Byggðarráð Norðurþings

Á 373. fundi byggðarráðs var bókað;
Byggðarráð felur sveitarstjóra að vinna málið áfram með lögfræðingi sveitarfélagsins.

Á fund byggðarráðs mætir Hilmar Gunnlaugsson lögfræðingur.

Fyrir byggðarráði liggja drög að uppbyggingarsamningi Norðurþings og Golfklúbbs Húsavíkur vegna nýrrar aðstöðu Golfklúbbsins við Katlavöll.

Borist hefur erindi frá Ríkiskaupum þar sem kallað er eftir því að að þau sveitar- og bæjarfélög sem hyggjast fjárfesta í slökkviliðsbílum á næstu 4-36 mánuðum og hafa áhuga á samstarfi við útboð hafi samband við sérfræðinga Ríkiskaupa og lýsi yfir áhuga fyrir 10. nóvember nk.

Einnig liggja fyrir byggðarráði drög að kröfulýsingu vegna kaupa á slökkvibifreið frá slökkviliðsstjóra Norðurþings.

Fyrir byggðarráði liggur erindi frá fötlunarráði Norðurþings vegna kaupa á húsbúnaði og raftækjum fyrir nýjan íbúðakjarna fyrir fatlaða við Stóragarð 12.
Þar sem takmörkuð starfsemi er enn sem komið er í Vík hses. sem annast mun um rekstur íbúðakjarnans, er þess farið á leit við sveitarfélagið að það leggi félaginu tímabundið til fjármagn vegna þessara kaupa.

Borist hefur tilkynning frá forstjóra Húsasmiðjunnar um að verslunin muni hætta starfsemi á Húsavík um næstu áramót. Húsasmiðjan hefur því sagt upp leigusamningi vegna Vallholtsvegar 10.

Einnig liggur fyrir erindi frá Ásmundi Skeggjasyni varðandi notkunarmöguleika Vallholtsvegar 8.

Borist hefur erindi frá atvinnu- og samfélagsfulltrúa Öxarfjarðarhéraðs vegna aðstöðu til bifreiðaskoðunar á Kópaskeri. Óskað er eftir því að sveitarfélagið Norðurþing komi að tveggja ára tilrauna-/samstarfsverkefni Aðalskoðunar, Norðurþings og Randarinnar á Kópaskeri með fjárframlagi upp á 200.000 á hvoru ári.
Einnig hefur borist erindi frá hverfisráði Raufarhafnar þar sem tekið er undir erindi atvinnu- og samfélagsfulltrúa Öxarfjarðarhéraðs og sveitarfélagið hvatt til að sækja fjárframlagið til ríkisins þar sem um lögbundna þjónustu sé að ræða.

Borist hefur erindi frá verkefnastjóra Norðurhjara, Halldóru Gunnarsdóttur, þar sem óskað er eftir endurnýjun á samstarfssamningi Norðurþings og Norðurhjara á árinu 2022.

Fyrir byggðarráði liggur að tilnefna í hverfisráð Kelduhverfis, Raufarhafnar og Öxarfjarðarhéraðs.

Sveitarstjóri gerir grein fyrir stöðu húsnæðismála á Kópaskeri og samstarfsins við Leigufélagið Bríeti.

Borist hefur erindi frá Sambandi íslenskar sveitarfélaga þar sem sagt er frá námskeiði Landverndar, Loftslagsvernd í verki. Kjörnum fulltrúum og starfsmönnum sveitarfélaga er boðin þátttaka í námskeiðinu og er þátttakan gjaldfrjáls.

Borist hefur ályktun af fundi stjórna og trúnaðarráðs Framsýnar þar sem ríki og sveitarfélög eru hvött til að gæta aðhalds í gjaldskrárhækkunum til að ýta ekki undir frekari verðbólgu.

Fyrir byggðarráði liggur kostnaðaráætlun vegna samstarfsverkefna í stafrænni umbreytingu sveitarfélaga 2022 frá Sambandi íslenskra sveitarfélaga.

Borist hefur erindi frá Sambandi íslenskra sveitarfélaga þar sem sveitarstjórnir um allt land eru hvattar til að hefja nú þegar undirbúning fyrir gildistöku lagabreytinga um hringrásarhagkerfið sem taka gildi 1. janúar 2023.

Sævar Logi Ólafsson, fyrir hönd Björgunarskóla Slysavarnafélagsins Landsbjargar, óskar eftir umsögn sveitarfélagsins vegna námskeiðs í uppsetningu og framkvæmd skoteldasýninga. Námskeiðið verður haldið laugardaginn 11. desember nk.

Fyrir byggðarráði liggur rekstraryfirlit málaflokka fyrir tímabilið janúar til september 2021.

Fjölskylduráð samþykkir fyrirliggjandi gjaldskrá Tónlistarskóla Húsavíkur. Veittur verður systkinaafsláttur fyrir nemendur 20. ára og yngri. Ráðið vísar gjaldskránni til kynningar í byggðarráði og til staðfestingar í sveitarstjórn. Gjaldskráin verður birt á heimasíðu Tónlistarskóla Húsavíkur og Norðurþings.

Á 109. fundi skipulags- og framkvæmdaráðs var bókað;
Skipulags- og framkvæmdaráð vísar fyrirliggjandi tillögu til umræðu í byggðarráði.

Málinu var frestað á síðasta fundi byggðarráðs.

Á 102. fundi fjölskylduráðs var eftirfarandi bókað: Fjölskylduráð vísar málinu til frekari umfjöllunar í byggðarráði. Ráðið felur félagsmálastjóra að taka saman minnisblað um stöðu á fjárhagsáætlunargerð 2022.

Málinu var frestað á síðasta fundi byggðarráðs.

Á 102. fundi fjölskylduráðs var eftirfarandi bókað: Fjölskylduráð vísar málinu til byggðarráðs og óskar eftir hækkun á ramma um 29.586.799 krónur til að mæta kostnaði við endurnýjun tölvubúnaðar, húsgagna, aukinnar sálfræðiþjónustu o.fl.

Málinu var frestað á síðasta fundi byggðarráðs.

Á 102. fundi fjölskylduráðs var eftirfarandi bókað: Fjölskylduráð vísar málinu til byggðarráðs og óskar eftir hækkun á ramma um 1.262.203 krónur sem skýrist af færslu Mærudaga eingöngu yfir á menningarmál.

Málinu var frestað á síðasta fundi byggðarráðs.

Á 102. fundi fjölskylduráðs var eftirfarandi bókað: Fjölskylduráð samþykkir fyrirliggjandi ramma og vísar þeim til kynningar í byggðarráði og fyrri umræðu hjá sveitarstjórn.

Málinu var frestað á síðasta fundi byggðarráðs.

Á 110. fundi skipulags- og framkvæmdaráðs var bókað;
Skipulags- og framkvæmaráð vísar útgönguspá fyrir framkvæmdir ársins 2021 til byggðarráðs.

Fyrir byggðarráði liggja áætlanir málaflokka 07-brunamál og almannavarnir, 13-Atvinnumál og 21-Sameiginlegur kostnaður.

Borist hefur tilkynning frá Eignarhaldsfélaginu Brunabótafélagi Íslands um ágóðahlutagreiðslu 2021 að fjárhæð 2.101.500 krónur.

Fyrir byggðarráði liggur skýrsla flugklasans fyrir tímabilið 9. apríl til 26. október 2021.

Fyrir byggðarráði liggur fundargerð stjórnar Menningarmiðstöðvar Þingeyinga frá 27. október sl.

Fyrir byggðarráði liggur fundargerð 221. fundar Heilbrigðisnefndar Norðurlandssvæðis eystra frá 6. október sl. ásamt fjárhagsáætlun HNE fyrir árið 2022.

Fyrir byggðarráði liggja fundargerðir 901. og 902. fundar stjórnar Sambands íslenskra sveitarfélaga frá 24. september og 29. október sl.