Byggðarráð Norðurþings

Á fund byggðarráðs koma Sigurgeir Höskuldsson og Birna Ásgeirsdóttir frá Golfklúbbi Húsavíkur og ræða uppbyggingarsamning vegna nýs golfskála.

Fyrir byggðarráði liggja drög að trúnaðaryfirlýsingu sem óskað hefur verið eftir að sveitarfélagið undirriti vegna möguleika á frekara samstarfi í tengslum við fjárfestingu á Bakka.

Garðar Garðarsson lögfræðingur kemur á fund byggðarráðs og fer yfir málið.

Fyrir byggðarráði liggja drög að útreikningum vatnsgjalds í samræmi við leiðbeiningar Samgöngu- og sveitarstjórnarráðuneytisins í erindi sem barst sveitarfélaginu í maí sl.
Erindinu var svarað í júlí og upplýst að vinnan við útreikninga vatnsgjaldsins yrði kláruð meðfram fjárhagsáætlunarvinnu sveitarfélagsins.

Fjölskylduráð samþykkir fyrirliggjandi reglur og hækkun á frístundastyrk úr 15.000 í 17.500 krónur fyrir árið 2022. Ráðið vísar uppfærðum reglum til kynningar í byggðarráði og samþykktar í sveitarstjórn.

Á 105. fundi fjölskylduráðs var bókað;
Fjölskylduráð óskar eftir hækkun á ramma að upphæð 18.468.214 krónur. Ljóst er að skerðing á lögbundinni þjónustu við skjólstæðinga félagsþjónustunnar er óhjákvæmileg miðað við úthlutaðan fjárhagsramma, því er óskað eftir þessari hækkun. Þrátt fyrir þá hækkun mun koma til skerðingar á þjónustu. Ráðið vísar fjárhagsáætlun félagsþjónustunnar til umræðu í byggðarráði.

Á 112. fundi skipulags- og framkvæmdaráðs var bókað;
Skipulags- og framkvæmdaráð samþykkir fjárhagsáætlun framkvæmda- og þjónustusviðs og vísar henni til kynningar í byggðarráði og seinni umræðu í sveitarstjórn.

Á 112. fundi skipulags- og framkvæmdaráðs var bókað;
Skipulags- og framkvæmdaráð samþykkir fjárhagsáætlun hafnasjóðs og vísar henni til kynningar í byggðarráði og til seinni umræðu í sveitarstjórn.

Fyrir byggðarráði liggur uppfærð áætlun skatttekna vegna fjárhagsáætlunar 2022 og þriggja ára áætlunar 2023-2025, sem og yfirlit yfir rekstur málaflokka og sjóðstreymi fyrir árin 2021 og 2022.

Formaður byggðarráðs leggur fram tillögu að auglýsingu vegna starfs fjármálastjóra Norðurþings.

Fyrir byggðarráði liggur yfirlit yfir þau félög sem til greina koma að verði færð inn í Fjárfestingafélag Þingeyinga samanber bókun á 117. fundi sveitarstjórnar Norðurþings.
Einnig liggja fyrir byggðarráði samþykktir umræddra félaga, ásamt ráðleggingum endurskoðanda Deloitte varðandi verðmat eignarhlutanna.
Taka þarf afstöðu til þess hvernig meta eigi verðmæti þessara hluta áður en næstu skref verða tekin.

Fyrir byggðarráði liggur erindi frá Sambandi íslenskra sveitarfélaga vegna ályktunar bæjarráðs Árborgar um leikskólamál. Á fundi stjórnar Sambands íslenskra sveitarfélaga þann 29. október sl. var eftirfarandi bókað og samþykkt;
"Stjórnin tekur undir bókun bæjarráðs Árborgar og telur hana vera í góðu samræmi við stefnumörkun sambandsins, þar sem kveðið er á um að sambandið beiti sér fyrir því að fæðingarorlof verði lengt í 12 mánuði án þess að það leiði til skerðingar á greiðslum til foreldra. Teknar verði upp viðræður milli ríkis og sveitarfélaga um fjármögnun leikskóladvalar að fæðingarorlofi loknu. Lenging fæðingarorlofs í tólf mánuði hefur nú tekið gildi. Fyrir liggur skýrsla starfshóps um faglegar kröfur og fjárhagsleg sjónarmið sem taka þurfi tillit til, þar á meðal varðandi mannafla og húsnæðisþörf leikskóla miðað við áætlaða fjölgun leikskólabarna á aldrinum eins til tveggja ára, ásamt leiðum til fjármögnunar. Nauðsynleg grunnvinna hefur því þegar farið fram sem flýtt getur fyrir viðræðum um málið milli ríkis og sveitarfélaga. Við umræðu um málið kom fram tillaga um að sambandið standi fyrir málþingi um leikskólamál þar sem rædd verði framtíðarsýn fyrir leikskólastigið. Stjórnin vísar þeirri tillögu til fræðslumálanefndar og sérfræðinga sveitarfélaga í fræðslumálum til nánari útfærslu."

Fyrir byggðarráði liggur fréttapóstur Ríkiskaupa á 4. ársfjórðungi 2021 vegna rammasamninga og frétta af opinberum innkaupamálum.

Stígamót óska eftir framlagi til starfsemi samtakanna og samstarfi um reksturinn.

Fyrir byggðarráði liggur fundargerð 2. stjórnarfundar Víkur hses. frá 10. nóvember sl.

Fyrir byggðarráði liggur fundargerð 31. fundar stjórnar Samtaka sveitarfélaga og atvinnuþróunar á Norðurlandi eystra frá 10. nóvember sl.

Fyrir byggðarráði liggur fundargerð svæðisráðs norðursvæðis Vatnajökulsþjóðgarðar frá 9. nóvember sl.

Bergur Elías Ágústsson óskar eftir umræðum um framkvæmdaáætlun framkvæmdasviðs 2022.

Bergur Elías Ágústsson óskar eftir yfirferð yfir stöðu mála er varða breytingar á samþykktum Norðurþings.

Bergur Elías Ágústsson óskar eftir að ræða stöðu atvinnumála.

Fært í trúnaðarmálabók.