Sveitarstjórn Norðurþings

119. fundur 18. janúar 2022 kl. 16:15 - 18:00 í stjórnsýsluhúsi Norðurþings
Nefndarmenn
  • Aldey Unnar Traustadóttir Forseti
  • Hjálmar Bogi Hafliðason 1. varaforseti
  • Benóný Valur Jakobsson 2. varaforseti
  • Birna Ásgeirsdóttir aðalmaður
  • Helena Eydís Ingólfsdóttir aðalmaður
  • Kristján Þór Magnússon aðalmaður
  • Hrund Ásgeirsdóttir aðalmaður
  • Hafrún Olgeirsdóttir aðalmaður
  • Bylgja Steingrímsdóttir 1. varamaður
Starfsmenn
  • Berglind Jóna Þorláksdóttir skrifstofu- og skjalastjóri
Fundargerð ritaði: Berglind Jóna Þorláksdóttir skrifstofu- og skjalastjóri
Dagskrá

1.Beiðni um lausn undan störfum í sveitarstjórn Norðurþings

202101059

Fyrir sveitarstjórn liggur beiðni frá Heiðbjörtu Þóru Ólafsdóttur um lausn undan störfum í sveitarstjórn Norðurþings frá og með 1. febrúar nk. með vísan í 2.mgr. 30.gr. sveitastjórnalaga nr.138/2011.
Samþykkt samhljóða.

2.Norðurþing, kosning í nefndir til eins árs, fjögurra ára og tilnefningar á aðalfundi 2018-2022

201806044

Fyrir sveitarstjórn liggja eftirfarandi breytingar á ráðum innan Norðurþings hjá fulltrúum E - lista frá 19. janúar 2022.

Skipulags- og framkvæmdaráð - varamaður áheyrnarfulltrúa verður Ásta Hermannsdóttir.
Fjölskylduráð - varamaður áheyrnarfulltrúa verður Svava Arnarsdóttir.

Skipan E-lista verður þá eftirfarandi;
Byggðarráð - Áheyrnarfulltrúi Hafrún Olgeirsdóttir og varamaður Kristján Friðrik Sigurðsson.
Skipulags- og framkvæmdaráð - Áheyrnarfulltrúi Kristján Friðrik Sigurðsson og varamaður Ásta Hermannsdóttir.
Fjölskylduráð - Áheyrnarfulltrúi Arna Ýr Arnarsdóttir og varamaður Svava Hlín Arnarsdóttir.



Fyrir sveitarstjórn liggur tillaga frá D-lista að breytingar sem samþykktar voru vegna tímabundins leyfis Heiðbjartar Þóru sem teknar voru fyrir á 109. fundi sveitarstjórnar vegna tímabundins leyfis Heiðbjartar gildi áfram óbreyttar.


Einnig liggur fyrir sveitarstjórn að skipa varamann í stjórn Menningarmiðstöð Þingeyinga.
Tillaga E-lista er samþykkt samhljóða.

Tillaga D-lista er samþykkt samhljóða.

Forseti leggur til að Benóný Valur Jakobsson verði varamaður í stjórn Menningarmiðstöð Þingeyinga.
Tillaga forseta er samþykkt samhljóða.

3.Breytt skipulag barnaverndar

202112004

Fjölskylduráð tók málið fyrir á 108. fundi ráðsins og vísar því að sveitarfélagið sækji um undanþágu fyrir 6000 íbúa viðmið í barnaverndarþjónustu til samþykktar.
Til máls tóku: Birna, Kristján og Hjálmar.

Samþykkt samhljóða.

4.Reglur um afslátt af fasteignaskatti 2022

202201015

Fyrir sveitarstjórn liggja til staðfestingar reglur um afslátt af fasteignaskatti 2022.
Til máls tók: Helena.

Helena leggur fram eftirfarandi tillögu:

Tillaga um breytingu á 5. gr. reglna um afslátt af fasteignaskatti.

Lagt er til að tekjuviðmið verði með eftirfarandi hætti og afsláttur reiknaður til samræmis við tekjur.

Einstaklingur: Brúttótekjur allt að kr. 3.710.000 100% afsláttur
Brúttótekjur yfir kr. 5.760.000 0% afsláttur

Hjón og samskattað sambýlisfólk:
Brúttótekjur allt að kr. 7.050.000 100% afsláttur
Brúttótekjur yfir kr. 8.640.000 0% afsláttur


Tillaga Helenu er samþykkt samhljóða.

Reglur um afslátt á fasteignaskatti hjá Norðurþingi verða birtar á vefsíðu sveitarfélagsins.

5.Stafræn húsnæðisáætlun Norðurþings 2022

202112070

Fyrir sveitarstjórn liggur til samþykktar stafræn húsnæðisáætlun Norðurþings 2022.
Til máls tók: Hjálmar.

Samþykkt samhljóða.

6.Beiðni um viðræður um lóð undir starfssemi Green Fuel á Bakka

202201045

Fyrir sveitarstjórn liggur beiðni um að hefja formlegar viðræður um lóð undir starfsemi Green Fuel á Bakka.
Til máls tóku: Kristján og Hafrún.

Samþykkt samhljóða.

7.Umsókn um lóð undir spennistöðvarhús við Auðbrekku

202112079

Á 116. fundi skipulags- og framkvæmdaráðs var eftirfarandi bókað:

Skipulags- og framkvæmdaráð leggur til við sveitarstjórn að RARIK verði úthlutað lóðinni.
Sveitarstjórn samþykkir samhljóða tillögu skipulags- og framkvæmdarráðs.

8.Endurskoðun samþykkta Norðurþings 2021

202102059

Fyrir sveitarstjórn Norðurþings liggja samþykktir Norðurþings til fyrri umræðu.
Til máls tóku: Helena, Hjálmar, Aldey, Kristján, Benóný og Hafrún.

Sveitarstjórn samþykkir samhljóða að vísa málinu til síðari umræðu í sveitarstjórn.

9.Tillaga um sameiningarviðræður við Tjörneshrepp

202112005

Fyrir sveitarstjórn liggur afstaða hreppsnefndar Tjörneshrepps varðandi tillögu Norðurþings um sameiningarviðræður. Hreppsnefnd Tjörneshrepps bókaði á fundi sínum þann 14. desember sl. að hún hefði ekki áhuga á sameiningu að svo stöddu. Hreppsnefndin telur of stutt í kosningar og nær væri að nýjar sveitarstjórnir fjölluðu um málið að loknum næstu kosningum.
Til máls tóku: Kristján, Benóný, Helena og Hjálmar.

Helena leggur til að sveitarstjórn taki undir sjónarmið hreppsnefndar Tjörneshrepps um að nýjar sveitarstjórnir fjalli um málið að loknum næstu kosningum.
Samþykkt samhljóða.

10.Aðstaða til félagsstarfs fyrir börn og ungmenni við Öxarfjörð

202201051

Hrund Ásgeirsdóttir fulltrúi B-lista leggur til að leitað verði leiða til að finna aðstöðu fyrir börn og ungmenni á skólasvæði Öxarfjarðarskóla og þá með húsnæði í eigu sveitarfélagsins á Kópaskeri í huga.

Síðan 2011 hefur engin mynd verið á starfi fyrir börn og ungmenni á skólasvæði Öxarfjarðarskóla og afar brýnt að leyst verði úr því hið fyrsta. Á Kópaskeri á sveitarfélagið nokkrar eignir sem skoða mætti undir slíka starfsemi og búið að er að finna áhugasaman aðila til að sinna þessu starfi. Í lögum um félagsþjónustu sveitarfélaga nr. 40/1991 er kveðið á um að sveitarfélög skuli starfrækja þjónustu við unglinga og m.a. standa að forvarnastarfi í málefnum þeirra sem miðar að því að beina athafnaþörf æskufólks á heillavænlegar brautir.
Til máls tóku: Hrund og Benóný.

Sveitarstjórn samþykkir samhljóða tillögu Hrundar og vísar henni til úrvinnslu í fjölskylduráði.

11.Beiðni um umsögn vegna tillögu að breytingu á skipulagsskrá Menningarsjóðs þingeyskra kvenna

202201031

Fyrir sveitarstjórn liggur beiðni um umsögn vegna tillögu að breytingu á skipulagsskrá Menningarsjóðs þingeyskra kvenna.
Til máls tók: Hjálmar, Benóný og Aldey.

Aldey leggur til að sveitarstjórn veiti jákvæða umsögn.
Samþykkt samhljóða.

12.Skýrsla sveitarstjóra

201605083

Kristján Þór Magnússon sveitarstjóri fer yfir verkefni sveitarfélagsins sl. vikur.
Til máls tóku: Kristján og Aldey.

Sveitarstjórn Norðurþings leggur fram eftirfarandi bókun:
Sveitarstjórn þakkar sveitarstjóra fyrir yfirferðina og tekur undir mikilvægi þess að halda umræðu um málefni sveitarfélagsins á málefnalegum grunni með hagsmuni íbúa Norðurþings að leiðarljósi.

Lagt fram til kynningar.

13.Fjölskylduráð - 108

2112002F

Fyrir sveitarstjórn liggur fundargerð 108. fundar fjölskylduráðs.
Lagt fram til kynningar.

14.Skipulags- og framkvæmdaráð - 115

2112001F

Fyrir sveitarstjórn liggur fundargerð 115. fundar skipulags- og framkvæmdaráðs.
Lagt fram til kynningar.

15.Skipulags- og framkvæmdaráð - 116

2112005F

Fyrir sveitarstjórn liggur fundargerð 116. fundar skipulags- og framkvæmdaráðs.
Lagt fram til kynningar.

16.Byggðarráð Norðurþings - 382

2112003F

Fyrir sveitarstjórn liggur fundargerð 382. fundar byggðarráðs.
Lagt fram til kynningar.

17.Byggðarráð Norðurþings - 383

2112006F

Fyrir sveitarstjórn liggur fundargerð 383. fundar byggðarráðs.
Lagt fram til kynningar.

18.Byggðarráð Norðurþings - 384

2201001F

Fyrir sveitarstjórn liggur fundargerð 384. fundar byggðarráðs.
Lagt fram til kynningar.

19.Orkuveita Húsavíkur ohf - 226

2112004F

Fyrir sveitarstjórn liggur fundargerð 226. fundar Orkuveitu Húsavíkur ohf.
Lagt fram til kynningar.

Fundi slitið - kl. 18:00.