Fréttir

Auglýst er eftir umsóknum um þátttöku Vaxtarsamnings Norðausturlands í verkefnum á starfssvæði samningsins Umsóknarfrestur er til 11. september 2009 Umsóknargögn - umsóknareyðublað, leiðbeiningar og verkefnaviðmið - er að finna  á heimasíðu Atvinnuþróunarfélags Þingeyinga atthing.is og verða einnig send þeim sem þess óska.

Nokkrar breytingar hafa átt sér stað meðal starfsfólks hjá Félagsþjónustu Norðurþings.  Þórhildur Sigurðardóttir sérkennsluráðgjafi lét af störfum í sumar vegna aldurs.  Sigríður Guðjónsdóttir deildarstjóri um málefni fatlaðra fer í námsleyfi í vetur og Erla Alfreðsdóttir iðjuþjálfi fer í hennar starf á meðan.  Marzenna Katarzyna Cybulska iðjuþjálfi tekur við forstöðu Setursins í hlutastarfi.  Linda Pehrson iðjuþjálfi hóf störf í vetur hjá Félagsþjónustu Norðurþings í hlutastarfi á austursvæði.  Dögg Stefánsdóttir sem veitir þjálfunarheimilinu að Sólbrekku 28 forstöðu fer í fæðingarorlof nú í ágústmánuði og Þorgrímur Sigmundsson félagsliði mun leysa hana af.

Húsavíkurhöfn hefur tekið að sér rafmagnssölu á bryggjum hafnarinnar. Viðskiptavinir fá framvegis reikning frá Húsavíkurhöfn vegna rafmagnsviðskipta, í stað Orkuveitu Húsavíkur áður. Raforkusala er tiltekin í gjaldskrá fyrir hafnir Norðurþings. Nánar auglýst síðar af Hafnaryfirvöldum.

Fiskistofa auglýsir úthlutun byggðakvóta á fiskveiðiárinu 2008/2009 sbr. reglugerð um úthlutun byggðakvóta til fiskiskipa nr. 557, 25. júní 2009.

Sléttugangan árlega verður gengin 8. ágúst nk. Gengið er frá Raufarhöfn yfir Melrakkasléttu og komið niður í nágrenni Kópaskers, nánar tiltekið í grennd við spennustöð við Snartarstaði. Þetta er um 30 km ganga, falleg og góð gönguleið. Það er Ferðafélagið Norðurslóð sem nú stendur fyrir göngunni.

Hverfagrill hafa verið felld niður. En skrúðgöngur eru samkvæmt dagskrá. Samkvæmt veðurspánni í dag, fimmtudagsmorgun, ættu ekki að vera frekari breytingar á fyrirhugaðri dagskrá Mærudaga í kvöld. Uppfærð mærudagskrá  

  Guðrún Gunnars syngur ljóð og lög eftir Cornelis Vreeswijk á tónleikum í Hvalasafninu á Húsavík fimmtudaginn 23. júlí kl 21:00 í tilefni Sænskra menningardaga

Skrifstofur Norðurþings og Orkuveitu Húsavíkur eru lokaðar frá og með 27. júlí til og með 7. ágúst vegna sumarleyfa. Í neyðartilfellum í tengslum við barnavernd er hægt að hafa samband í síma hjá Félagsþjónustu: 8644130 milli kl. 8:00 og 16:00 virka daga á meðan lokun stendur.  Bent er á lögreglu utan skrifstofutíma. Bilanasími OH er 4640909

Hljómsveitin amiina, í samstarfi við Kraum tónlistarsjóð heldur ferna tónleika við sjávarsíðuna í lok júlí. Spilað verður í tveimur vitum, hvalasafni og Bláu kirkjunni á Seyðisfirði. Tónleikadagskráin verður aðlöguð að umhverfinu; stutt efnisskrá með sérsniðnum útsetningum sem hæfa umgjörðinni, í mikilli nánd við sjóinn sem og áheyrendur. Aðgangur er ókeypis.  

Nú á mánudaginn hefjast Sænskir dagar á Húsavík og stendur til fimmtudags. Hátíðin er sett með athöfn kl. 17.00 í Barðahúsinu og eru allir velkomnir. Garðar Cortes og Robert Sund munu flytja nokkur lög. Á dagskrá Sænskudaga eru m.a. tónleikar með Garðar Cortes og Robert Sund. Guðrún Gunnarsdóttir syngur ljóð og lög eftir Corenelis Wreeswijk í íslenskum búningi Aðalsteins Ásbergs Sigurðssonar. 

Einn af framsæknustu leikurum Íslands, Kristján Ingimarsson sýnir einleik sinn MIKE ATTACK í Samkomuhúsinu á Húsavík þriðjud. 14. júlí kl. 20:00. Mike attack er geðbilað gamanleikrit án orða, Kristján notar líkamann til að túlka það sem fram fer! Getur míkrófónn fengið fullnægingu??? Já!! Maður rennir honum bara fram og til baka á statífinu og þá skríkir hann af hjartans lyst! Miðaverð aðeins 2.000 kr., greiðist við innganginn, ath. tökum ekki við kortum. Sýningin hefst kl. 20:00. Heimasíða Kristjáns er http://www.neander.dk/  

  Tilkynning.  Gróðursetningarverkefnið sem sveitarfélagið Norðurþing stofnaði  til í sumar í samvinnu við Vinnumálastofnun og Framsýn lýkur föstudaginn 24. júlí 2009. Einnig hefur verið unnið að illgresiseyðingu og stefnt er að vinnu við stígagerð. Öllum þeim sem tóku þátt er þökkuð þátttaka.                   Sveinn Hreinsson