Bæjarráð Norðurþings

Fyrir bæjarráði liggur fundargerð 807. fundar stjórnar Sambands íslenskra sveitarfélaga. Fundargerðin lögð fram til kynningar.

Fyrir bæjarráði til kynningar afrit af svarbréfi Lyfju hf. til íbúasamtaka Raufarhafnar. Bréfið er lagt fram til kynningar.

Fyrir bæjarráði liggur fundargerð Dvalarheimilis aldraðra. Fundargerðin lögð fram til kynningar.

Fyrir bæjarráði liggur erindi frá Hvalasafninu og Garðarshólmi þar sem óskað er eftir aðkomu sveitarfélagsins í uppbyggingu safnanna til lengri tíma. Bæjarráð, eins og áður, tekur jákvætt í erindið og samþykkir að taka þátt í verkefninu.

Fyrir bæjarráði liggur erindi frá Sambandi íslenskra sveitarfélaga þar sem vakin er athygli á forsendum við gerð fjárhagsáætlana sveitarfélaga. Erindið lagt fram til kynningar.

Fyrir bæjarráði liggur erindi frá Sambandi orkusveitarfélaga. Erindið lagt fram til kynningar.

Fyrir bæjarráði liggur erindi frá SANA, samtökum atvinnurekenda á Norðausturlandi vegna vetrarþjónustu við veghald í Þingeyjarsýslum. Bæjarráð tekur undir áhyggjur samtakanna og felur bæjarstjóra að fylgja málinu eftir.

Fyrir bæjarráði liggur umsagnarbeiðni frá Sýslumanninum á Húsavík vegna endurnýjunar á leyfi til handa Magneu Magnúsdóttir á Raufarhöfn. Bæjarráð veitir jákvæða umsögn að því tilskyldu að aðrir sem um slík leyfi fjalla geri slíkt hið sama.

Fyrir bæjarráði liggja drög að erindisbréfi er varða skipulag eldvarna í Norðurþingi. Bæjarráð samþykkir að skipa eftirfarandi aðila í starfshóp.1. Tryggvi Jóhannsson2. Grímur Kárason3. Jón Ásberg Salómonsson4. Jón Grímsson5. Áki Hauksson6. Friðrik Jónsson Bæjarráð leggur til að formaður starfshópsins verði Áki Hauksson.

Fyrir bæjarráði liggur lóðaumsókn frá Verkís hf., fyrir hönd franska fyrirtækisins Saint Gobain Um er að ræða um 12 ha. lóð. Bæjarráð tekur jákvætt í erindið og felur bæjarstjóra að óska eftir nauðsynlegum gögnum svo hefja megi deiliskipulag sem er forsenda úthlutun iðanðarlóðar á iðnaðarsvæðinu á Bakka.

Fyrir bæjarráði liggur fyrir, til fyrri umræðu, endurupptaka fjárhagsáætlunar 2013. Bæjarráð vísar endurupptöku fjárhagsáætlunar til síðari umræðu í bæjarráði.

Fyrir bæjarráði liggur fyrir, til fyrri umræðu, endurupptaka 3ja ára fjárhagsáætlunar 2014 - 2016. Bæjarráð vísar endurupptöku 3ja ára fjárhagsáætlunar til síðari umræðu í bæjarráði.

Fyrir bæjarráði liggur fyrir, til fyrri umræðu, endurupptaka 10 ára fjárhagsáætlunar. Bæjarráð vísar endurupptöku 10 ára fjárhagsáætlunar til síðari umræðu í bæjarráði.

Fyrir bæjarráði liggur fundargerð 31. fundar framkvæmda- og hafnanefndar til staðfestingar. Fundargerðin staðfest af bæjarráði.

Fyrir bæjarráði liggur fundargerð 107. fundar skipulags- og byggingarnefndar til afgeiðslu og staðfestingar. Liður 3. er sérstakur afgreiðslu liður. Aðrir liðir fundargerðarinnar eru til staðfestingar.