Kostnaðaráætlun nýs hjúkrunarheimilis á Húsavík

Til máls tóku: Kristján Þór og Bergur.

Sveitarstjórn samþykkir samhljóða að veita byggðarráði umboð til að staðfesta uppfærða kostnaðaráætlun vegna uppbyggingar nýs hjúkrunarheimilis, komi hún inn til sveitarfélagsins fyrir þann tíma sem áætlað er að sveitarstjórn haldi næsta fund sinn í júní.

Byggðarráð samþykkir framlagða kostnaðaráætlun þar sem hlutur sveitarfélaganna er áætlaður 880,5 milljónir og þar af er hlutur Norðurþings áætlaður um 670 milljónir.

Byggðarráð felur sveitarstjóra að fylgja eftir þeirri umræðu við heilbrigðisráðuneytið og framkvæmdasýslu ríkiseigna og einnig að frágangur á svæðinu verði tryggður með viðeigandi hætti fyrir veturinn.

Byggðarráð felur sveitarstjóra að taka saman minnisblað og leggja fyrir næsta fund sveitarstjórnar þar sem farið er yfir kostnaðarskiptingu verkefnisins á milli ríkisins og þeirra sveitarfélaga sem eru aðilar að framkvæmdinni.

Til máls tóku: Katrín, Aldey, Soffía, Áki, Eiður og Hjálmar.

Lagt fram.

Byggðarráð felur sveitarstjóra í samráði við aðildar sveitarfélög verkefnisins að senda formlegt erindi til SOF- nefndar (Samstarfsnefnd um opinberar framkvæmdir) vegna kostnaðar við tengigang, geymslur og sal á milli HSN og hins nýja hjúkrunarheimilis.

Byggðarráð Norðurþings fer fram á að kostnaðarskipting við uppbygging hjúkrunarheimilis verði leiðrétt. Almennt viðmið er að kostnaðarskipting á milli ríkis og sveitarfélaga sé 85% á móti 15%. Nú er gert ráð fyrir 23,7% hlutdeild sveitarfélaganna í uppbyggingunni og er ástæðan m.a. tengigangur nýs heimilis við sjúkrahúsið á Húsavík og því til framtíðar hagræðingar í rekstri fyrir ríkisvaldið sem ber ábyrgð á hjúkrunarþjónustu. Engu að síður er gert ráð fyrir að sveitarfélögin greiði þann kostnað að fullu sem og geymslur og salarkynni. Ríkisvaldið verður að meta hvort verði af byggingu tengigangsins. Jafnframt verði leitað allra leiða til að lækka byggingarkostnað og að fulltrúar sveitarfélaganna sem eru aðilar að verkefninu fái að koma að þeirri vinnu.

Byggðarráð áréttar mikilvægi þess að byggt verði hjúkrunarheimili á Húsavík.

Sveitarstjóri fór yfir stöðu málsins og hver væru næstu skref í samtali við ríkið og nágranna sveitarfélög. Byggðarráð áréttar mikilvægi þess að ná samkomulagi við ríkið um endanlega kostnaðarskiptingu verkefnisins sem fyrst.

Til máls tóku: Katrín, Áki, Hjálmar og Soffía.


Sveitarstjórn samþykkir fyrir sitt leyti fyrirliggjandi viðauka, VK-23005 janúar 2023, við verkkaupasamning VK-20036 frá júní 2020 samhljóða.

Sveitarstjórn ítrekar mikilvægi þess að samningsaðilar óski eftir leyfi fjármála- og efnahagsráðuneytisins fyrir útboði á verklegri framkvæmd við Hjúkrunarheimilið á Húsavík sem fyrst, byggt verði á uppfærðum stærðar- og kostnaðartölum í viðauka VK-23005.

Sveitartjóri fór yfir stöðu mála og þær kostnaðartölur sem hafa verið uppfærðar í viðaukasamningi við Ríkiseignir frá fundi sveitarstjórnar þann 19. janúar sl.

Byggðarráð felur sveitarstjóra að undirrita fyrirliggjandi viðaukasamning. Umsjónaraðili er Framkvæmdasýsla-Ríkiseigna, samkvæmt viðaukasamningi er Heilbrigðisráðuneytið verkkaupi 1 og Norðurþing verkkaupi 2.
Byggðarráð vísar viðaukasamningi til staðfestingar í sveitarstjórn.

Til máls tók: Katrín.

Samþykkt samhljóða.

Byggðarráð felur sveitarstjóra að upplýsa samstarfssveitarfélögin í verkefninu um stöðu mála og leggja málið fyrir ráðið að nýju á næsta fundi.

Byggðarráð felur sveitarstjóra að undirrita viðaukasamning og uppfæra álitsgerð KPMG miðað við uppfærðan kostnað verkefnisins. Umsjónaraðili er Framkvæmdasýsla-Ríkiseigna, samkvæmt viðaukasamningi er Heilbrigðisráðuneytið verkkaupi 1 og Norðurþing verkkaupi 2.

Byggðarráð vísar viðaukasamningi til staðfestingar í sveitarstjórn.

Til máls tók: Katrín.

Samþykkt samhljóða.

Byggðarráð fagnar því að ríkisvaldið hafi tekið ákvörðun um áframhald framkvæmda við hjúkrunarheimili á Húsavík og að verkið verði boðið út á næstu mánuðum.

Sveitarstjóri fór yfir stöðu mála varðandi uppbyggingu nýs hjúkrunarheimilis og framvindu á viðræðum við S.O.F. og heilbrigðisráðuneytið.

Sveitarstjóri upplýsti ráðið um stöðu verkefnisins og þá vinnu sem er í gangi núna í samstarfi við heilbrigðisráðuneytið og FSRE.