Byggðarráð Norðurþings

Á 190. fundi byggðarráðs lá fyrir ósk frá Félagi eldri borgara á Húsavík og nágrennis um fjárstuðning árið 2017 vegna húsnæðiskaupa félagsins að Garðarsbraut 44. Samþykkt var að óska eftir fundi með stjórn félagsins.

Málefni nýrra íbúa eru nú hýst undir æskulýðs og menningarsviði. Eins og staðan er í dag hittist samráðshópur á um 6 vikna fresti. Miðað við stöðuna í dag þá er ekkert fjármagn áætlað sérstaklega í vinnuhópinn. Hlutverk hópsins er fyrst og fremst að hittast og miðla upplýsingum. Á 4 fundi æskulýðs- og menningarnefndar var eftirfarandi bókað: "Æskulýðs - og menningarnefnd hvetur byggðarráð til að taka til umræðu fyrirkomulag á móttöku nýrra íbúa í sveitarfélaginu. Leitað verði eftir samstarfi við fleiri aðila til að koma á fót starfi móttökustjóra nýrra íbúa."

Fyrir byggðarráði liggja fundargerðir svæðisráðs norðursvæðis fyrir Vatnajökulsþjóðgarð sem haldnir voru 14. júní 2016 og 28. september 2016.

Fyrir byggðarráði liggur bréf frá Innanríkisráðuneytinu um form og efni viðauka við fjárhagsáætlun

Fyrir byggðarráði liggur fundargerð stjórnar Dvalarheimilis aldraðra sf. frá 3. október sl.

Fyrir byggðarráði liggur fundargerð stjórnar Leigufélagsins Hvamms ehf. sem haldinn var 3. október sl.

Fyrir byggðarráði liggja drög að áætlun fyrir sameiginlegan kostnað, atvinnumál og brunamál vegna ársins 2017

Fyrir byggðarráði liggur bréf frá Brú lífeyrissjóði þar sem tilkynnt var nauðsynleg fyrirhuguð hækkun á mótframlagi launagreiðenda í A deild.

Fyrir byggðarráði liggur fundargerð 154 fundar stjórnar Orkuveitu Húsavíkur

Fyrir byggðarráði liggur tillaga að breytingum á gatnagerðargjöldum vegna óbyggðra lóða á Húsavík

Fyrir byggðarráði liggur bréf frá Leigufélaginu Hvammi þar sem farið er fram á að Norðurþing geri upp ábyrgð félagsins við Íslandsbanka í tengslum við lækkun íbúðarlánasjóð á lánum félagsins við sjóðinn.

Fyrir byggðarráði liggur erindi frá Greiðri leið ehf um að Norðurþing nýti forkaupsrétt sinn að félaginu upp á 1.887.316,- á genginu 1,0