Skipulags- og framkvæmdaráð

110. fundur 02. nóvember 2021 kl. 13:00 - 16:30 í stjórnsýsluhúsi Norðurþings
Nefndarmenn
  • Benóný Valur Jakobsson formaður
  • Kristinn Jóhann Lund varaformaður
  • Eysteinn Heiðar Kristjánsson aðalmaður
  • Hjálmar Bogi Hafliðason aðalmaður
  • Ásta Hermannsdóttir áheyrnarfulltrúi
  • Nanna Steina Höskuldsdóttir varamaður
Starfsmenn
  • Gaukur Hjartarson skipul.- og byggingarfulltrúi
  • Þórir Örn Gunnarsson hafnarstjóri
  • Hermína Hreiðarsdóttir Ritari
  • Jónas Hreiðar Einarsson framkv.- og þjónustufulltrúi
  • Smári Jónas Lúðvíksson starfsmaður í stjórnsýslu
  • Ketill Gauti Árnason starfsmaður í stjórnsýslu
Fundargerð ritaði: Hermína Hreiðarsdóttir þjónustu- og skjalafulltrúi
Dagskrá
Þórir Örn Gunnarsson hafnastjóri sat fundinn undir liðum 1-4.
Gaukur Hjartarson skipulags- og byggingarfulltrúi sat fundinn undir liðum 5
Jónas Einarsson framkvæmda- og þjónustufulltrúi sat fundinn undir liðum 1-
Smári J. Lúðvíksson umhverfisstjóri sat fundinn undir liðum 5-
Ketill G. Árnason verkefnastjóri sat fundinn undir liðum

1.Hafnasamband Íslands - Fundargerðir 2021

202101143

Fundargerð 438. fundar stjórnar Hafnasambands Íslands, til kynningar fyrir skipulags- og framkvæmdaráði.
Lagt fram til kynningar.

2.Sigurgeir Pétursson óska eftir að hafnarstjórn mæli með honum sem hafnsögumanni í höfnum Norðurþings

202110161

Fyrir skipulags- og framkvæmdaráði liggur erindi frá Sigurgeiri Péturssyni þar sem hann óskar eftir meðmælum frá hafnastjórn varðandi hafnsögu við hafnir Norðurþings.
Skipulags- og framkvæmdaráð samþykkir að veita Sigurgeiri meðmæli sem hafnsögumanni við hafnir Norðurþings og felur hafnastjóra að útbúa meðmælabréf.

3.Gjaldskrá hafna Norðurþings 2022

202110099

Fyrir skipulags- og framkvæmdaráði liggur gjalskrá hafnasjóðs Norðurþings til samþykktar.

Nefndir tók áður fyrir drög að gjaldskránni.
Lagt fram til kynningar.

4.Fjárhagsáætlun Hafnasjóðs 2022

202110100

Fyrir skipulags- og framkvæmdaráði liggur uppfærð fjárhágsáætlun Hafnajóðs fyrir árið 2022.
Lagt fram.

5.Útsýnispallur við Langavatnshöfða í Vatnajökulsþjóðgarði

202110119

Vatnajökulsþjóðgarður hefur í hyggju að byggja upp útsýnispall við Langavatnshöfða sumarið 2022 og hefur sent Norðurþingi gögn til að kynna framkvæmdina.
Skipulags- og framkvæmdaráð þakkar kynninguna og fagnar uppbyggingu í Vatnajökulsþjóðgarði.

6.Ósk um sameiningu jarðanna Oddsstaða og Vatnsenda

202110089

Eigendur jarðanna Oddsstaða og Vatnsenda á Melrakkasléttu óska samþykkis sveitarfélagsins fyrir sameiningu jarðanna tveggja, enda séu þær báðar í óskiptu landi Oddsstaða. Sameinuð jörðin haldi heiti og landnúmeri Oddsstaða.
Skipulags- og framkvæmdaráð leggur til við sveitarstjórn að sameining jarðanna verði samþykkt og að skipulags- og byggingarfulltrúa verði falið að vinna að framgangi málsins í samvinnu við jarðareigendur.

7.Framkvæmdaáætlun 2021

202009032

Til kynningar er uppfærð útgönguspá fyrir framkvæmdir 2021.
Skipulags- og framkvæmaráð vísar útgönguspá fyrir framkvæmdir ársins 2021 til byggðarráðs.

8.Erindi vegna Bala, Reykjaheiðarvegi 3, Húsavík

202110057

Arnar V. Arnarsson hjá AVA Legal, f.h. lóðarhafa, fer fram á að tvær alaskaaspir og nokkur birkitré í skrúðgarði við lóðarmörk Bala að Reykjaheiðarvegi 3 verði felld tafarlaust. Ennfremur er farið fram á að allur gróður annar en gras sem er nær lóðarmörkum við Bala en 50 cm verði fjarlægður tafarlaust. Farið er fram á að umhirða gróðurs við lóðarmörk Bala verði framvegis í samræmi við ákvæði byggingarreglugerðar. Loks er farið fram á að sveitarfélagið viðurkenni bótaskyldu vegna alls tjóns sem gróður skrúðgarðsins hefur valdið á lóð Bala og staðfesti að það muni greiða allan kostnað við að ráða úrbótum á því tjóni samkvæmt framlögðum reikningum. Umhverfisstjóri og skipulags- og byggingarfulltrúi kynntu sín sjónarmið vegna erindisins.
Skipulags- og framkvæmdaráð felur framkvæmda- og þjónustufulltrúa að láta fella umræddar tvær alaskaaspir og þær greinar birkitrjáa sem slúta yfir yfir lóðarmörk við Bala. Skipulags- og byggingarfulltrúa er falið að svara öðrum þáttum erindisins til samræmis við umræður á fundinum.


9.Skrúðgarðurinn á Húsavík

202109149

Á 107. fundi skipulags- og framkvæmdaráðs 5. október sl. var eftirfarandi bókað:
Skipulags- og framkvæmdaráð felur framkvæmda- og þjónustufulltrúa í samráði við skipulags- og byggingarfulltrúa að gera tillögu að afmörkun Skrúðgarðs Húsavíkur með umrætt svæði í huga og leggja fyrir ráðið að nýju.
framkvæmda- og þjónustufulltrúi í samráði við skipulags- og byggingarfulltrúa leggur fyrir ráðið tillögu að afmörkun Skrúðgarðs Húsavíkur í samræmi við fyrri bókun.
Skipulags- og framkvæmdaráð samþykkir fyrirliggjandi tillögu að afmörkun Skrúðgarðs.

10.Endurnýjun bifreiða Norðurþings

202108048

Óskað er eftir fjármagni á árinu til kaupa á tveimur nýjum bílum fyrir Stjórnsýsluhús á Húsavík.
Skipulags- og framkvæmdaráð samþykkir að farið verði í örútboð á tveimur tengiltvinnbílum. Fjármagn verði tekið af framkvæmdarfé ársins 2021. Niðurstaða útboðsins verði lögð fyrir ráðið.


11.Erindi frá Foreldrafélaginu Velvakanda á Raufarhöfn, varðandi ærslabelg

202110140

Erindi frá Foreldrafélaginu Velvakanda á Raufarhöfn, varðandi ærslabelg.

Skipulags- og framkvæmdaráð þakkar foreldrafélaginu Velvakanda á Raufarhöfn fyrir erindið og vísar málinu til fjárhagsáætlunar 2022 enda er einhugur um að setja upp ærslabelg á Raufarhöfn alfarið á kostnað sveitarfélagsins.

12.Þjónustusamningur, Vöktun urðunarstaða

202110133

Fyrir fundi liggur Þjónustusamningur um Vöktun urðunnarstaða sveitarfélagsins.

í samningi kemur m.a. fram
EFLA verkfræðistofa sér um eftirlitsmælingar samkvæmt kröfum í starfsleyfi urðunarstaða Norðurþings í Laugadal við Húsavík og við Kópasker.
Innifalinn í verkinu er allur undirbúningur, akstur, flutningur og nauðsynlegur búnaður til að geta framkvæmt mælingar og sýnatöku og úrvinnslu sýna ásamt gerð niðurstöðuskýrslu.
EFLA mun sjá um efnagreiningu og rannsóknir sýna í samstarfi við erlenda rannsóknarstofu (ALS Global).
EFLA verkfræðistofa skilar niðurstöðum hvers árs til Norðurþings í formi minnisblaðs þegar niðurstöður úr greiningum sýna liggja fyrir."
Skipulags og framkvæmdaráð samþykkir fyrirliggjandi samning og felur framkvæmda-og þjónustufulltrúa að ganga til samninga við Eflu.

13.Framtíðarsýn um opinberar byggingar á Raufarhöfn

202110160

Formaður framkvæmda-og skipulagsráðs leggur til eftirfarandi:
Framkvæmda og þjónustufulltrúa verði falið að láta hanna og kostnaðarmeta viðbyggingu við grunnskóla Raufarhafnar. Lagt er til að norðurveggur skólans verði stækkaður til norðurs með hallandi glervegg í því rými sem þar skapaðist mætti setja bókasafn Raufarhafnar gera þar huggulegt svæði þar sem hægt væri að fá sér kaffibolla glugga í blöð og bækur eða bara njóta útsýnisins. Einnig er lagt til að hannað verði inn í bygginguna aðstaða fyrir stjórnsýslueiningu Norðurþings ásamt móttöku fyrir póstinn og aðstöðu fyrir banka.
Þarna myndi skapast miðja þjónustu og afþreyingar fyrir bæinn þar sem að hægt væri að sjá fyrir sér að skapaðist skemmtileg stemming og notalegt andrúmsloft.
Skipulags- og framkvæmdaráð frestar málinu um viku. Ráðið hyggst halda næsta fund sinn á Raufarhöfn þar sem málið verður rætt.

14.Aðalbraut 23, viðhald á skrifstofu Norðurþings Raufarhöfn.

201911005

Erindi frá starfsmanni Norðurþings á Raufarhöfn varðandi ástand skrifstofunnar þar.
Skipulags- og framkvæmdaráð frestar málinu um viku. Ráðið hyggst halda næsta fund sinn á Raufarhöfn þar sem málið verður rætt.

15.Erindi frá nemendum Borgarhólsskóla varðandi leiktæki á skólalóð

202110127

Erindi frá 6. bekk í Borgarhólsskóla, til kynningar í fjölskylduráði og skipulags- og framkvæmdaráði.
Skipulags- og framkvæmdaráð þakkar fyrir erindið.

16.Erindi frá fötlunarráði vegna íbúðakjarna að Stóragarði

202110138

Til kynningar eru minnisblað frá fötlunarráði um búnað sem vantar í nýjan íbúðarkjarna að Stóragarði.
Lagt fram til kynningar

17.Áætlun um refa- og minkaveiðar 2020-2022

202003019

Til kynningar er uppgjör um refa- og minkaveiði fyrir árið 2021.
Lagt fram til kynningar.

Fundi slitið - kl. 16:30.