Breyting á deiliskipulagi Norðurhafnar

Skipulagsráðgjafi hefur lagt fram tillögu að breytingu deiliskipulags Norðurhafnarsvæðis á Húsavík. Breytingin felst nánast eingöngu í því að skipulagsmörkin þrengjast frá því sem er í gildandi deiliskipulagi.

Fyrir liggur tillaga að breytingu deiliskipulags Norðurhafnarsvæðis á Húsavík. Breytingartillagan felur fyrst og fremst í sér að skipulagssvæðið minnkar frá gildandi skipulagi þar sem lagt er upp með að lóðir og viðlegukanntar á Naustagarði og lóð slippsins (H3) fylgi hér eftir deiliskipulagi miðhafnarsvæðisins.

Á 102. fundi skipulags- og framkvæmdaráðs var bókað;
Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að skipulagstillagan verði kynnt skv. ákvæðum skipulagslaga.

Nú er lokið kynningu á breytingu deiliskipulags Norðurhafnarsvæðis á Húsavík. Umsagnir og athugasemdir bárust frá: 1) Minjastofnun (bréf dags. 17. ágúst), 2) Vegagerðinni (bréf dags. 9. september) og 3)Heilbrigðiseftirliti Norðurlands eystra (bréf dags. 10. september). Minjastofnun og Heilbrigðiseftirlit gera ekki athugasemdir við skipulagsbreytinguna en Vegagerðin bendir á að færa skuli veghelgunarsvæði þjóðvega inn á skipulagsuppdrátt.

Á 105. fundi skipulags- og framkvæmdaráðs var eftirfarandi bókað;

Skipulags og framkvæmdaráð felur skipulags- og byggingarfulltrúa að láta færa veghelgunarsvæði inn á deiliskipulagsuppdráttinn. Ráðið leggur til við sveitarstjórn að deiliskipulagstillagan verði samþykkt með þeim breytingum og að skipulags- og byggingarfulltrúa verði falið að vinna að gildistöku hennar.

Með bréfi dags. 10. nóvember s.l. kom Skipulagsstofnun á framfæri athugasemdum við samþykkta breytingu á deiliskipulagi norðurhafnarsvæðis Húsavíkur.

Skipulags- og byggingarfulltrúi kynnti tillögu að breytingum deiliskipulagsins þar sem komið er til móts við athugasemdir Skipulagsstofnunar.

Skipulags- og framkvæmdaráð leggur til við sveitarstjórn að deiliskipulagið verði samþykkt með breytingum ráðsins. Skipulags- og byggingarfulltrúa verði falið að vinna að gildistöku skipulagsins.