Framkvæmda- og hafnanefnd Norðurþings

38. fundur 12. febrúar 2014 kl. 16:00 - 16:00 í stjórnsýsluhúsi Norðurþings
Nefndarmenn
  • Þráinn Guðni Gunnarsson formaður
  • Jón Grímsson varaformaður
  • Hjálmar Bogi Hafliðason aðalmaður
  • Sigurgeir Höskuldsson aðalmaður
  • Bergur Elías Ágústsson bæjarstjóri
  • Sigríður Hauksdóttir 1. varamaður
  • Sveinn Birgir Hreinsson starfsmaður í stjórnsýslu
  • Guðbjartur Ellert Jónsson fjármálastjóri
  • Stefán Sigurður Stefánsson starfsmaður í stjórnsýslu
Fundargerð ritaði: Guðbjartur Ellert Jónsson Fjármálastjóri- og staðgengill bæjarstjóra
Dagskrá

1.Gjaldskrá Slökkviliðs Norðurþings

201401083


Fyrir fund framkvæmda- og hafnanefnd liggur til afgreiðslu tillaga að gjaldskrá Slökkviliðs Norðurþings. Grímur Kárason, slökkviliðsstjóri kom á fundinn, fór yfir og kynnti tillögu að gjaldskrá Slökkviliðs Norðurþings.

Framkvæmda- og hafnanefnd frestar afgreiðslu málsins til næsta fundar.

2.Eldvarnir í Norðurþingi, samningur um eftirlit

201401131


Fyrir fund framkvæmda- og hafnanefnd liggur samningur við Eldstoðir ehf. um eldvarnareftirlit á starfssvæði Slökkviliðs Norðurþings. Grímur Kárason, slökkviliðsstjóri kom á fundinn, fór yfir og gerði grein fyrir fyrirliggjandi samningi og þeim lausnum sem samningurinn felur í sér.

Framkvæmda -og hafnanefnd þakkar Grími fyrir kynninguna og felur honum að vinna að samningnum frekar og leggja fyrir nefndina að nýju.

3.Ósk um mótun stefnu í málefnum skemmtiferðaskipa á Húsavík 2014 - 2016

201402038

Húsavíkurstofa og Fjallasýn óska eftir viðræðum við Hafnasjóð/Norðurþing um að mörkuð verði stefna í málefnum skemmtiferðaskipa á Húsavík fyrir árin 2014-2016.

Framkvæmda- og hafnanefnd frestar erindinu til næsta fundar.

4.Samstæða Norðurþings viðhald og fjárfestingar yfirlit

201402023

Bæjarstjóri mætti á fundinn og gerði grein fyrir stöðu mála. Framkvæmda- og hafnanefnd þakkar Bergi Elíasi fyrir kynninguna.

5.Gatnagerð á hafnarsvæði á Húsavík

201312023

Fyrir framkvæmda- og hafnanefnd liggur tillaga og kostnaðaráætlun vegna framkvæmda við fráveitulögn og jarðvegsskipti milli Árgils og Naustagils. Orkuveita Húsavíkur ohf. mun leggja fráveitulögnina og bera þann kostnað en jarðvegsskiptin er hluti sveitarfélagsins. Unnin hafa verið útboðsgögn fyrir framkvæmdinni ásamt áætlun fyrir jartðvegsskiptum í vegstæði gegnum sama svæði. Erindið var áður til umfjöllunar í nefndinni á 36. fundi. Framkvæmda- og hafnanefnd ákveður að fara ekki í verkið að sinni.

6.Afgreiðsla umsóknar í Landbótasjóð 2014

201401126

Norðurþing hefur fengið styrk frá Landbótasjóði Landgræðslu ríkisins að upphæð 830.000 kr. Framkvæmda- og hafnanefnd þakkar sjóðnum fyrir styrkveitinguna.

7.Bakkavegur (857) og Húsavíkurhöfn, nýr vegur um jarðgöng að Bakka og breytingar á Húsavíkurhöfn

201401122

Fyrir framkvæmda- og hafnanefnd liggur til kynningar skýrslur og bréf Vegagerðarinnar og Skipulagsstofnunar vegna vegtengingar, og gagnagerð ásamt tilteknum breytingum við Húsavíkurhöfn. 24. janúar s.l. sendi Skipulagsstofnu erindi til Umhverfissofnunar þar sem óskað er umsagnar stofnunarinnar, hvort og á hvaða forsendum framkvæmd við Húsavíkurhöfn og Bakkaveg skuli háð mati á umhverfisáhrifum. Lagt fram til kynningar.

8.Hafnarframkvæmdir 2014 sem styrktar eru af hafnabótasjóði

201401104

Í drögum að samgönguáætlun 2013 - 2016 sem lögð var fyrir Alþingi s.l. vor, en náði ekki fram að ganga, var gert ráð fyrir framlögum til hafnabótasjóðs að upphæð 232,4 m.kr. fyrir árið 2014. Nú liggur fyrir að samkvæmt fjárlögum 2014 verður þessi upphæð einungis 162,4 m.kr. og nemur skerðingin því um 30%. Hafnabótasjóður óskar eftir viðbrögðum hafnarsjóðs við niðurskurði þ.e. hvort hafnarsjóður vill halda sig við áætlunina þrátt fyrir niðurskurð eða óska eftir breytingum á áætluninni. Ef haldið verður áfram miðað við óbreytta áætlun þýðir það kostnaðarauka fyrir hafnarsjóð. Framkvæmda- og hafnanefnd felur hafnastjóra að fara yfir málið og vera í sambandi við Vegagerðin / Siglingastofnun.

9.Hafnasamband Íslands, fundagerðir 2014

201401137

Fyrir framkvæmda- og hafnanefnd liggur fundargerð Hafnasambands Íslands til kynningar. Lagt fram til kynningar.

10.Jóhanna Hallsdóttir og Sigrún Ingvarsdóttir sækja um leyfi fyrir Bryggjukofann á hafnasvæðinu á Húsavík

201401092

Jóhanna Hallsdóttir og Sigrún Ingvarsdóttir sækja um leyfi fyrir Bryggjukofann á hafnarsvæðinu á Húsavík. Framkvæmda- og hafnanefnd tekur jákvætt í erindið og bendir umsækjanda á að hafa samráð við hafnarvörð um staðsetningu.

11.Leikvellir í sveitarfélaginu Norðurþingi.

201006081


Tómstunda- og æskulýðsnefnd lagði það til við famkvæmda- og hafnarnefnd á sínum tíma að einn leikvöllur yrði uppfærður árlega.
Engin nýframkvæmd vegna þessa hefur orðið á síðustu tveimur árum þrátt fyrir áætlanir þar um.
Tómstunda- og æskulýðsnefnd leggur til að leikvöllurinn við Túngötu verði uppfærður.

Framkvæmda- og hafnanefnd ákveður að setja viðhald eins leikvallar á viðahalds- og fjárfestingaráætlun ársins 2014.

12.Skemmdir á bryggjukantinum Kirkjubakka, Raufarhöfn

201401147

Fyrir framkvæmda- og hafnanefnd liggur bréf frá Erlendi Bogasyni sem hefur forskoðað skemmdir á bryggjukanti (stálþil) og svo virðist sem um 20 metrar þilsins sé götótt. Skoða þarf aðstæður betur t.a.m. þykktarmæla ofl. Við þessa frumskoðun á bryggjukanti er ljóst að einhverjar skemmdir eru á honum. Framkvæmda- og hafnanefnd felur hafnastjóra að gera frekari úttekt og gera kostnaðaráætlun um viðgerðina og leggja fyrir næsta fund.

13.Skíðagöngudeild Völsungs, trjárækt á skíðagöngusvæði við Höskuldsvatn

201402022

Skíðagöngudeild Völsungs óskar eftir samstarfi og samvinnu við gróðursetningu plantna á svæði sem göngubrautir eru lagðar. Framkvæmda- og hafnanefnd tekur jákvætt í erindið og felur Garðyrkjustjóra að annast samskipti við skíðagöngudeildina.

14.Umhverfis- og auðlindaráðuneytið óskar eftir samþykki Norðurþings fyrir að Meiðavallaskógur verði innan marka Vatnajökulsþjóðgarðs

201402031

Umhverfis- auðlindaráðuneytið óskar eftir samþykki Norðurþings á breytingum á mörkum Vatnajökulsþjóðgarðs þannig að Meiðavallaskógur verði innan marka þjóðgarðsins. Framkvæmda- og hafnanefnd frestar erindinu þar sem meðfylgjandi gögn fylgdu ekki erindinu.

15.Cruise Iceland

201303007

Fyrir framkvæmda- og hafnanefnd liggur fundargerð og aðalfundarboð hjá Cruise Iclend. Aðalfundurinn fer fram á Ísafirði 23. maí n.k. Framkvæmda- og hafnanefnd vísar fundargerð Cruise Iceland til umsagnar hjá Húsavíkurstofu. Aðalfundarboð - lagt fram til kynningar.

16.Erindi frá Menningarfélaginu Úti á Túni

201306034

Fyrir framkvæmda- og hafnanefnd liggur erindi frá Menningarfélaginu úti á túni um afnot hluta efri hæðar Verbúðarinnar við Hafnastétt. Lagt fram til kynningar.

17.Orkuveita Húsavíkur ohf. óskar eftir framkvæmdaleyfi fyrir fráveitu á Hafnarstétt

201401139

Fyrir framkvæmda- og hafnanefnd liggur beiðni Orkuveitu Húsavíkur ohf. um að veitt verði framkvæmdaleyfi vegna fyrirhugaðra fráveituframkvæmda á Hafnarstétt.
Framkvæmda- og hafnanefnd samþykkir að veita framkvæmdaleyfi vegna fráveituframkvæmda á Hafnarstétt.

18.Bílavog Húsavíkurhafnar

201402041

Fyrir framkvæmda- og hafnanefnd liggur tilboð frá Islux ehf. í nýjan pall fyrir bílavog Húsavíkurhafnar, 100 tonn og 60 fet. Kostnaður við pallinn er um 8 mkr. án uppsetningar. Á fundinn mætti Stefán Stefánsson hafnarvörður og fór yfir og kynnti ástand og stöðu bílavogarinnar. Framkvæmda- og hafnanefnd samþykkir að viðhald palls á bílavog verði tekið inn í viðhalds- og fjárfestingaráætlun ársins 2014.

19.Áki Hauksson leggur til að stofnaður verði bílastæðasjóður fyrir sveitarfélagið

201402043

Fyrir framkvæmda- og hafnanefnd liggja drög , sem Áki Hauksson leggur fram, að samþykktum fyrir bílastæðasjóð. Framkvæmda- og hafnanefnd felur framkvæmda- og hafnafulltrúa að vinna fekar að málinu og leggja fyrir fundinn að nýju.

20.Vegna skúrs á lóð heimavistarhússins í Lundi, Öxarfirði

201312030

Fyrir framkvæmda- og hafnanefnd liggja drög að samkomulagi um uppkaup á fasteign við Nýja-Lund/heimavistarhús. Framkvæmda- og hafnanefnd samþykkir uppkaup á geymsluhúsnæði/bílskúr og felur Umsjónarmanni fasteigna að ganga frá kaupsamningi. Að lokinni skigreiningu lóðarinnar verði Umsjónarmanni fasteigna falið að auglýsa tilgreindar fasteignir á lóðinni til sölu.

21.Eignasjóður, viðhaldsmál fjölbýlishúsa

201305009

Fyrir framkvæmda- og hafnanefnd liggur tilboð í framkvæmdir vegna viðhalds á fjölbýlishúsinu Garðarsbraut 67 - 71. Ljóst er að leigutekjur sveitarfélagsins lækka sem nemur endurgreiðslu á framkvæmdaláni. Hússjóður er framkvæmdaaðili og ber ábyrgð á framkvæmdinni.Framkvæmda- og hafnanefnd samþykkir fyrirliggjandi tilboð í viðahald á fjölbýlishúsinu að Garðarsbraut 67 - 71 og heimilar Umsjónarmanni fasteigna að ganga frá samningum sveitarfélagsins vegna framkvæmda húsfélagsins.Einnig liggja fyrir kostnaðartölur vegna viðhalds á fjölbýlishúsunum í Grundargarði 5 -7 og 9 - 11.Kostnaðartölur kynntar.Framkvæmda- og hafnanefnd felur Umsjónarmanni fasteigna að vinna frekar að fyrirhuguðu viðhaldi við Grundargarð 5 - 7 og 9 - 11 ásamt því að funda með íbúunum og leggja kostnaðartölur fyrir nefndina þegar þær eru endanlegar.

22.Lánasamningar og endurgreiðslusamkomulög milli Hafnasjóðs og ríkissjóðs

201402048

Fyrir framkvæmda- og hafnanefnd liggur fyrir lánasamningar milli ríkissjóðs og Hafnarsjóðs Norðurþings, ásamt samkomulagi um endurgreiðslur milli sömu aðila. Samningarnir eru hluti af uppbyggingu PCC á Bakka. Bergur Elías Ágústsson, bæjarstjóri fór yfir og kynnti innihald samninga og samkomulags aðila á milli. Lagt fram til kynningar.

Fundi slitið - kl. 16:00.