Framkvæmda- og hafnanefnd Norðurþings

39. fundur 19. mars 2014 kl. 16:00 - 19:00 í stjórnsýsluhúsi Norðurþings
Nefndarmenn
  • Þráinn Guðni Gunnarsson formaður
  • Jón Grímsson varaformaður
  • Hjálmar Bogi Hafliðason aðalmaður
  • Sigurgeir Höskuldsson aðalmaður
  • Sigríður Hauksdóttir varamaður
  • Bergur Elías Ágústsson bæjarstjóri
  • Guðbjartur Ellert Jónsson fjármálastjóri
Fundargerð ritaði: Guðbjartur Ellert Jónsson Fjármálastjóri - og staðgengill bæjarstjóra
Dagskrá

1.Atli Vigfússon f.h. landeigenda á Laxamýri óskar eftir viðgerðum á girðingu milli Saltvíkur og Laxamýrar

201402097

Fyrir framkvæmda- og hafnanefnd liggur erindi frá Atla Vigfússyni f.h. landeigenda á Laxamýri. Fram kemur í erindi að óskað er eftir viðræðum við sveitarfélagið um viðgerðir á girðingu milli Saltvíkur og Laxamýrar. Framkvæmda- og hafnanefnd þakkar bréfritara fyrir erindið og lýsir sig reiðubúið til viðræðna um málefnið.

2.Eldvarnir í Norðurþingi, samningur um eftirlit

201401131

Fyrir framkvæmda- og hafnanefnd liggur erindi frá Grími Kárasyni slökkviliðsstjóra Norðurþings vegna samnings um eldvarnareftirlit í sveitarfélaginu. Fyrir fundinn liggja drög að samningi frá einkaaðila um almennt eldvarnareftirlit í sveitarfélaginu. Grímur kom á fund nefndarinnar og fór yfir málið. Framkvæmda- og hafnanefnd felur slökkviliðsstjóra og aðstoðar slökkviliðsstjóra að sinna lögbundnu eldvarnareftirliti fyrir sveitarfélagið.

3.Gjaldskrá Slökkviliðs Húsavíkur 2014

201401083

Fyrir framkvæmda- og hafnanefnd liggur erindi frá Grími Kárasyni slökkviliðsstjóra Norðurþings um gjaldskrá Slökkviliðs Norðurþings. Grímur kom á fund nefndarinnar og fór yfir gjaldskránna. Framkvæmda- og hafnanefnd leggur til við bæjarstjórn að fyrirliggjandi gjaldskrá verði samþykkt.

4.Hafnasamband Íslands, fundagerðir 2014

201401137

Fyrir framkvæmda- og hafnanefnd liggur fundargerð 362. fundar stjórnar Hafnasambands Íslands. Lagt fram til kynningar.

5.Skemmdir á bryggjukantinum Kirkjubakka, Raufarhöfn

201401147

Fyrir framkvæmda- og hafnanefnd liggur til umfjöllunar viðhaldsaðgerðir við hafnarmannvirki á Raufarhöfn. Framkvæmda- og hafnanefnd frestar erindinu þar til frekari gögn berast frá Siglingastofnun.

6.Umhverfis- og auðlindaráðuneytið óskar eftir samþykki Norðurþings fyrir að Meiðavallaskógur verði innan marka Vatnajökulsþjóðgarðs

201402031

Fyrir framkvæmda- og hafnanefnd liggur beiðni frá umhverfis- og auðlindaráðuneyti um samþykki sveitarfélagsins fyrir því að Meiðavallaskógur verði innan marka Vatnajökulsþjóðgarðs. Framkvæmda- og hafnanefnd samþykkir fyrirliggjandi beiðni ráðuneytisins að því tilskyldu að það hafi ekki kostnaðarauka fyrir sveitarfélagið um ókomna tíð.

7.Erindi frá Menningarfélaginu Úti á Túni

201306034

Fyrir framkvæmda- og hafnanefnd liggur erindi frá Menningarfélaginu Úti á Túni. Lagt fram til kynningar.

8.Eignasjóður, viðhaldsmál fjölbýlishúsa

201305009

Fyrir framkvæmda- og hafnanefnd liggur fyrir að samþykkja viðhald, sem eigandi að íbúðum í Grundargarði 5 - 7 og 9 - 11 vegna viðgerða utanhúss. Framkvæmda- og hafnanefnd samþykkir og veitir heimild hússjóða íbúðanna að Grundargarði 5 - 7 og 9 - 11 til að ráðast í fyrirliggjandi framkvæmdir samkvæmt verklýsingu.

9.Drög að samningi um ræktun Landgræðsluskóga

201403050

Fyrir framkvæmda- og hafnanefnd liggur fyrir samningur um ræktun Landgræðsluskóga innan bæjargirðingar. Framkvæmda- og hafnanefnd samþykkir fyrirliggjandi samning um ræktun Landgræðsluskóga.

10.Kvíabekkur endurbygging

201403053

Fyrir framkvæmda- og hafnanefnd liggur til kynningar framkvæmdir við Kvíabekk vegna ársins 2014.

11.Brunavarnaráætlun fyrir Norðurþing

201403054

Fyrir framkvæmda- og hafnanefnd liggur brunavarnaráætlun fyrir Norðurþing til kynningar. Slökkviliðsstjóri, Grímur Kárason, kom á fund nefndarinnar og fór yfir áætlunina. Framkvæmda- og hafnanefnd felur slökkviliðsstjóra að vinna áfram að áætluninni og leggja hana fyrir nefndina þegar hún er fullbúin.

Fundi slitið - kl. 19:00.