Byggðarráð Norðurþings

Borist hefur erindi frá Fjárfestingafélagi Þingeyinga hf. þar sem óskað er eftir afstöðu Norðurþings til mögulegrar framtíðar félagsins.

Samgöngu- og sveitastjórnarráðuneytiið hefur á grundvelli 2. mgr. 19. gr. sveitarstjórnarlaga, nr. 138/2011, gefið út nýjar leiðbeiningar um ritun fundargerða sveitarstjórna og leiðbeiningar um þátttöku nefndarmanna á fundum sveitarfélaga með rafrænum hætti. Samhliða nýjum leiðbeiningum hefur ráðuneytið, í samvinnu við Samband íslenskra sveitarfélaga, uppfært fyrirmynd að samþykkt um stjórn sveitarfélaga sem ráðuneytinu ber aðgefa út sbr. 2. mgr. 9. gr. sveitarstjórnarlaga.

Borist hefur erindi frá Níelsi Árna Lund þar sem hann óskar eftir að hætta sem stjórnarmaður í Rannsóknarstöðinni Rifi en Árni hefur verið fulltrúi Norðurþings í stjórninni frá árinu 2014.

Meirihluti skipulags- og framkvæmdaráð leggur til við byggðarráð að tillaga framkvæmda- og þjónustufulltrúa verði samþykkt.
Ásta og Hjálmar Bogi óska bókað að þau séu ekki sammála hækkun á gjaldskrá sorphirðu.

Á 108. fundi skipulags- og framkvæmdaráðs 12. október sl. var eftirfarandi bókað:
Skipulags- og framkvæmdaráð samþykkir framlagða gjaldskrá og vísar til byggðarráðs til umfjöllunar og sveitarstjórn til samþykktar.

Á 101. fundi fjölskylduráðs 11. október sl. var eftirfarandi bókað: Fjölskylduráð samþykkir að gjaldskráin hækki um 2,5% frá fyrri gjaldskrá og vísar henni til staðfestingar í sveitarstjórn og kynningar í byggðarráði
Gjaldskrá fæðisgjalds leikskóla í Norðurþingi verður samræmd á milli skóla.

Klst
Almennt gjald




1
3.702 kr.



4
14.809 kr.




5
18.512 kr.



6
22.214 kr.




7
25.916 kr.



8
29.618 kr.



8,5
33.321 kr.


Klst
Einstæðir



1
2.661
kr.


4
10.644
kr.


5 13.305
kr.


6
15.965
kr.

7 18.626
kr.


8 21.287
kr.


8,5
23.948
kr.












Morgunverður: 2.516 kr.
Hádegisverður: 5.992 kr.
Síðdegishressing: 2.516 kr.






Gjald ef barn er sótt eftir umsaminn tíma: 1000 kr.






Systkinaafsláttur með 2. barni 50% og með 3. barni 100%






Námsmenn sem stunda fullt lánshæft nám samkvæmt reglum Lánastjóðs íslenskra námsmanna fá 20% afslátt af vistunargjöldum samkvæmt nánari reglum þar um.

Á 101. fundi fjölskylduráðs 11. október, var eftirfarandi bókað: Fjölskylduráð samþykkir gjaldskránna og vísar henni til staðfestingar í sveitarstjórn og kynningar í byggðarráði.

Um er að ræða 2,5% hækkun á grunnámi.
Gjaldskrá verður birt á vef Norðurþings.

Á 101. fundi fjölskylduráðs 11. október sl. var eftirfarandi bókað: Fjölskylduráð samþykkir gjaldskránna og vísar henni til staðfestingar í sveitarstjórn og kynningar í byggðarráði. Gjaldskrá mötuneyta grunnskóla í Norðurþingi verður samræmd á milli skóla. Gjaldið verður því 510 krónur fyrir ávexti og hádegisverð, morgunhressing er áfram í boði Norðurþings.

Á 101. fundi fjölskylduráðs 11. október sl. var eftirfarandi bókað: Fjölskylduráð samþykkir að hækka gjaldskrá Frístundar 2022 um 2,5% og vísar henni til staðfestingar í sveitarstjórn og kynningar í byggðarráði.

Gjaldskrá Frístundar 2022.

Fullt pláss 5 dagar: 23.050
4 dagar: 18.714
3 dagar: 14.353
2 dagar: 10.031
1 dagur: 5.669

Einstæðir - fullt pláss 5 dagar:16.564
Einstæðir - 4 dagar: 13.448
Einstæðir - 3 dagar: 10.314
Einstæðir - 2 dagar: 7.208
Einstæðir - 1 dagur: 4.074


Systkinaafsláttur er:
50% fyrir annað barn:
100% afsláttur fyrir þriðja barn
Innifalin í gjaldinu er síðdegishressing.

Á 108. fundi skipulags- og framkvæmdaráðs 12. október sl. var eftirfarandi bókað:
Skipulags- og framkvæmdaráð telur skynsamlegt að gera ráð fyrir því í fjárhagsáætlun komandi árs að ný sveitarstjórn vilji hefja vinnu við heildarendurskoðun aðalskipulags sveitarfélagsins á komandi kjörtímabili. Núverandi aðalskipulag tók gildi árið 2010 frá því að það skipulag tók gildi hafa ýmsar forsendur breyst. Ný sveitarstjórn skal lögum samkv. taka ákvörðun í upphafi kjörtímabils hvort hún telji tilefni til endurskoðunar aðalskipulags.

Ráðið telur æskilegt að gera ráð fyrir auknu fjármagni til skipulagsvinnu frá því sem tillaga skipulags- og byggingarfulltrúa gerir ráð fyrir. Það myndi gera nýrri sveitarstjórn kleift að hefja vinnu við endurskoðun aðalskipulags verði það niðurstaða hennar. Ráðið leggur því til við byggðaráð að rammi skipulags- og byggingarmála verði aukinn um 3 milljónir sem bættist þá við aðalskipulagsvinnu (09-221). Ráðið samþykkir að öðru leiti tillögu skipulags- og byggingarfulltrúa að fjárhagsáætlun og vísar henni til umfjöllunar byggðaráðs.

Á 108. fundi skipulags- og framkvæmdaráðs 12. október sl. var eftirfarandi bókað:
Skipulags- og framkvæmdaráð samþykkir fyrirliggjandi áætlun fyrir rekstur málaflokks 10 Umferðar og samgöngumál og óskar eftir viðbót við ramma frá byggðarráði upp á 10.551.412 krónur.

Skipulags- og framkvæmdaráð samþykkir fyrirliggjandi áætlun fyrir rekstur málaflokks 11 Umhverfismál og óskar eftir viðbót við ramma frá byggðarráði upp á 6.637.631 krónu.

Skipulags- og framkvæmdaráð samþykkir fyrirliggjandi áætlun fyrir rekstur málaflokks 31 Eignasjóður og óskar eftir viðbót við ramma frá byggðarráði upp á 5.032.154 krónur.

Skipulags- og framkvæmdaráð samþykkir fyrirliggjandi áætlun fyrir rekstur málaflokks 57 Félagslegar íbúðir og óskar eftir viðbót við ramma frá byggðarráði upp á 4.251.497 krónur.

Ráðið samþykkir fyrirliggjandi áætlanir fyrir málaflokka 8 Hreinlætismál og 33 Þjónustumiðstöð.

Skipulags- og framkvæmdaráð vísar öllum áætlunum til umræðu í byggðarráði

Fyrir byggðarráði liggja breytingar á fjárhagsrömmum fyrir fjárhagsáætlun ársins 20222 vegna hækkunar á innri leigu. Hækkunin nemur rúmum 23 milljónum.
Einnig liggur fyrir byggðarráði fjárhagsáætlun fyrir málaflokka 07-Brunamál og almannavarnir og 13-Atvinnumál.

Útboði á tryggingum Norðurþings fyrir tímabilið 2022-2024 er nú lokið og liggja niðurstöður fyrir.
Lægsta tilboð á VÍS upp á 17.273.217 krónur.

Á 370. fundi byggðarráðs var bókað;
Málið er komið í farveg og niðurstöðu að vænta á næstu vikum.

Fyrir byggðarráði liggur nú minniblað frá KPMG þar sem gerð er grein fyrir niðurstöðu úttektar á eftirfylgni viðskiptareglna Norðurþings frá 2013.

Fyrir byggðarráði liggur tillaga formanns byggðarráðs um að fresta sveitarstjórnarfundi sem áætlaður var þann 19. október nk. til 26. október nk.

Borist hefur bréf frá Samgöngu- og sveitarstjórnarráðuneytinu þar sem kynnt eru drög að reglugerð um breytingu á reglugerð nr. 1088/2012 um Jöfnunarsjóð sveitarfélaga.
Drögin hafa verið birt í Samráðsgátt og er slóð á málið eftirfarandi: https://samradsgatt.island.is/oll-mal/$Cases/Details/?id=3058

Sveitarstjóri lagði fram gagntilboð vegna sölu á Hafnarstétt 17 til samræmis við bókun á 373. fundi byggðarráðs.
Gagntilboðinu var beint að óstofnuðu hlutafélagi Péturs Stefánssonar ehf., Steinsteypis ehf. og Dimmuborga ehf.
Gagntilboðið gilti út mánudaginn 11. október en ekki bárust nein viðbrögð við því.

Á 358. fundi byggðarráðs var bókað;
Byggðarráð frestar afgreiðslu málsins og felur sveitarstjóra að afla frekari upplýsinga og leggja fyrir ráðið að nýju.

Nú liggur fyrir byggðarráði minnisblað vegna breytinga á viðaukabeiðninni frá skólastjóra Borgarhólsskóla ásamt uppfærðri viðaukabeiðni.

Viðaukabeiðnin er nú að fjárhæð 7.000.000 króna og er gert ráð fyrir að útgjöldunum verði mætt með lækkun á handbæru fé.

Á 367. fundi byggðarráðs var bókað;
Byggðarráð tekur jákvætt í beiðnina en vísar málinu aftur til fjölskylduráðs. Byggðarráð óskar eftir minnisblaði eða öðrum gögnum um það hvaða leiða hafi verið leitað til að mæta þessum kostnaði innan sviðsins. Byggðarráð minnir á að fylgja beri innkaupareglum sveitarfélagsins og reglum um rammasamninga.

Nú liggur fyrir byggðarráði minnisblað vegna breytinga á viðaukabeiðninni frá skólastjóra Grunnskóla Raufarhafnar og Öxarfjarðarskóla ásamt uppfærðri viðaukabeiðni.

Viðaukabeiðnin er nú að fjárhæð 1.997.435 krónur og er gert ráð fyrir að útgjöldunum verði mætt með lækkun á handbæru fé.

Borist hefur erindi frá Húsnæðis- og mannvirkjastofnun þar sem tilkynnt er að opið sé fyrir umsóknir um stofnframlög ríkisins til 24. október nk.

Fyrir byggðarráði liggja fundargerðir 28 og 29. funda stjórnar SSNE frá 11. ágúst og 8. september 2021.

Fyrir byggðarráði liggur fundargerð stjórnar Markaðsstofu Norðurlands frá 28. september sl.