Byggðarráð Norðurþings

Fyrir byggðarráði liggur ársreikningur Norðurþings fyrir árið 2020.
Á fund byggðarráðs kemur Níels Guðmundsson endurskoðandi.

Til umræðu eru málefni Skúlagarðs-fasteignafélags ehf. og rekstur húsnæðis félagsins á komandi sumri. Charlotta Englund atvinnu- og samfélagsfulltrúi kemur til fundarins en hún hefur unnið að málinu með formanni stjórnar félagsins s.l. daga.

Á 356. fundi byggðarráðs var til umræðu staða verslunar og þjónustu á Húsavík, á fundinum var bókað;
Byggðarráð samþykkir að fela sveitarstjóra að bjóða forsvarsmönnum Húsasmiðjunnar og Samkaupa hf. á fund ráðsins.

Á fund byggðarráðs kemur Gunnar Egill Sigurðsson framkvæmdastjóri verslunarsviðs Samkaupa.

Fyrir liggur afstaða Samkeppniseftirlitsins varðandi ábendingu sem stofnuninni barst frá Gentle Giants-Hvalaferðum ehf. vegna meintra skaðlegra athafna sveitarfélagsins.
Í bréfinu kemur fram að með hliðsjón af heimild Samkeppniseftirlitsins til forgangsröðunar og fjölda mála sem nú eru til meðferðar hjá eftirlitinu, m.a. vegna yfirstandandi heilsuvár af völdum COVID-19 hefur Samkeppniseftirlitið ákveðið að aðhafast ekki frekar að eigin frumkvæði, að svo stöddu, á grundvelli ábendingar Gentle Giants.

Hjálmar Bogi Hafliðason óskar eftir að tekin verði umræða um lækkun vatnsgjalds og gjaldskrá sorpgjalda.

Greinargerð:
Eins og fram hefur komið þá hefur kostnaður við meðhöndlun úrgangsmála aukist gríðarlega. Ein að ráðstöfunum meirihluta Norðurþings var að lækka vantsgjald sem innheimt er með fasteignagjöldum, heildarupphæð lækkunar nam um 18 milljónum króna og lækka tekjur Orkuveitu Húsavíkur ohf sem því nemur.
Eins og fram kom í þeirri umræðu, þá er málum þannig háttað í Norðurþing að aðeins hluti íbúa nýtur þessa afsláttar. Í hinum dreifðu byggðum eru íbúar í mörgum tilfellum með eigin vatnsveitu sem hefur ekki kallað á fjárfestingar eða viðhalds af hálfu sveitarfélagsins.
Þessir aðilar njóta því ekki ávinning af framangreindri aðgerð og greiða þar af leiðandi hækkun sorpgjalda í mun meira mæli en aðrir íbúar sveitarfélagsins. Óskað er eftir aðgerðum fyrir þessa aðili með tilliti til jafnræðisreglu stjórnsýslulaga.

Hjálmar Bogi Hafliðason óskar eftir að eftirfarandi mál verði tekið fyrir á fundi byggðarráðs:
Á 346. fundi fundi byggðarráðs þann 26. nóvember 2020 komu fulltrúar Golfklúbbs Húsavíkur til fundar. Eftirfarandi var m.a. bókað á fundinum; „Byggðarráð óskaði eftir afstöðu klúbbsins til áframhaldandi vinnu samkvæmt uppleggi í samningi um að reisa klúbbhús norðan Þorvaldsstaðarár.
Nú liggur fyrir endurskoðuð skýr afstaða stjórnar Golfklúbbsins um að nýr golfskáli fái að rísa norðan Þorvaldsstaðarár.
Byggðarráð felur sveitarstjóra að leggja fram tillögu að uppleggi sem miði að þessari sýn og þeim kjarna sem finna má í uppbyggingarsamningi sem gerður var á sínum tíma, á næsta fundi ráðsins. Ljóst er að fara þarf ítarlegar yfir kostnaðargreiningu og taka afstöðu til hennar er varðar upphaflega hugmynd að nýrri byggingu.
Sveitarfélagið Norðurþing gerði á sínum tíma uppbyggingarsamning við klúbbinn.

Fyrir liggur að eigendum Veiðifélags Litluárvatna stendur til boða að nýta veiðidaga í samræmi við eignarhlut sinn vegna fyrirséðrar minni aðsóknar á komandi sumri. Norðurþing hefur vegna þessa 10 stangir til úthlutunar.

Aðalfundur Orkuveitu Húsavíkur ohf. árið 2021 verður haldinn í stjórnsýsluhúsinu á Húsavík, miðvikudaginn 21. apríl kl. 10:00.
Fyrir byggðarráði liggur að tilnefna aðila til að fara með umboð sveitarfélagsins á fundinum.

Boðað er til ársfundar Stapa lífeyrissjóðs miðvikudaginn 5. maí nk. í Menningarhúsinu Hofi á Akureyri.

Boðað er til aðalfundur veiðifélags Deildarár þann 24. apríl nk. í félagsheimilinu Hnitbjörgum á Raufarhöfn.

Fyrir byggðarráði liggur fundargerð stjórnar Dvalarheimilis aldraðra á Húsavík frá 23. febrúar sl.

Fyrir byggðarráði liggur erindi frá Eignarhaldsfélaginu Brunabótafélagi Íslands þar sem minnt er á styrktarsjóð félagsins og að umsóknir vegna sérstakra framfaraverkefna sveitarfélaga skulu hafa borist sjóðnum fyrir apríllok.

Borist hefur erindi frá Sambandi íslenskra sveitarfélaga þar sem tilkynnt er að samkvæmt upplýsingum frá Félagsmálaráðuneytinu skal framlag sveitarfélaga til orlofsnefnda á hverju svæði vera minnst kr. 120,51 fyrir hvern íbúa sveitarfélagsins.

Fyrir byggðarráði liggur uppfærð birtingaáætlun Markaðsstofu Norðurlands fyrir vetur og vor 2021.

Velferðarnefnd Alþingis óskar eftir umsögn um tillögu til þingsályktunar um lýðheilsustefnu til ársins 2030, 645. mál.
Þess er óskað að undirrituð umsögn berist eigi síðar en 21. apríl nk.

Þingskjalið er hægt að sækja á vef Alþingis: https://www.althingi.is/altext/151/s/1108.html

Á 357. fundi byggðarráðs var eftirfarandi bókað;
Formaður byggðarráðs leggur til að umræðum um endurskoðun á samþykktum Norðurþings verði frestað til næsta fundar ráðsins þann 8. apríl.
Tillagan er samþykkt.

Á 356. fundi byggðarráðs var bókað;
Byggðarráð felur sveitarstjóra að ganga frá samningi í samræmi við fyrirliggjandi drög.

Fyrir byggðarráði liggja nú ný drög að samningi með breytingartillögum leigutaka.