Tómstunda- og æskulýðsnefnd Norðurþings

Aðalbjörn sagði frá starfsemi félagsmiðstöðvarinnar. Í máli hans kom fram að félagsmiðstöðin er að þjónusta 10 til 12 ára, 13-16 ára og 17-25 ára. Ýmsir viðburðir eru í gangi og hefur verið ágæt mæting á viðburði. Stefnt er á meiri samvinnu milli starfsstöðva og er verið að vinna að því. Starfrækt er sérstakt Túnráð ungmenna, Túnráðið skipuleggur starfsemi Ungmennahúsins. Áætlað er að fulltrúar í Túnráði fari til Danmerkur í kynnis- og námsferð ásamt starfsmönnum félagsmiðstöðvarinnar í maí. Margir boðnir og búnir í samfélaginu til að aðstoða og hjálpa vegna félagsmiðstöðvastarfsins. Til stendur að vera með draugahús sem fjáröflun fyrir Tún föstudaginn 13.febrúar.
Tómstunda- og æskulýðsnefnd þakkar Aðalbirni fyrir góða kynningu.

Lagt fram til kynningar.
Tómstunda- og æskulýðsnefnd hvetur til þess að ungmenni úr Norðurþingi taki þátt í ráðstefnunni.

Tómstunda- og æskulýðsnefnd vísar málinu til Framkvæmda- og hafnarnefndar en leggur jafnframt til við Framkvæmda- og hafnarnefnd að samið verði við bréfritara um afnot af tjaldsvæðinu við Lund.

Fyrir nefndinni liggur erindi frá Framkvæmda- og hafnarnefnd þar sem óskað er eftir því að slökkviliðsmenn í Slökkviliði Norðurþings fái frían aðgang að sundlaugum í rekstri Norðurþings.
Tómstunda- og æskulýðsnefnd samþykkir erindið og felur tómstunda-og æskulýðsfulltrúa að útfæra málið í samstarfi við slökkviliðsstjóra Norðurþings.

Tómstunda- og æskulýðsnefnd felur tómstunda- og æskulýðsfulltrúa að ganga frá samningum til undirritunar við Golfklúbb Húsavíkur og Ungmennafélagið Austra.

Tómstunda- og æskulýðsnefnd getur því miður ekki orðið við erindinu. Ekki er gert ráð fyrir því fjármagni sem óskað er eftir í fjárhagsáætlun Tómstunda- og æskulýðsnefndar fyrir árið 2015.
Tómstunda- og æskulýðsnefnd er tilbúin að taka málið upp við fjárhagsáætlunargerð fyrir árið 2016.

Tómstunda- og æskulýðsnefnd ræddi öryggismál í íþróttamannvirkjum Norðurþings. Nefndin leggur á það áherslu að öryggismál séu í lagi og öryggisreglum fylgt eftir. Tómstunda- og æskulýðsfulltrúa er falið að afla frekari upplýsinga um öryggismál íþróttamannvirkja og fylgja þeim eftir.

Jóhanna Kristjánsdóttir sagði frá síðasta fundi nefndar um Heilsuárið 2015. Áhugi er fyrir því að fá aðila til að halda utan um verkefnið. Tómstunda- og æskulýðsnefnd samþykkir að formaður nefndarinnar fái það hlutverk að fylgja verkefninu eftir.
Nefndin óskar eftir því að Héðinn S. Björnsson, verkefnastjóri hjá Embætti landlæknis, verði fenginn til að kynna Heilsueflandi samfélag og málefni því tengt fyrir nefndinni. Tómstunda- og æskulýðsfulltrúa falið að fylgja málinu eftir.

Tómstunda- og æskulýðsfulltrúi Norðurþings fór yfir málefni sviðsins.