Fréttir

Næsti fundur sveitarstjórnar Norðurþings verður haldinn mánudaginn 21. desember n.k. í Stjórnsýsluhúsinu á Húsavík. Fundurinn hefst kl. 16:15. Dagskrá fundarins er hægt að sjá hér að neðan.

Frá og með 1. janúar 2010 hefur sveitarfélagið Norðurþing/Eignasjóður ákveðið að leggja fram leigusamning vegna umsýslu með  fasteignum sveitarfélagsins. Félagið er eignarhalds- og rekstrarfélag sem er í eigu Norðurþings og heyrir undir Framkvæmda-og þjónusturáð Norðurþings. Starfsmaður Eignasjóðs er einn og hefur aðsetur í Stjórnsýsluhúsinu á Húsavík. Hefur hann nána samvinnu við forstöðumenn, húsverði og starfsmenn þjónustuvera.

Hin árlega Jólaskemmtun Samhljóms - styrktarfélags verður haldin í Fosshóteli Húsavík (Félagsheimili Húsavíkur) sunnudaginn 13. desember kl. 16:00.  Hljómsveitin Hjálmar og þeir mun flytja jólalög ásamt því að gestsöngvarar munu syngja.  Þeir eru Bylgja Steingrímsdóttir, Aðalsteinn Júlíusson, Kristján Halldórsson, Halla Marín Hafþórsdóttir, Daníel Borgþórsson og Valdís Jósefsdóttir. 

Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi. Íslensk náttúra er eitt helsta aðdráttarafl Íslands í hugum ferðamanna. Stefna íslenskra stjórnvalda er að ferðaþjónustan í landinu starfi sem mest í anda sjálfbærni. Liður í því er markviss uppbygging og fyrirbyggjandi aðgerðir til verndunar íslenskrar náttúru. Styrkir skiptast í tvo meginflokka:

Nú er búið að troða skíðagöngubraut á íþróttavellinum á Húsavík.    

Tillaga að breytingu á Aðalskipulagi Húsavíkurbæjar 2005-2025 Háspennulínur, Reykjaheiðarvegur og iðnaðarlóð á Bakka Sveitarstjórn Norðurþings auglýsir hér með tillögu að breytingu á aðalskipulagi Húsavíkurbæjar 2005-2025 skv. 1. mgr. 21. gr. skipulags- og byggingarlaga nr. 73/1997 m.s.br. Ath. Uppdráttur 3 hér fyrir neðan hefur verið uppfærður.

Auglýst er eftir starfsmanni í ræstingar við leikskólann Grænuvelli á Húsavík frá og með 16. desember 2009.  

Dagana 13. - 14. nóvember stendur "Þingeyskt og þjóðlegt" fyrir námskeiði í ullarvinnslu og jurtalitun í Kiðagili í Bárðardal.  Verkefnið Þingeyskt og þjóðlegt snýst um að viðhalda þjóðlegum menningararfi í handverki, með áherslu á Þingeyjarsýslur. Námskeiðið hefst kl. 17:00 á föstudegi og lýkur kl. 19:00 á laugardag.

Markaðsstofa ferðamála á Norðurlandi hefur staðið fyrir uppskeruhátíðum ferðaþjónustunnar á Norðurlandi undanfarin 5 ár. Uppskeruhátíðin var haldin í Mývatnssveit þetta árið og þótti takast einstaklega vel enda einmuna blíða, sól og blanka logn. Alls mættu á annað hundrað einstaklingar úr ferðaþjónustunni á Norðurlandi á hátíðina. Farið var vítt og breytt um Mývatnssveit og áhugaverðir staðir heimsóttir, m.a. Víti, Krafla, Námaskarð, Fuglasafn Sigurgeirs, Hótel Gígur, Dimmuborgir og Jarðböðin.  

Samvinnufélag Þingeyinga stendur fyrir borgarafundi sem haldinn verður í sal Borgarhólsskóla, Húsavík, fimmtudaginn 29. október kl. 18:00. Öllum Þingeyingum er boðið að mæta á fundinn en á hann munu mæta þingmenn kjördæmisins.

34. fundur sveitarstjórnar Norðurþings verður haldinn í stjórnsýsluhúsi Norðurþings, þriðjudaginn 20. október og hefst kl. 16:15. Dagskrá fundarins má sjá hér að neðan.

Heiltónn, hollvinasamtök Tónlistarskóla Húsavíkur, heldur sinn fyrsta almenna félagsfund þriðjudaginn 20. október kl. 17:00 í Borgarhólsskóla. Dagskrá fundarins verður kynning á samtökunum, kosning stjórnar, umræða um vetrarstarfið og verkefni framundan. Allt áhugafólk um öflugt tónlistarlíf og velunnarar Tónlistaskóla Húsavíkur eru hvattir til að mæta.