Framkvæmdanefnd

Unnið er að frágangi á því að Vegagerðin taki yfir allan rekstur á lýsingu þjóðvega í þéttbýli, en það mun gerast 01.07.2017.
Vegagerðin fer fram á það við Norðurþing að þessi mál verði skoðuð gagnvart sveitarfélaginu og Vegagerðinni og ef einhver misbrestur finnst á þeim, að Vegagerðinni verði sent formlegt erindi þar sem tíundaðar eru vangreiðslur ef um þær er að ræða.

Búið er að skoða nokkrar lausnir varðandi vatnsrennibraut í sundlaug Húsavíkur.
Ljóst er að kostnaður við þessa framkvæmd er nokkuð meiri en gert hafði verið ráð fyrir í fjárhagsáætlun og þarf framkvæmdanefnd að taka afstöðu til þess hvaða leið skuli fara og hvort halda skuli áfram með verkefnið á þessu ári, eða bíða með það fram á næsta fjárhagsár í ljósi aukins kostnaðar.

Gangstétt við Garðarsbraut 5-9 - Kostnaður um 11,5 milljónir.

Gangstétt frá kirkju að hóteli - Kostnaður við 1. áfanga (við kirkju) áætlaður um 9 milljónir.

Gangstétt við Pálsgarð - Kynning á mögulegri framkvæmd.

Fyrir framkvæmdanefnd liggur að taka afstöðu til þess hvort bjóða skuli út vinnu við eftirlit með brunakerfum í byggingum Norðurþings.
Einnig þarf að setja upp slík kerfi í þeim byggingum þar sem brunakerfi eru ekki til staðar, en þeirra er krafist.
Setja þarf upp töluverðan fjölda eftirlitsmyndavéla t.a.m. á hafnarsvæði og eins við íþróttahús ef ákveðið verður að búa þar til aðstöðu fyrir húsbíla.

Fyrir framkvæmdanefnd liggur að taka afstöðu til þess hvort setja eigi upp aðstöðu fyrir húsbíla við íþróttahöll á Húsavík.
Þá þarf að setja upp rafmagnstengingar á bílastæðum og eins að setja upp þvottaaðstöðu í íþróttahöll.

Ósk hefur komið frá leikskólanum Grænuvöllum um að sett verði upp leiktæki við leikskólann í stað þess sem fjarlægt var af leikskólalóðinni á síðasta ári.
Áætlaður kostnaður við kaup og uppsetningu leiktækisins liggur á bilinu 3-4 milljónir, en ekki var gert ráð fyrir því í fjárhagsáætlun.
Fyrir framkvæmdanefnd liggur að taka ákvörðun um hvort ráðist verði í þetta verkefni í sumar.

Fara þarf yfir stöðu þjónustumiðstöðvar á Húsavík og skilgreina það þjónustustig, verkefni, húsnæði og framtíðarsýn.

Fram hefur komið tillaga um að rammasamkomulag milli Norðurþings og Orkuveitu Húavíkur verði endurskoðað og hlutverk hvors aðila verði skýrð betur.

Íþrótta- og tómstundafulltrúi og framkvæmdafulltrúi hafa gert verðkönnun á endurnýjun sparkvalla á Húsavík.

Víðilundur í Öxarfirði er að 80% í eigu ríkisins og 20% í eigu Norðurþings.
Ríkið hefur áhuga á að selja eignina, en töluvert viðhald er fyrirliggjandi á húsinu.
Fyrir framkvæmdanefnd liggur að taka afstöðu til þess hvort Norðurþing muni taka þátt í söluhugleiðingum ríkisins og losa sinn hlut í eigninni.

Endurskoða þarf umferðarmerkingar í bænum m.t.t. umferðarhraða og setja upp nýjar merkingar þar sem við á.
Eins þarf að endurnýja merki sem hafa glatast.

Fyrir framkvæmdanefnd liggur að taka afstöðu til þess hvort gera eigi athugasemdir við eignarhald Landgræðslu ríkisins á landi Ássands í Kelduhverfi.
Bréf þess efnis var sent á alla landeigendur sem eiga land að Ássandi og þeim gefin kostur á að gera athugasemdir við eignarhald Landgræðslunnar á því landi sem er undir Skjálftavatni í dag.