Byggðarráð Norðurþings

Fyrir byggðarráði liggur yfirlit yfir rekstur málaflokka fyrir tímabilið janúar til apríl 2021 ásamt yfirliti yfir útsvarstekjur fyrstu fimm mánuði ársins.

Fyrir byggðarráði liggur samantekt á launaþróun sveitarfélaga frá sviðsstjóra kjarasviðs Sambands íslenskra sveitarfélaga.

Fyrir byggðarráði liggur tillaga að vinnuferli vegna fjárhagsáætlunar 2022.

Þjóðskrá hefur birt nýtt fasteignamat fyrir árið 2022. Þar kemur fram að hækkun fasteignamats í Norðurþingi er 4,4% en á landsvísu er það 7,4%.
Nýtt fasteignamat má nálgast hér; https://www.skra.is/fasteignir/fasteignamat/2022/

Fyrir byggðarráði liggur uppfærð kostnaðaráætlun nýs hjúkrunarheimilis, svonefnd KÁ-2, sem er loka uppfærsla kostnaðaráætlunar áður en ráðist verður í útboð á jarðvinnu vegna framkvæmdanna. Fjármálaráðuneytið f.h. ríkisins og sveitarfélögin sem standa að uppbyggingu hjúkrunarheimilsins þurfa að fjalla um áætlunina og staðfesta hana áður en hægt er að hefja útboðsferlið. Sveitarstjóri fer yfir áætlunina og stöðuna á verkefninu.

Borist hefur ályktun frá stjórn Félags atvinnurekenda þar sem skorað er á sveitarfélög að lækka álagningarprósentu fasteignaskatts á atvinnuhúsnæði við gerð fjárhagsáætlana fyrir næsta ár til að bregðast við miklum hækkunum fasteignamats fyrir árið 2022.

Frá árinu 2019 hefur verið í gildi samstarfssamningur á milli Norðurþings og Húsavíkurstofu í þeim tilgangi að stofan vinni að því að gera Norðurþing að eftirsóknarverðum áfangastað allt árið um kring. Samningnum lýkur í desember næstkomandi.

SSNE auglýsti þann 18. maí síðastliðinn eftir verkefnastjóra menningarmála sem einnig mun koma að atvinnuráðgjöf og nýsköpun. Umsóknarfrestur um starfið rann út þann 2. júní síðastliðinn.

Fyrir byggðarráði liggur uppfærð starfsmannastefna Norðurþings.

Til upplýsinga í byggðarráði liggja fyrir drög að starfsáætlun atvinnu- og samfélagsfulltrúa Norðurþings á Kópaskeri.

Sveitarstjóri gerir grein fyrir samtali fulltrúa Skjálftasetursins og Norðurþings um framtíðaráform setursins og væntingar til samstarfs í skólabyggingunni á Kópaskeri.

Auglýst voru svokölluð sumarstörf námsmanna í Norðurþingi en aðeins hafa borist umsóknir um tvö af þeim níu störfum sem auglýst voru. Annar starfsmaðurinn sem hefur verið ráðinn verður á Raufarhöfn en hinn á Húsavík.

Sveitarstjóri gerir grein fyrir stöðu verkefnisins og ræðir þann feril sem málinu er ætlað að komast í svo undirbúa megi uppbyggingu fjögurra leiguíbúða í sveitarfélaginu.

Hjálmar Bogi Hafliðason óskar eftir upplýsingum um kaup á nýrri bifreið fyrir Þjónustumiðstöð Norðurþings, þ.e. hvar málið er statt.

Atvinnu- og samfélagsfulltrúi Norðurþings sendir inn ósk um að byggðarráð taki aftur til umræðu stöðuna gagnvart bifreiðaeigendum sem nú þurfa að keyra um langan veg af austursvæði sveitarfélagsins annað hvort til Húsavíkur eða til Vopnafjarðar til að fá skoðun á bifreiðar sínar. Engar úrbætur hafa verið gerðar á verklagi Frumherja eftir að skoðunum var hætt á Kópaskeri og Þórshöfn á sl. ári.

Fyrir liggur að tveir rammasamningar Ríkiskaupa renna út í júní.

Um er að ræða RK 09.04 Ósterílir vinyl,latex og nítril skoðunarhanskar (rennur út 30. júní, annaðhvort verður honum framlengt tímabundið eða látinn renna úr gildi, markaðsaðstæður eru talda vondar á þessari vöru v/almenns skorts á heimsvísu)og RK 16.05 Úrgangsþjónusta (einungis í gildi fyrir höfuðborgarsvæðið og Reykjanes) ekki í gildi annarsstaðar á landinu. (verður líklega framlengt tímabundið fram á haust og nýr RS gerður þá).

Í samráðsgátt stjórnvalda var til umsagnar Hvítbók um byggðamál en umsagnarfrestur rann út þann 31. maí sl.
Hvítbók um byggðamál lýsir drögum að stefnu og að afloknu samráði verður tillaga til þingsályktunar um stefnumótandi byggðaáætlun til fimmtán ára og aðgerðaáætlun til fimm ára lögð fyrir Alþingi.

Byggðarráð hefur áður verið upplýst um meðfylgjandi svarbréf frá Atvinnu- og nýsköpunarráðuneytinu en hér er það formlega tekið á dagskrá.

Fyrir byggðarráði liggur fundargerð frá XXXVI landsþingi Sambands íslenskra sveitarfélaga ásamt skýrslu Framtíðarseturs Íslands sem stjórn sambandsins hvetur sveitarfélög til að taka til umræðu í sveitarstjórn og undirbúa sig þannig fyrir landsþing 2022.

Fyrir byggðarráði liggja fundargerðir 23. - 26. fundar stjórnar SSNE sem og fundargerð ársþings SSNE.

Fyrir byggðarráði liggur fundargerð 898. fundar stjórnar Sambands íslenskra sveitarfélaga frá 28. maí sl.