Fjölskylduráð

Fjölskylduráð vísar málinu til skipulags- og framkvæmdaráðs. Mikilvægt er að tillit sé tekið til athugasemda í útekt BSI og farið verði sem allra fyrst í nauðsynlegt viðhald. Leggur ráðið jafnframt áherslu á að gerð verði viðhaldsáætlun á lóðinni við Grænuvelli.


Halldór óskar bókað:

Það er gríðarlega mikilvægt að sveitarfélagið standi vel að öryggismálum, viðhaldi og endurnýjun leiksvæða. Það er ljóst að viðhaldi og endurnýjun hefur ekki verið sinnt sem skildi og gefur ástandsskoðun það skýrt til kynna. Það þarf að bregðast hratt við og hefja endurnýjun leiktækja svo að börn á leikskólanum Grænuvöllum hafi leiktæki við hæfi. Svör leikskólastjóra gefa til kynna að sveitarfélagið hafi dregið lappirnar og börnin eiga betra skilið.

Ágúst óskar bókað:

Rétt er að þakka mörg erindi, áhyggjur og brýningar vegna aðstæðna barna og starfsmanna á lóð Leikskólans Grænuvöllum.
Jafnframt eru Hrannari Rafni Jónassyni og Elínu Ragnarsdóttur, í samstarfi við Pizzakofann og fleiri aðila, þökkuð þeirra hlýhugur og fjársöfnun til kaupa á leiktækjum á lóðina.
Langvarandi vanræksla er á viðhaldi og endurbótum. BSÍ skoðunaraðili hefur ár eftir ár gert alvarlegar athugasemdir við öryggi barna á lóðinni.
Fyrir áratugum var lóðin hönnuð fyrir minni leikskóla. Lóðin er úr sér gengin.
Mat mitt, leikskólastjóra, foreldra og samfélagisns er að farið verði í endurhönnun og tilheyrandi endurbætur á leikskólalóðinni.
Lagt er til að sú vinna hefjist haustið 2026 og unnin í samvinnu við leikskólastjóra, starfsmenn og foreldra.
Við vinnuna er rétt að hafa í forgrunni uppeldis- og skólastarf sem fer fram á Grænuvöllum og öryggi nemenda, starfsmanna og þeirra sem lóðina heimsækja.
Gera skal ráð fyrir framkvæmdum á árinu 2027 og hvetur undirritaður Skipulags- og framkvæmdaráð og Byggðaráð til að taka málið til skoðunar og afgreiðslu.

Fjölskylduráð felur fræðslufulltrúa að uppfæra reglurnar í samræmi við umræður á fundinum og leggja þær fyrir ráðið að nýju.

Fjölskylduráð vísar málinu til skipulags- og framkvæmdaráðs. Mikilvægt er að tillit sé tekið til athugasemda í úttekt BSI og farið verði sem allra fyrst í nauðsynlegt viðhald. Leggur ráðið jafnframt áherslu á að gerð verði viðhaldsáætlun á lóðinni við Öxarfjarðarskóla.

Lagt fram til kynningar.

Fjölskylduráð vísar málinu til skipulags- og framkvæmdaráðs. Mikilvægt er að tillit sé tekið til athugasemda í úttekt BSI og farið verði sem allra fyrst í nauðsynlegt viðhald. Leggur ráðið jafnframt áherslu á að gerð verði viðhaldsáætlun á lóðinni við Borgarhólsskóla.

Á fundi Fjölskylduráðs 11. apríl. 2022 var ákveðið að fækka leikvöllum á Húsavík og byggja upp þrjá veglega leikvelli sem staðsetja átti í norðurbæ, suðurbæ og við Borgarhólsskóla. Árið 2023 var farið í viðhald á leikvelli í norðurbæ á milli Höfðavegs og Laugarbrekku, nú í ár opnaði nýr leikvöllur í suðurbæ á Hólaravelli við Langholt og framkvæmdir standa yfir á lóð Borgarhólsskóla.
Því hefur lengi staðið til að leggja af stórann hluta þeirra leikvalla sem fjallað er um í ástands skýrslunum sem liggja fyrir ráðinu.
Fjölskylduráð vísar málinu til skipulags- og framkvæmdaráðs og leggur til að leikvellir við Stórhól, við Lyngbrekku og Sólbrekku, við Hjarðarholtstún og við Uppsalaveg og Hjarðarholt verði aflagðir. Leiktækin sem fyrir eru verði yfirfarin með tilliti til þess hvort þau geti nýst á öðrum leikvöllum sveitarfélagsins.
Ráðið leggur áherslu á það við Skipulags- og framkvæmdaráð að tekið verði tillit til athugasemda frá útekt BSI og farið verði sem allra fyrst í nauðsynlegt viðhald þar sem við á. Fjölskylduráð leggur jafnframt áherslu á að gerð verði viðhaldsáætlun fyrir leikvelli í sveitarfélaginu öllu

Fjölskylduráð fagnar framlagðri verkefnahugmynd „Við sama borð“ og felur fjölmenningarfulltrúa að vinna verkefnið áfram. Jafnframt verði kannaðir möguleikar á styrkjum og annarri fjármögnun og nánari útfærsla lögð fyrir ráðið þegar fyrir liggja niðurstöður um fjármögnun og framkvæmd verkefnisins.

Fjölskylduráð samþykkir að veita Skrítla ehf. styrk upp á 60.000 kr.

Meirihluti fjölskylduráðs með atkvæðum Rebekku, Guðrúnar og Elísubetar samþykkir að 10% starf við bókasafnið á Raufarhöfn verði auglýst að nýju. Samhliða verði áfram unnið að mögulegu fyrirkomulagi pöntunar- og sendingarþjónustu. Takist ekki að manna starfið verði málið tekið aftur fyrir í fjölskylduráði og tekin ákvörðun um framtíðarfyrirkomulag bókasafnsþjónustu á Raufarhöfn.

Halldór og Ágúst sátu hjá við afgreiðslu þessa máls.

Fjölskylduráð felur verkefnastjóra á velferðarsviði að taka stöðuna þegar umsóknir fyrir vinnuskóla liggja fyrir.

Lagt fram til kynningar.

Fært í trúnaðarmálabók.