsögn berist eigi síðar en 26. maí nk.
Þingskjalið er hægt að sækja á vef Alþingis: https://www.althingi.is/altext/151/s/1060.html

Velferðarnefnd Alþingis óskar eftir umsögn um tillögu til þingsályktunar um barnvænt Íslands - framkvæmd barnasáttmála Sameinuðu þjóðanna, 762. mál.
Þess er óskað að undirrituð umsögn berist eigi síðar en 26. maí nk.
Þingskjalið er hægt að sækja á vef Alþingis: https://www.althingi.is/altext/151/s/1308.html

Velferðarnefnd Alþingis óskar eftir umsögn um frumvarp til laga um fjöleignarhús, 597. mál.
Þess er óskað að undirrituð umsögn berist eigi síðar en 26. maí nk.
Þingskjalið er hægt að sækja á vef Alþingis: https://www.althingi.is/altext/151/s/1011.html

Atvinnuveganefnd Alþingis óskar eftir umsögn um tillögu til þingsályktunar um endurskoðun á laga- og reglugerðarumhverfi sjókvíaeldis, 640. mál
Þess er óskað að undirrituð umsögn berist eigi síðar en 26. maí nk.
Þingskjalið er hægt að sækja á vef Alþingis: https://www.althingi.is/altext/151/s/1100.html