Byggðarráð Norðurþings
Dagskrá
1.Beiðni Félags eldriborgara á Húsavík og nágrenni um fjárhagsstyrk til Norðurþings á árinu 2017
201609245
Á 190. fundi byggðarráðs lá fyrir ósk frá Félagi eldri borgara á Húsavík og nágrennis um fjárstuðning árið 2017 vegna húsnæðiskaupa félagsins að Garðarsbraut 44. Samþykkt var að óska eftir fundi með stjórn félagsins.
Byggðarráð samþykkir stofnkostnaðarframlag upp á 2 milljónir.
2.Málefni nýrra íbúa
201509064
Málefni nýrra íbúa eru nú hýst undir æskulýðs og menningarsviði. Eins og staðan er í dag hittist samráðshópur á um 6 vikna fresti. Miðað við stöðuna í dag þá er ekkert fjármagn áætlað sérstaklega í vinnuhópinn. Hlutverk hópsins er fyrst og fremst að hittast og miðla upplýsingum. Á 4 fundi æskulýðs- og menningarnefndar var eftirfarandi bókað: "Æskulýðs - og menningarnefnd hvetur byggðarráð til að taka til umræðu fyrirkomulag á móttöku nýrra íbúa í sveitarfélaginu. Leitað verði eftir samstarfi við fleiri aðila til að koma á fót starfi móttökustjóra nýrra íbúa."
Byggðarráð þakkar þeim aðilum sem hist hafa og rætt um móttöku nýrra íbúa fyrir gott verk og telur málið vera í góðum farvegi hjá Norðurþingi eins og staðan er í dag.
3.Fundargerðir svæðisráðs norðursvæðis Vatnajökulsþjóðgarðs
201510113
Fyrir byggðarráði liggja fundargerðir svæðisráðs norðursvæðis fyrir Vatnajökulsþjóðgarð sem haldnir voru 14. júní 2016 og 28. september 2016.
Fundargerðirnar eru lagðar fram til kynningar
4.Form og efni viðauka við fjárhagsáætlun
201610038
Fyrir byggðarráði liggur bréf frá Innanríkisráðuneytinu um form og efni viðauka við fjárhagsáætlun
Lagt fram til kynningar
5.Fundargerðir Dvalaheimils aldraðra 2016
201603063
Fyrir byggðarráði liggur fundargerð stjórnar Dvalarheimilis aldraðra sf. frá 3. október sl.
Lagt fram til kynningar
6.Leigufélag hvamms ehf. - fundargerðir 2016
201603111
Fyrir byggðarráði liggur fundargerð stjórnar Leigufélagsins Hvamms ehf. sem haldinn var 3. október sl.
Lagt fram til kynningar
7.Fjárhagsáætlun 2017
201605113
Fyrir byggðarráði liggja drög að áætlun fyrir sameiginlegan kostnað, atvinnumál og brunamál vegna ársins 2017
Drögin eru lögð fram til kynningar
8.Hækkun mótframlags launagreiðenda í A deild Brúar lífeyrissjóðs
201610037
Fyrir byggðarráði liggur bréf frá Brú lífeyrissjóði þar sem tilkynnt var nauðsynleg fyrirhuguð hækkun á mótframlagi launagreiðenda í A deild.
Lagt fram til kynningar
9.Orkuveita Húsavíkur ohf - 154
1609009
Fyrir byggðarráði liggur fundargerð 154 fundar stjórnar Orkuveitu Húsavíkur
Lagt fram til kynningar
10.Gatnagerðargjöld
201610039
Fyrir byggðarráði liggur tillaga að breytingum á gatnagerðargjöldum vegna óbyggðra lóða á Húsavík
Byggðarráð leggur til við sveitarsjórn að veittur verði 100% afsláttur af gatnagerðargjöldum fyrir valdar lóðir þar sem útgjöld sveitarfélagsins vegna gatnagerðar eru minniháttar. Sveitarstjóra er falið að útfæra aðgerðina í samráði við skipulags- og byggingafulltrúa og leggja fyrir næsta fund skipulags- og umhverfisnefndar.
11.Húsnæðismál í Norðurþingi
201602125
Sveitarstjóri fór yfir stöðu varðandi húsnæðismál á Húsavík
12.Leigufélag Hvamms ehf - greiðsla ábyrgðar
201610040
Fyrir byggðarráði liggur bréf frá Leigufélaginu Hvammi þar sem farið er fram á að Norðurþing geri upp ábyrgð félagsins við Íslandsbanka í tengslum við lækkun íbúðarlánasjóð á lánum félagsins við sjóðinn.
Byggðarráð samþykkir að greiða upp hlut Norðurþings í ábyrgðinni kr 3.814.500,-
13.Greið leið ehf. hlutafjáraukning
201610041
Fyrir byggðarráði liggur erindi frá Greiðri leið ehf um að Norðurþing nýti forkaupsrétt sinn að félaginu upp á 1.887.316,- á genginu 1,0
Byggðarráð samþykkir að nýta forkaupsrétt upp að 1.887.316,-.
Fundi slitið - kl. 18:50.
