Fjölskylduráð

Kynning á samstarfs og styrktarsamningum Norðurþings við íþróttafélög í sveitarfélaginu.

Fyrir ráðinu liggur að taka ákvörðun um breytingu á sumaropnunartíma í Sundlaug Húsavíkur.

Til kynningar er staða mála í samþættingu skóla og tómstundastarfs sem unnið er í samstarfi við KPMG

Fræðslufulltrúi gerir grein fyrir samtali hans við fulltrúa nýsameinaðs sveitarfélags Skútustaðahrepps og Þingeyjarsveitar um skólaþjónustu.

Fjölskylduráð hefur til umfjöllunar erindi Kristins Rúnars Tryggvasonar, annars vegar um framlengingu á samningi um skólaakstur á leið 4, Raufarhöfn - Öxarfjarðarskóli og hins vegar um hækkun á aksturstaxta vegna fjölgunar nemenda á leið 1, Lón - Öxarfjarðarskóli.

Fjölskylduráð hefur til umfjöllunar erindi Ágústu Ágústsdóttur um endurskoðun á samningi um skólaakstur á leið 2, Reistarnes - Öxarfjarðarskóli vegna breytinga á aðstæðum.

Í fyrstu grein reglna Norðurþings um stuðning til fjarnáms í menntavísindum segir: Starfandi leiðbeinendur við leik- og grunnskóla Norðurþings sem hyggjast stunda fjarnám í
menntavísindum til diplómaprófs, B.Ed prófs, M.Ed prófs eða til kennsluréttinda við Háskóla Íslands
eða Háskólann á Akureyri geta sótt um stuðning til sveitarsjóðs vegna námsins.

Skólastjóri Borgarhólsskóla leggur nú fyrir fjölskylduráð umsóknir starfsmanna Borgarhólsskóla um stuðning til fjarnáms í menntavísindum fyrir skólaárið 2022-2023 ásamt umsögn sinni.

Fræðslufulltrúi leggur fyrir ráðið útreikninga á kostnaði vegna systkinaafsláttar í skólamötuneytum Norðurþings.
Gera má ráð fyrir að tekjur skerðist um tæpar 4 milljónir ef systkinaafsláttur verði 25% en um tæpar 10 milljónir verði systkinaafsláttur 50% fyrir annað systkini og 100% fyrir þriðja systkini eða fleiri.

Íbúi leiguíbúðar hefur lýst yfir áhuga á að festa kaup á fasteign Norðurþings sem hann leigir. Fyrir fjölskylduráði liggar að taka ákvörðun um hvort heimila eigi sölu á eigninni.