Byggðarráð Norðurþings

Fyrir byggðarráði liggur að vísa fjárhagsáætlun Norðurþings fyrir árið 2022 og þriggja ára áætlun fyrir 2023-2025 til fyrri umræðu í sveitarstjórn.

Jafnframt liggur fyrir byggðarráði uppfærð áætlun yfir skatttekjur 2022, yfirlit Sambands íslenskra sveitarfélaga yfir áætlaðar útsvarstekjur ársins 2022 og rekstraráætlun málaflokka 07-Brunamál og almannavarnir, 13-Atvinnumál og 21-Sameiginlegur kostnaður.

Fyrir byggðarráði liggur yfirlit yfir útsvarstekjur fyrir tímabilið janúar til október 2021.

Fyrir byggðarráði liggja gögn vegna innkaupa á slökkvibifreið sem og upplýsingar um innkaupaferlið.
Grímur Kárason slökkviliðsstjóri og Hjalti Jón Pálsson sérfræðingur hjá Ríkiskaupum koma á fund byggðarráðs.

Fyrir byggðarráði liggur erindi frá Þekkingarneti Þingeyinga vegna endurnýjunar á samningi um sértækt verkefni sóknaráætlunarsvæða milli Þekkingarnetsins og SSNE til ársins 2022, helst með 2-3 ára framlengingu. Byggðarráð mælti með verkefninu við SSNE vegna ársins 2021 og óskar Þekkingarnetið eftir áframhaldandi stuðningi Norðurþings.

Á 109. fundi skipulags- og framkvæmdaráðs var bókað;
Meirihluti skipulags- og framkvæmdaráðs felur framkvæmda- og þjónustufulltrúa að láta útbúa útboðsgögn í samræmi við óskir rýnihóps og leggja fyrir ráðið.

Hjálmar Bogi óskar bókað:
Hér er umræðan á algjörum villigötum og skortir alla framtíðarsýn fyrir börnin okkar.

Fyrir byggðarráði liggja drög að viðauka við samþykkt um hverfisráð Norðurþings, samanber bókun ráðsin þann 16. september sl. en þá var bókað;
Byggðarráð felur sveitarstjóra að leggja fyrir ráðið drög að viðauka við samþykktir um hverfisráð samkvæmt umræðum á fundinum. Byggðarráð felur sveitarstjóra einnig að undirbúa, í samráði við fráfarandi hverfisráð í Reykjahverfi, að boða til íbúafundar.

Fyrir byggðarráði liggur nú að tilnefna í hverfisráð Öxarfjarðar og Raufarhafnar.
Íbúafundur verður haldinn í Reykjahvefi við fyrsta hentugleika.

á 347. fundi byggðarráðs þann 10. desember 2020 var bókað;
Byggðarráð samþykkir að ráða tímabundið í starf atvinnu- og samfélagsfulltrúa í Öxarfirði til eins árs. Sveitarstjóra er falið að ganga frá starfslýsingu og ráðningarsamningi og kynna fyrir ráðinu í janúar.

Nú liggur fyrir að tímabundinni ráðningu atvinnu- og samfélagsfulltrúa í Öxarfirði lýkur um næstu áramót og að taka þarf ákvörðun um framtíð starfsins.

Borist hefur ósk frá Rán ehf. um að kaupa svokallað Beinahús á verksmiðjulóð við Aðalbraut 20-22 á Raufarhöfn.

Á 371. fundi byggðarráðs var bókað;
Byggðarráð frestar erindinu og felur sveitarstjóra að leggja fram nánari upplýsingar vegna SR lóðarinnar.

Á 373. fundi byggðarráðs var bókað;
Byggðarráð frestar afgreiðslu málsins vegna vinnu sem fyrirhuguð er um afdrif mjölskemmunnar á
Raufarhöfn.

Borist hefur ítrekun frá tilboðsgjafa þar sem óskað er eftir skýrri afstöðu byggðarráðs til tilboðsins.

á 375. fundi byggðarráðs var bókað;
Byggðarráð samþykkir beiðni Níelsar Árna og þakkar honum vel unnin störf á undanförnum árum.
Byggðarráð mun tilnefna einstakling í stjórn Rannsóknarstöðvarinnar Rifs á næsta fundi sínum.

Formaður byggðarráðs leggur til að Birna Björnsdóttir verið tilnefnd í stjórn Rannsóknarstöðvarinnar Rifs samkvæmt abendingu Níelsar Árna.

Fyrir byggðarráði liggur til samþykktar gjaldskrá Slökkviliðs Norðurþings fyrir árið 2022. Hækkun á gjaldskránni er 2,4% frá fyrra ári.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá vegna sumarfrístundar í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir neðangreinda gjaldskrá og vísar henni til kynningar í byggðarráði og staðfestingar í sveitastjórn.

Um er að ræða 2-4% hækkun frá fyrri gjaldskrá

Íþróttahöll Húsavíkur
1/1 salur pr. klst. kr. 7.600
2/3 salur pr. klst. kr. 5.150
1/3 salur pr. klst. kr. 3.800

Litli salur/þreksalur pr. klst. kr. 3.800
Leigugjald fyrir allan salinn í sólarhring kr. 164.500
Leiga á stólum út úr húsi = 480 kr stk

Leiga á sal utan hefðbundins opnunartíma (morguntímar)
1/1 salur pr. klst. kr. 12.800
2/3 salur pr. klst. kr. 10.250
1/3 salur pr. klst. kr. 9.150
Litli salur/þreksalur pr. klst. kr. 9.150

Íþróttamannvirki Raufarhöfn
Salur til útleigu pr. klst (hópar) = kr. 5.150
Stakt skipti einstaklingur = kr. 650
Lykilkort Raufarhöfn (árskort)= kr. 5125(að auki 1000kr fyrir lykilkort, endurgreitt ef skilað er)
Lykilkort Raufarhöfn eldri borgarar (árskort) = 0 kr. (að auki 1000kr fyrir lykilkort, endurgreitt ef skilað er)


Íþróttahús Kópaskeri/Lundur
Hópatími/salur (1 klst) = kr. 5.125
Leiga á sal fyrir barnaafmæli = kr. 5.125
Stakt skipti einstaklingur = 650 kr

Sundlaugar Norðurþings (Húsavík/Lundur/Raufarhöfn)

Fullorðnir
Stakir miðar = kr. 990
Afsláttarmiðar 10 stk. = kr. 5.400
Afsláttarmiðar 30 stk. = kr. 13.530
Árskort = kr. 35.875
Fjölskyldukort = kr. 23.300

Eldri borgarar (67 ára og eldri)
Stakir miðar = kr. 410
Afsláttarmiðar kr. = 2.255
Árskort = kr. 16.950
Fjölskyldukort kr. 8.750
Frítt fyrir 75% öryrkja*

Börn 6-17 ára
Stakur miði = 410 kr.
Afsláttarmiðar 10 stk. = kr. 2.255
Frístundakort 1.barn = kr. 3.075
2.barn kr. 2.100
3.barn kr. frítt

Sundföt/Handklæði
Sundföt = 820 kr.
Handklæði = 820 kr.
Handklæði sundföt sundferð = kr. 1.750

Útleiga á sundlaug m/vaktmanni til námskeiða utan opnunartíma= kr.9.150
Útleiga á sundlaug á opnunartíma til námskeiða= kr.5.150

Skíðasvæði Reyðarárhnjúkur
Óbreytt gjaldskrá frá gjaldskrá 2021

Stakur dagur
Fullorðnir = kr. 1.000
Börn 6-17 ára = kr. 500
Eldri borgarar = kr. 500
öryrkjar = kr. 500

Árskort
Fullorðnir = kr. 10.000
Börn 6-17 ára = kr. 5.000
Eldri borgarar = kr. 5.000
öryrkjar = kr. 5.000

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá Ferðaþjónusta - Ferilbíll í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá vegna þjónustu stuðningsfjölskyldna í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá Þjónustan heim í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá fyrir skammtímadvöl ungmenna (18 ára og eldri) og Sólbrekku í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá fyrir frístund barna og ungmenna 10-17 ára (Miðjan og Borgin) í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 102. fundi fjölskylduráðs var eftirfarandi bókað: Fjölskylduráð samþykkir 2,5% hækkun á gjaldskrá fyrir Miðjuna, hæfingu í Norðurþingi 2022 og vísar henni til kynningar í byggðarráði og staðfestingar í sveitarstjórn.

Á 109. fundi skipulags- og framkvæmdaráðs var eftirfarandi bókað:
Skipulags- og framkvæmdaráð samþykkir fyrirliggjandi gjaldskrá hunda- og kattahalds og vísar til kynningar í byggðarráði og samþykktar í sveitarstjórn.

Á 109. fundi skipulags- og framkvæmdaráðs var eftirfarandi bókað:
Skipulags- og framkvæmdaráð samþykkir fyrirliggjandi gjaldskrá þjónustumiðstöðva og vísar til kynningar í byggðarráði og samþykktar í sveitarstjórn.

Á 109. fundi skipulags- og framkvæmdaráðs var eftirfarandi bókað:
Skipulags- og framkvæmdaráð vísar fyrirliggjandi tillögu til umræðu í byggðarráði

Á 102. fundi fjölskylduráðs var eftirfarandi bókað: Fjölskylduráð vísar málinu til frekari umfjöllunar í byggðarráði. Ráðið felur félagsmálastjóra að taka saman minnisblað um stöðu á fjárhagsáætlunargerð 2022.

Á 102. fundi fjölskylduráðs var eftirfarandi bókað: Fjölskylduráð vísar málinu til byggðarráðs og óskar eftir hækkun á ramma um 29.586.799 krónur til að mæta kostnaði við endurnýjun tölvubúnaðar, húsgagna, aukinnar sálfræðiþjónustu o.fl.

Á 102. fundi fjölskylduráðs var eftirfarandi bókað: Fjölskylduráð vísar málinu til byggðarráðs og óskar eftir hækkun á ramma um 1.262.203 krónur sem skýrist af færslu Mærudaga eingöngu yfir á menningarmál.

Á 102. fundi fjölskylduráðs var eftirfarandi bókað: Fjölskylduráð samþykkir fyrirliggjandi ramma og vísar þeim til kynningar í byggðarráði og fyrri umræðu hjá sveitarstjórn.

Samband íslenskra sveitarfélaga hefur gefið út viðmiðunarlaunatöflu sem miðast við laun fyrir setu í sveitarstjórn án alls álags vegna oddvitastöðu í sveitarstjórn eða setu í nefndum sveitarfélagsins.
Það er algjörlega á hendi hverrar og einnar sveitarstjórnar hvort hún nýtir sér töfluna eða ekki.

Borist hefur bréf frá Samgöngu- og sveitarstjórnarráðuneytinu þar sem gerð er grein fyrir breytingum á reglugerð 1212/2015 vegna reikningsskila sveitarfélaga. Breytingin gerir ráð fyrir að byggðasamlög, sameignarfélög, sameignarfyrirtæki og önnur félagaform sem eru með ótakmarkaðri ábyrgð sveitarfélags, skulu færð inn í samantekin reikningsskil sveitarfélags miðað við hlutfallslega ábyrgð sveitarfélags, þ.e. sveitarfélag skal færa hlutdeild þess í einstökum liðum rekstrar og efnahags, óháð stærð eignarhluta.

Fyrir byggðarráði liggur fundargerð 30. fundar stjórnar SSNE frá 13. október sl.

Fyrir byggðarráði liggur fundargerð 47. fundar stjórnar Samtaka orkusveitarfélaga frá 8. október sl.

Á 375. fundi byggðarráðs var bókað;
Byggðarráð óskar eftir frekari upplýsingum um áhrif breytinganna á tekjujöfnunarframlög Jöfnunarsjóðs til sveitarfélaganna. Ráðið telur sér ekki fært að veita umsögn um málið fyrr en þær upplýsingar liggja fyrir.