Byggðarráð Norðurþings

Fyrir byggðarráði liggur hálfsársuppgjör sveitarfélagsins Norðurþings.

Fyrir liggur 6 mánaða uppgjör Norðurþings vegna ársins 2025 og var það kynnt byggðarráði þann 18. september 2025.

Árshlutareikningurinn fyrir tímabilið 1. janúar til 30. júní 2025 er óendurskoðaður og ókannaður.

Árshlutareikningurinn sýnir að fjárhagsstaða Norðurþings byggir á traustum grunni en óhagstætt ytraumhverfi og mjög mikil hækkun lífeyrisskuldbindinga litar niðurstöðuna.

Halli af rekstri A hluta á tímabilinu nam 231,5 milljónum króna á móti 94,3 milljón króna halla á sama tíma í fyrra, en fjárhagsáætlun gerði ráð fyrir 78,1 milljóna króna rekstrarafgangi.
Breyting á lífeyrisskuldbindingu A hluta er 307 milljónir króna á móti 122 milljónum króna á síðasta ári og hefur það mikil áhrif á rekstrarniðurstöðu tímabilsins.
Halli af rekstri samstæðunnar nam 271,9 milljónum króna á móti 131,5 milljón króna halla á sama tíma í fyrra, en fjárhagsáætlun gerði ráð fyrir 110,4 milljóna króna hagnaði.
Veltufé frá rekstri A hluta nemur 206,6 milljónum króna og veltufé frá rekstri samstæðunnar í heild nemur 280,1 milljónum króna eða um 8,8% af tekjum.
Handbært fé A hluta er 962 milljónir króna og handbært fé samstæðunnar í heild nemur 1.448 milljónum króna í lok tímabils.
Heildareignir samstæðunnar nema í lok tímabilsins 12.115 milljónum króna og eigið fé samstæðunnar nemur 3.937 milljónum króna.

Fyrir byggðarráði liggur viðauki vegna 07- brunamál og almannavarnir heildarupphæð viðauka er 27,3 m.kr.

Fyrir byggðarráði liggja viðaukar vegna málaflokks 04- fræðslu og uppeldismál að upphæð 64,9 m.kr og 02- félagsþjónusta að upphæð 33,9 m.kr.

"Fjölskylduráð vísar viðaukabeiðni vegna kjarasamningstengdra launahækkana kennara í Borgarhólsskóla, sem og viðauka vegna lögbundinnar þjónustu á velferðarsviði, til umfjöllunar í byggðarráði og samþykktar í sveitarstjórn."

Fyrir byggðarráði liggur viðaukabeiðni í málaflokki hreinlætismála að upphæð 20,5 m.kr.

"Skipulags- og framkvæmdaráð vísar viðaukabeiðni í málaflokki hreinlætismála til umfjöllunar í byggðarráði og samþykktar í sveitarstjórn."

Fyrir byggðarráði liggur að ræða leiðir til hagræðingar í rekstri Norðurþings vegna tekjulækkunar sem hlýst af rekstrarstöðvun PCC.

Fyrir byggðarráði liggja drög að viljayfirlýsingu vegna lóðar undir landeldisstöð á Bakka við Húsavík á milli sveitarfélagsins Norðurþings og félags sem er verið að stofna vegna verkefnisins.

Á fund byggðarráðs komu Björn Ingi Victorsson forstjóri félagsins og Andri Jón Sigurbjörnsson þeir kynntu hugmyndir um töku móbergs í landi Norðurþings.

Fyrir byggðarráði liggur ósk um söluheimild á eignunum Grundargarði 9 á Húsavík íbúð 304 á 3 hæð, Aðalbraut 17 á Raufarhöfn og Öxi Bakkagötu 10 á Kópaskeri.

Fyrir byggðarráði liggur til kynningar fyrirhuguð fræðsluferð til Noregs í október frá Samtökum sjávarútvegssveitarfélaga.

Fyrir byggðarráði liggur kynning á innviðaverkefni sem Langanesbyggð hefur unnið að sem áhersluverkefni undanfarin ár. Verkefnið er undir SSNE og eru uppi hugmyndir um að stækka verkefnið þannig að það nái frá Öxarfirði til Vopnafjarðar.

Fyrir byggðarráði liggur hugmynd frá Eimi sem snýr að því að halda viðburð á vegum Eims, Landsvirkjunar, Norðurþings og Íslandsstofu haustið 2025. Viðburðurinn verði haldinn á Húsavík þann 20. nóvember á Fosshótel Húsavík.
Viðburðurinn væri liður í að efla umræðu og samstöðu um framtíðarsýn fyrir græna atvinnuuppbyggingu á Norðurlandi.

Fyrir byggðarráði liggur kynning á tilraunaverkefni embættis Lögreglustjórans á Norðurlandi eystra um að taka upp fjarstýrða flugdróna til að auka viðbragð lögreglu þar sem löggæsla er ekki mönnuð allan sólarhringinn.

Óskað er eftir fjárframlagi sem þátttöku í stofnkostnaði annars vegar að fjárhæð 2,5 milljónir króna og hins vegar fyrir þann kostnað sem fellur til ef koma þarf rafmagni og netsambandi að staðsetningu dokkanna ef staðarval er utan fasteigna er lögreglan hefur umráð yfir.

Fyrir byggðarráði liggur erindi vegna þjónustukönnunar Gallup sem framkvæmd er árlega hjá stærri sveitarfélögum landsins.

Fyrir byggðarráði liggur fundargerð 983. fundar stjórnar Sambands íslenskra sveitarfélaga frá 29. ágúst sl. og 984. fundar frá 12. september sl.

Fyrir byggðarráði liggur fundargerð 87. fundar stjórnar Samtaka orkusveitarfélaga frá 20. júní sl.

Fyrir byggðarráði liggur fundargerð 75. fundar stjórnar SSNE frá 4 september sl. Sérstök athygli er vakin á fyrsta dagskrárlið fundarins.