Sveitarstjórn Norðurþings

102. fundur 21. apríl 2020 kl. 16:15 - 20:15 Fjarfundur
Nefndarmenn
  • Kolbrún Ada Gunnarsdóttir Forseti
  • Hjálmar Bogi Hafliðason 1. varaforseti
  • Silja Jóhannesdóttir 2. varaforseti
  • Heiðbjört Þóra Ólafsdóttir aðalmaður
  • Helena Eydís Ingólfsdóttir aðalmaður
  • Kristján Þór Magnússon aðalmaður
  • Bergur Elías Ágústsson aðalmaður
  • Hafrún Olgeirsdóttir aðalmaður
  • Hrund Ásgeirsdóttir aðalmaður
Starfsmenn
  • Berglind Jóna Þorláksdóttir skrifstofu- og skjalastjóri
  • Drífa Valdimarsdóttir fjármálastjóri
Fundargerð ritaði: Berglind Jóna Þorláksdóttir skrifstofu- og skjalastjóri
Dagskrá
Fundurinn fór fram í gegnum Teams fjarfundabúnað í samræmi við samþykkt sveitarstjórnar Norðurþings þann 23. mars sl.

1.Norðurþing, kosning í nefndir til eins árs, fjögurra ára og tilnefningar á aðalfundi 2018-2022

201806044

Máli frestað frá 100. fundi sveitarstjórnar Norðurþings.

Fyrir sveitarstjórn liggur að kjósa nýjan aðila í stjórn fjárfestingarfélags Norðurþings.
Til máls tóku: Bergur og Hjálmar.

Sveitarstjórn tilnefnir formann byggðarráðs, Helenu Eydísi Ingólfsdóttur, sem nýjan aðila í stjórn fjárfestingarfélags Norðurþings og Berg Elías Ágústsson sem varamann.

Samþykkt samhljóða.



2.Ársreikningur Norðurþings 2019

202003114

Á 324. fundi byggðarráðs var eftirfarandi bókað:

Byggðarráð vísar ársreikningi Norðurþings fyrir árið 2019 til fyrri umræðu í sveitarstjórn.
Til máls tóku: Kristján og Bergur.

Ársreikningi Norðurþings fyrir árið 2019 er vísað til síðari umræðu í sveitarstjórn.

Samþykkt samhljóða.

3.Bókun vegna reksturs Leigufélags Hvamms rekstrarárið 2020

202004045

Á 324. fundi byggðarráðs var eftirfarandi bókað:

Viðvarandi taprekstur hefur verið hjá Leigufélagi Hvamms á liðnum árum en þó var gert ráð fyrir að félagið skilað um 5 milljón króna hagnaði á árinu 2020, miðað við útgefna fjárhagsáætlun. Í skýringu 6 með ársreikningi 2019 kemur fram að niðurfelling á hluta skulda sem samið var um við Íbúðalánasjóð (Húsnæðis- og mannvirkjastofnun) á árinu 2016 muni koma til greiðslu við sölu á bílakjallara félagsins. Niðurfellingin sem var að fjárhæð 26,8 milljónir mun því leiða til neikvæðrar rekstrarafkomu upp á 21,6 milljónir á árinu 2020. Samkvæmt fyrirliggjandi ársreikningi fyrir árið 2019 kemur fram í efnahagsreikningi félagins að eigið fé félagsins er neikvætt um rúmar 64 mkr., sem að mestu er tilkomið vegna virðisrýrnunar á fasteignum félagsins á árinu 2014. Eiginfjárhlutfall félagsins er neikvætt um 35,24% en veltufjárhlutfall félagsins í árslok 2019 er 1,15 en var 0,83 í lok árs 2018. Félagið reiðir sig á stuðning frá eigendum sínum til að tryggja áframhaldandi rekstrarhæfi félagsins a.m.k. út yfirstandandi rekstrarár, 2020. Byggðarráð leggur til að sveitarstjórn samþykki að styðja við Leigufélag Hvamms á yfirstandandi rekstrarári.
Til máls tóku: Bergur, Hafrún, Kristján og Hjálmar.

Sveitarstjórn samþykkir samhljóða tillögu byggðarráðs.

4.Umsókn um yfirdrátt hjá viðskiptabanka Norðurþings

202004057

Í ljósi breytinga í innheimtum sveitarfélagsins og mögulegs lausafjárskorts hjá sveitarfélaginu á næstunni, vegna COVID-19, er óskað eftir heimild sveitarstjórnar til að sækja um yfirdráttarheimild á viðskiptareikningi Norðurþings hjá Íslandsbanka að fjárhæð allt að 100.000.000 - eitt hundrað milljónir.

Heimildin mun verða nýtt til að mæta sveiflum í lausafjárþörf og verður hún til að byrja með til sex mánaða.
Til máls tóku: Kristján, Hjálmar, Bergur, Hafrún og Helena.

Sveitarstjórn samþykkir samhljóða að sækja um yfirdráttarheimild hjá viðskiptabanka sínum.

5.Reglur um sérstakan húsnæðisstuðning

202004004

Reglur um sérstakan húsnæðisstuðning voru endurnýjaðar vegna vísitölu breytinga. Á 60. fundi fjölskylduráðs var eftirfarandi bókað:

Fjölskylduráð samþykkir meðfylgjandi reglur um sérstakan húsnæðisstuðning og vísar til samþykktar í sveitarstjórn.
Sveitarstjórn samþykkir reglurnar samhljóða.

6.Reglur um fjárhagsaðstoð Norðurþings

202003088

Reglur um fjárhagsaðstoð voru endurnýjaðar vegna vísitölu breytinga. Á 60. fundi fjölskylduráðs var eftirfarandi bókað:

Fjölskylduráð samþykkir meðfylgjandi reglur um fjárhagsaðstoð og vísar til samþykktar í sveitarstjórn.
Sveitarstjórn samþykkir reglurnar samhljóða.

7.Ósk um stækkun lóðar að Höfða 24

201909089

Á 63. fundi skipulags- og framkvæmdaráðs var eftirfarandi bókað:

Skipulags- og framkvæmdaráð fellst á afmörkun lóðarinnar og leggur til við sveitarstjórn að gefinn verði út lóðarleigusamningur á grunni fyrirliggjandi lóðarblaðs.
Sveitarstjórn samþykkir samhljóða tillögu skipulags- og framkvæmdaráðs.

8.Ósk um samþykki fyrir breyttri afmörkun þjónustulóðar við Vegg í Kelduhverfi

202004043

Á 64. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að ný afmörkun lóðarinnar verði samþykkt.
Sveitarstjórn samþykkir samhljóða tillögu skipulags- og framkvæmdaráðs.

9.Bygging á íbúðakjarna fyrir fatlaða - Umsókn til Húsnæðis- og mannvirkjastofnunar

202004048

Á 323. fundi byggðarráðs var eftirfarandi bókað:

Byggðarráð samþykkir að send verði inn umsókn til Húsnæðis- og mannvirkjastofnunar (HMS) f.h. óstofnaðs félags (Vík hses) um stofnframlög til byggingar sex íbúða kjarna fyrir fatlaða. Ákvörðuninni er vísað til staðfestingar í sveitarstjórn.
Til máls tóku: Kristján, Bergur, Hjálmar, Hafrún, Kolbrún Ada og Silja.


Undirrituð leggja fram eftirfarandi tillögu:
Að verkefninu verði frestað um ár og umsókn um stofnframlag verði dregin til baka. Sveitarfélagið hefur þegar ákveðið að ráðast í stórar framkvæmdir á árinu, s.s. Reykjarheiðarvegur á Húsavík og nýtt hjúkrunarheimili á Húsavík. Fjárhagsstaðan er viðkvæm og rekstur sveitarfélagsins sömuleiðis og því rúmast þetta mikilvæga verkefni ekki innan þeirrar óvissu sem næstu mánuðir bjóða upp á.
Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir

Tillagan er felld með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund greiða atkvæði með tillögunni.

Meirihluti sveitarstjórnar samþykkir tillögu byggðarráðs með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund sitja hjá.

10.Bygging á íbúðakjarna fyrir fatlaða - Stofnsamþykkt fyrir óstofnaða húsnæðissjálfeignastofnun

202004049

Á 323. fundi byggðarráðs var eftirfarandi bókað:

Byggðarráð samþykkir stofnsamþykktir fyrir Vík hses og vísar þeim til staðfestingar í sveitarstjórn.
Meirihluti sveitarstjórnar samþykkir tillögu byggðarráðs með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund sitja hjá.

11.Bygging á íbúðakjarna fyrir fatlaða - Tilnefning í stjórn hins óstofnaða félags

202004050

Á 323. fundi byggðarráðs var eftirfarndi bókað:

Byggðarráð tilnefnir Kristján Þór Magnússon, Kolbrúnu Ödu Gunnarsdóttur og Hafrúnu Olgeirsdóttur í stjórn Víkur hses og Berg Elías Ágústsson, Silju Jóhannesdóttur og Helenu Eydísi Ingólfsdóttur í varastjórn. Byggðarráð felur þeim umboð Norðurþings á tilvonandi stofnfundi Víkur hses. Ákvörðuninni er vísað til staðfestingar í sveitarstjórn.
Meirihluti sveitarstjórnar samþykkir tillögu byggðarráðs með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund sitja hjá.

12.Bygging á íbúðakjarna fyrir fatlaða - Veiting stofnframlags Norðurþings til samræmis við umsókn um stofnframlög til Húsnæðis- og mannvirkjastofnunar

202004051

Á 323. fundi byggðarráðs var eftirfarandi bókað:

Byggðarráð samþykkir veitingu stofnframlags til samræmis við umsókn um stofnframlög til HMS. Ákvörðuninni er vísað til staðfestingar í sveitarstjórn.
Meirihluti sveitarstjórnar samþykkir tillögu byggðarráðs með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund sitja hjá.

13.Bygging á íbúðakjarna fyrir fatlaða - Langtímafjármögnun verkefnisins

202004052

Á 323. fundi byggðarráðs var eftirfarandi bókað:

Byggðarráð samþykkir f.h. óstofnaðs félags (Vík hses) að umsóknin til HMS feli í sér að leitað verði til framangreindrar stofnunar með langtímafjármögnun verkefnisins í huga, en engu að síður verði kannaður möguleiki á fjármögnun meðal lífeyrissjóða. Ákvörðuninni er vísað til staðfestingar í sveitarstjórn.
Meirihluti sveitarstjórnar samþykkir tillögu byggðarráðs með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund sitja hjá.

14.Ósk eftir minnisblaði um mál frá minnihlutafulltrúum sem hafa verið send inn og/eða samþykkt

202003054

Máli frestað frá 100. fundi sveitarstjórnar Norðurþings.

Fulltrúar minnihluta sveitarstjórnar óska eftir minnisblaði.

Undirrituð óska eftir að fyrir næsta fund sveitastjórnar liggi fyrir skriflegt minnisblað vegna nokkurra mála. Hvaða hefur gerst í málinu síðan það var samþykkt og hvar málið er statt í dag. Málin eru eftirfarandi:

1.
Félagsmiðstöð & ungmennahús (201902055)
Samþykkt samhljóða í sveitarstjórn, á 89. fundi 19. febrúar 2019

2.
Umhverfisviðurkenning Norðurþings (201903067)
Samþykkt samhljóða í sveitastjórn, 90. fundur 19. mars 2019

3.
Listamaður Norðurþings (201903068)
Samþykkt af meirihluta sveitarstjórnar á 90. fundur 19. mars 2019

4.
Leikvellir í Norðurþingi (201907052)
Samþykkt í skipulags- og framkvæmdaráði, á 39. fundi 16. júlí 2019

Til máls tóku: Hjálmar, Silja, Kristján, Hafrún, Bergur, Heiðbjört og Kolbrún Ada.

Sveitarstjóra falið að taka saman minnisblað og leggja fyrir næsta sveitarstjórnarfund.

15.Endurskoðun samþykkta Norðurþings

202003008

Á 99. fundi sveitarstjórnar Norðurþings var eftirfarandi bókað:

Kolbrún Ada leggur fram eftirfarandi tillögu:
Nú hefur sveitarstjórn Norðurþings unnið eftir nýjum samþykktum í tvö ár. Að mati undirritaðar eru nokkrir þættir sem mættu betur fara í samþykktunum og einhverja þætti þarf að skýra betur.
Því legg ég til að samþykktir Norðurþings verði teknar upp og farið í lagfæringar á þeim. Oddvitar framboða komi sér saman um vinnuferli og hann verði lagður fyrir sveitarstjórn á fundi hennar í apríl 2020.
Kolbrún Ada Gunnarsdóttir
fulltrúi v-lista

Tillagan er samþykkt samhljóða.
Til máls tóku: Kolbrún Ada og Hjálmar.

Kolbrún Ada leggur fram eftirfarandi tillögu:
Vinna við samþykktir Norðurþins verði frestað til haustsins og tekin upp aftur í byggðarráði í september 2020.

Tillagan er samþykkt samhljóða.

16.Umræða um verkefnið Brothættar byggðir í Norðurþingi

202003053

Máli frestað frá 100. fundi sveitarstjórnar.

Minnihluti sveitarstjórnar óskar eftir umræðu um verkefnið Brothættar byggðir í Norðurþingi.
Til máls tóku: Hrund, Silja, Kristján, Hjálmar, Bergur, Hafrún og Kolbrún Ada.

Minnihlutinn óskar bókað:
Í ljósi þeirrar efnahagslægðar sem nú dynur yfir Norðurþing eins og þjóðfélagið allt, er brýnna en áður að að horfa í það hvernig fjármunum er varið. Fyrir um 14 mánuðum var samþykkt tillaga í sveitarstjórn þess efnis að leitað yrði fyrst til heimamanna innan Brothættra byggða með viðhald og verkefni eins og kostur er.
Því miður virðist það ekki enn vera raunin miðað yfirlit unninna verka á austursvæðinu. Það að flytja iðnaðarmenn milli svæða er bæði kostnaðarsamt, tímafrekt og í andstöðu við það sem samþykkt var. Hvergi er hægt að finna neitt um þessa verkferla eða stefnumótun sem hefðu átt að vera tilbúin fyrir löngu og sýnir það metnaðar- og áhugaleysi meirihlutans fyrir umræddu svæði. Eftirfylgni við ákvarðanir virðist vera ábótavant.
Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir

Lagt fram.

17.Frestun á stefnumótunarvinnu

202004058

Minnihluti sveitarstjórnar leggur til að stefnumótunarvinna sem er í gangi í sveitarfélaginu verði slegið á frest, s.s. vinna við atvinnustefnu, skólastefnu og forvarnarstefnu.

Þetta er lagt til svo draga megi úr álagi í stjórnsýslu Norðurþings og stofnunum sveitarfélagsins. Auk þess að leitað verði leiða til að draga úr kostnaði. Það er fyrirsjáanlegt að ekki verður veitt auknum fjármunum þegar niðurstöður liggja fyrir umfram núverandi úthlutun enda búið að boða hagræðingur í rekstri sveitarfélagsins.

Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir
Til máls tóku: Hjálmar, Silja, Hafrún, Kristján, Kolbrún Ada, Helena og Heiðbjört.

Helena leggur fram eftirfarandi breytingatillögu:
Undirrituð leggur til að mótun atvinnustefnu og forvarnastefnu verði frestað. Áframhaldi á mótun skólastefnu verði vísað til fjölskylduráðs til að taka afstöðu til þess hvort vinnu við skólastefnu verði frestað.
Helena Eydís Ingólfsdóttir

Breytingatillaga Helenu er samþykkt með atkvæðum Helenu, Heiðbjartar, Kolbrúnar Ödu, Kristjáns og Silju.
Bergur, Hafrún, Hjálmar og Hrund greiða atkvæði á móti tillögunni.

18.Fjöldasamkomur í Norðurþingi sumarið 2020

202004054

Umræður í ljósi Covid-19 um viðburði sem vanalega eru á dagskrá yfir sumartímann í sveitarfélaginu s.s. Mærudaga, hátíðarhöld tengd 17. júní og Sólstöðuhátíð.
Til máls tóku: Kristján, Hjálmar, Hafrún, Helena, Kolbrún Ada, Heiðbjört og Bergur.

Undirrituð leggja til að hátíðisdagar sem halda á í sveitarfélaginu verði með breyttu sniði og þeir aðlagaðir ástandinu í þjóðfélaginu hverju sinni. Þannig skal smitvörnum haldið í heiðri og reglum og leiðbeiningum yfirvalda fylgt í hvívetna.
Samkomubann og reglur varðandi samneyti fólks hafa sett svip sinn á samfélagið. Reglur yfirvalda varðandi samkomur munu breytast gangi spár eftir um niðursveiflu Covid-faraldursins. Því er ástæða til að fresta því sem er skynsamlegt að fresta og aðlaga að ástandinu hverju sinni, s.s. Mærudagar. Þannig verði hægt að halda í valin dagskrárliði eins og mæruhlaupið, garðatónleika, Botnsvatnshlaup og hugsanlega knattspyrnuleiki. Eins er hægt að skipuleggja hátíðina í takt við aðstæður og stilla henni þannig upp að hún taki mið af heimafólki og verði ekki auglýst sem bæjarhátíð á landsvísu.
Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir

Tillagan er samþykkt samhljóða.

19.Skýrsla sveitarstjóra

201605083

Kristján Þór Magnússon gerir grein fyrir þeim ýmsu verkefnum sem unnið hefur verið að síðastliðinn mánuð.
Til máls tók: Kristján.

Lagt fram.

20.Byggðarráð Norðurþings - 317

2002006F

Fyrir sveitarstjórn liggur fundargerð 317. fundar byggðarráðs.
Til máls tók undir lið 1 "Samrunaáætlun SSNE": Bergur og Kristján.
Í hinu umdeilda samrunaferli Atvinnuþróunarfélaga í Eyjafirði og Þingeyjarsýslu við SSNE hefur það verið kynnt fyrir fulltrúum Norðurþings að höfuðstöðvar og varnarþing félagsins yrði á Húsavík. Samkvæmt meðfylgjandi slóð (https://www.rsk.is/fyrirtaekjaskra/leit/kennitala/5611922199) er staðan sú að samtökin eru skráð með höfuðstöðvar og varnarþing á Akureyri, nánar tiltekið að Hafnarstæri 91.
Spurt er;
Hvenær verða höfuðstöðvar SSNE færðar til Húsavíkur og hvar er fyrirhugað heimilifesti þess á Húsavík?
Hver er staðan á samrunaáætlun við SSNE í dag?
Bergur Elías Ágústsson
Hjálmar Bogi Hafliðason
Hafrún Olgeirsdóttir
Hrund Ásgeirsdóttir

Aðrir liðir fundargerðarinnar lagðir fram til kynningar.

21.Byggðarráð Norðurþings - 318

2002009F

Fyrir sveitarstjórn liggur fundargerð 318. fundar byggðarráðs.
Til máls tóku undir lið 2 "Ósk um aðkomu að endurbótum hússins Breiðabliks á Raufarhöfn": Bergur og Kristján.

Aðrir liðir fundargerðarinnar lagðir fram til kynningar.

22.Byggðarráð Norðurþings - 319

2002012F

Fyrir sveitarstjórn liggur fundargerð 319. fundar byggðarráðs.
Til máls tóku undir lið 1 "Byggðakvóti í Norðurþingi": Bergur, Hjálmar og Kristján.

Aðrir liðir fundargerðarinnar lagðir fram til kynningar.

23.Byggðarráð Norðurþings - 320

2003003F

Fyrir sveitarstjórn liggur fundargerð 320. fundar byggðarráðs.
Lagt fram til kynningar.

24.Byggðarráð Norðurþings - 321

2003008F

Fyrir sveitarstjórn liggur fundargerð 321. fundar byggðarráðs.
Lagt fram til kynningar.

25.Byggðarráð Norðurþings - 322

2003010F

Fyrir sveitarstjórn liggur fundargerð 322. fundar byggðarráðs.
Til máls tóku undir lið 4 "Uppsögn á samstarfssamningi Norðurþings og PCC BakkiSilicon um þjónustu Slökkviliðs Norðurþings": Bergur og Kristján.

Aðrir liðir fundargerðarinnar lagðir fram til kynningar.

26.Byggðarráð Norðurþings - 323

2004003F

Fyrir sveitarstjórn liggur fundargerð 323. fundar byggðarráðs.
Lagt fram til kynningar.

27.Byggðarráð Norðurþings - 324

2004005F

Fyrir sveitarstjórn liggur fundargerð 324. fundar byggðarráðs.
Til máls tók undir lið 7 "Átak í merkingu gönguleiða á Norðurlandi": Hjálmar.

Aðrir liðir fundargerðarinnar lagðir fram til kynningar.

28.Fjölskylduráð - 56

2002008F

Fyrir sveitarstjórn liggur fundargerð 56. fundar fjölskylduráðs.
Lagt fram til kynningar.

29.Fjölskylduráð - 57

2002011F

Fyrir sveitarstjórn liggur fundargerð 57. fundar fjölskylduráðs.
Til máls tók undir lið 5 "Jafnréttisverðlaun KSÍ": Hjálmar, Helena, Hafrún og Kristján.

Undirrituð vilja óska Völsungi til hamingju. En á 74. ársþingi KSÍ sem fram fór á Ólafsvík 22. febrúar 2020 hlaut Íþróttafélagið Völsungur jafnréttisverðlaun KSÍ. Í Völsungi fer fram metnaðarfullt uppeldisstarf hjá yngri flokkum bæði hjá drengjum og stúlkum svo eftir er tekið. Félagið er fyrirmyndarfélag og í stöðugri framþróun. Þessi viðurkenning er liður í því og sýnir mikilvægi öflugs íþróttastarfs.
Mikil fjölgun hefur verið meðal stúlkna í hópi iðkenda. Kynjahlutfall þeirra sem iðka knattspyrnu er nú nánast jafnt milli drengja og stúlkna. En Völsungur sendir lið til keppni í Íslandsmóti hjá báðum kynjum í öllum yngri flokkum. Öflugt yngri flokka starf skilar sér í meistaraflokka enda liðin langmest byggð á heimaleikmönnum. Innviðauppbygging í íþróttastarfi borgar sig.

Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir

Kristján Þór Magnússon, Kolbrún Ada Gunnarsdóttir, Helena Eydís Ingólfsdóttir, Heiðbjört Þóra Ólafsdóttir og Silja Jóhannesdóttir taka undir bókunina.


Aðrið liðir fundargerðarinnar lagðir fram til kynningar.

30.Fjölskylduráð - 58

2003002F

Fyrir sveitarstjórn liggur fundargerð 58. fundar fjölskylduráðs.
Lagt fram til kynningar.

31.Fjölskylduráð - 59

2003006F

Fyrir sveitarstjórn liggur fundargerð 59. fundar fjölskylduráðs.
Til máls tók undir lið 15 "Framlag Félags eldriborgara á Húsavík og nágrenni vegna covid-19": Hjálmar.

Undirrituð vilja þakka sérstaklega Félagi eldri borgara á Húsavík og nágrennis fyrir velvilja í garð samfélagsins. Að gefa eftir sem nemur 1,5 milljónum króna af styrk til félagsins eða um helming er virðingarvert. Í erindi frá félaginu kemur fram að þess sé vænst að þeirri upphæð verði varið í málefni barna og ungmenna.
Bergur Elías Ágústsson
Hafrún Olgeirsdóttir
Hjálmar Bogi Hafliðason
Hrund Ásgeirsdóttir

Til máls tóku undir lið 9 "Lýðheilsusjóður 2020": Hjálmar, Heiðbjört og Helena.


Aðrir liðir fundargerðarinnar lagðir fram til kynningar.

32.Fjölskylduráð - 60

2004001F

Fyrir sveitarstjórn liggur fundargerð 60. fundar fjölskylduráðs.
Lagt fram til kynningar.

33.Skipulags- og framkvæmdaráð - 59

2002007F

Fyrir sveitarstjórn liggur fundargerð 59. fundar skipulags- og framkvæmdaráðs.
Lagt fram til kynningar.

34.Skipulags- og framkvæmdaráð - 60

2002010F

Fyrir sveitarstjórn liggur fundargerð 60. fundar skipulags- og framkvæmdaráðs.
Lagt fram til kynningar.

35.Skipulags- og framkvæmdaráð - 61

2003001F

Fyrir sveitarstjórn liggur fundargerð 61. fundar skipulags- og framkvæmdaráðs.
Lagt fram til kynningar.

36.Skipulags- og framkvæmdaráð - 62

2003004F

Fyrir sveitarstjórn liggur fundargerð 62. fundar skipulags- og framkvæmdaráðs.
Lagt fram til kynningar.

37.Skipulags- og framkvæmdaráð - 63

2003009F

Fyrir sveitarstjórn liggur fundargerð 63. fundar skipulags- og framkvæmdaráðs.
Lagt fram til kynningar.

38.Skipulags- og framkvæmdaráð - 64

2004004F

Fyrir sveitarstjórn liggur fundargerð 64. fundar skipulags- og framkvæmdaráðs.
Til máls tóku undir lið 2 "Útboð vegna sorphirðu 2020": Bergur, Silja, Hjálmar og Kolbrún Ada.

Undirritaður óskar eftir að eftirfarandi fyrirspurn verið bókuð.
Fram kemur að tilboð lægstbjóðanda felur í sér 66% hækkun sorphirðugjalda, jafnfram hefur verið greint frá því að kostnaðarmat felur í sér 50% hækkun á nefndum gjöldum og að tilboð lægst bjóðanda hafi verið 10% yfir kostnaðaráætlun. Óskað er eftir því að formaður Skipulags og framkvæmdaráðs geri grein fyrir eftirfarandi (þar sem um verulega fjármuni er að ræða fyrir heimilin á þeim mismun sem hér er að finna). Spurt er;
a) Hverjar eru helstu breytingarnar sem fela í sér 50% hækkun á kostnaðarmati?
b) Hver er skýringin á mismuninum þ.e. frá 50% til 66% og í hverju felst hann?
c) Hver verða sorphirðugjöld á heimili á Húsavík og Reykjahverfi í krónum og aurum gefið þau verði hækkuð um 66%?
Bergur Elías Ágústsson

Silja leggur til að spurningunum verði svarað á næsta fundi byggðarráðs.

Aðrir liðir fundargerðarinnar lagði fram til kynningar.

39.Orkuveita Húsavíkur ohf - 202

2002004F

Fyrir sveitarstjórn liggur fundargerð 202. fundar Orkuveitu Húsavíkur ohf.
Lagt fram til kynningar.

40.Orkuveita Húsavíkur ohf - 203

2002013F

Fyrir sveitarstjórn liggur fundargerð 203. fundar Orkuveitu Húsavíkur ohf.
Til máls tóku undir lið 1 "Rammasamningur OH og NÞ": Hjálmar og Kolbrún Ada.

Aðrir liðir fundargerðarinnar lagðir fram til kynningar.

41.Orkuveita Húsavíkur ohf - 204

2004002F

Fyrir sveitarstjórn liggur fundargerð 204. fundar Orkuveitu Húsavíkur ohf.
Lagt fram til kynningar.

Fundi slitið - kl. 20:15.